Hezkuntzako 1.800 profesionalek suizidioaren prebentziorako prestakuntza jasoko dute
Eusko Jaurlaritzako Hezkuntza Sailak antolatu du ekimena aste honetan zehar, BECen, Barakaldon. 900 ikastetxetako ordezkariak izango dira eta zortzi orduko formakuntza jasoko dute. Begoña Pedrosa Hezkuntza sailburuordeak nabarmendu du ikasleen ongizate emozionala "zaintzea" garrantzitsua dela. Helburua da ikastetxeak elkarbizitza segururako gune bihurtzea.
Hezkuntzako 1.800 profesionalek suizidioaren prebentziorako prestakuntza jasoko dute Hezkuntza Sailak antolatuta aste honetan zehar. Barakaldon egingo dute, BECen. Lehen Hezkuntza, DBH, Batxilergoa, Lanbide Heziketa eta Helduen Hezkuntza ematen duten 900 ikastetxetako ordezkariak izango dira. Asteartean izan da lehen saioa, eta parte hartzaileek zortzi orduko formakuntza jasoko dute.
Osasun publikoko arazo bat den heinean, suizidioa Eusko Jaurlaritzaren osasun eta hezkuntza politiken "lehentasuna" ere badela nabarmendu du Begoña Pedrosa Hezkuntza sailburuordeak, Eusko Jaurlaritzaren arabera. Era berean, ikasleen ongizate emozionala "zaintzen eta sustatzen" duen eskola eraikitzearen garrantzia azpimarratu du: "Beharrezkoa da bizikidetzarako heztea, gaitasun emozionala landuz, elkarrizketa bidezko ikaskuntza bultzatuz eta zaintzaren pedagogia sustatuz".
Beraz, helburua da hezkuntza arloko profesionalei prestakuntza ematea, beren buruaz beste egiteko arriskuan dauden gazteak detektatzeko "ezagutza espezifikoa" eskura dezaten, hezkuntza arloan babes neurriak ezarriz erantzun dezaten eta osasun zerbitzu espezializatuetara bideratzen jakin dezaten.
Jarduerak Araba eta Gipuzkoako ikastetxeetako ordezkariak batuko ditu, publiko zein itunpekoetakoak, martxoaren 27 eta 28an; 30 eta 31n, berriz, Bizkaiko profesionalen txanda izango da.
Bizikasi ekimena
Suizidioaren prebentzioko prestakuntza jarduera Hezkuntza eta Osasun Sailek osatutako eta iazko urrian aurkeztutako estrategiaren baitan kokatzen da, Hezkuntza-eremuan Jokabide Suizidaren Prebentzioa, Esku-hartzea eta Posbentzioa egiteko Estrategian izenburupean. 2017tik ari dira Bizikasi ekimenarekin.
Eusko Jaurlaritzaren arabera, helburua da ikastetxeak elkarbizitza segururako gune bihurtzea eta jazarpen egoeren aurrean tolerantziarik izango ez duten gune izaten laguntzea. Oro har, ikasleen artean suizidioa prebenitzeko programetan ikaskuntza sozioemozionaleko jarduerak sartzen dira, hala nola erregulazio emozionala, arazoak konpontzeko eta aurre egiteko trebetasuna, erabakiak hartzea, bizikidetza positiboa, bullyingaren prebentzioa eta osasunerako hezkuntza.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Presoa ziegan aurkitu dute hilik ostegun iluntzean. Eusko Jaurlaritzak esan du suizidio kasu baten aztarnak dituela. Gainera, Jaurlaritzak 2021ean espetxeen eskumena jaso zuenetik hiltzen den zazpigarren presoa da.
(Azken aldi luzean ezin naiz gauez atera, eta arratsaldez ere larri, eta asteburuetan ere ez, eta (jarri zaizue jada ihes egiteko gogoa), marianitoak eta bazkari azkar samarrak izaten dira nire enkontruneak. Konpainiak ondoegi aukeratu behar ditut. Ezin ditut poteoak... [+]
Euskal Herriko Unibertsitateko zenbait ikertzaileek harrera-egoitzetako nerabeen jokabide suizidak aztertu dituzte, eta ondorioztatu dute gazteen laurdena bere buruaz beste egiten saiatu dela. Salatu dute langile gehienek ezagutza “baxua” dutela.
Lagundu nahi eta kontrakoa eragin dezakegu, ez badakigu gestionatzen zer esan eta egin, gertuko norbaitek aitortzen digunean egoerak gain hartu diola eta bere buruaz beste egingo duela. Jarraibide erraz batzuk eman ditu Pablo R. Coca psikologoak, hain egoera konplexuari aurre... [+]
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Eskolan suizidioa prebenitu eta esku hartzeko protokoloa 613 aldiz abiatu dute EAEn, protokoloa martxan jarri den lehen ikasturtean. Bai irakasleak, bai ikasleak gaian trebatzea da helburua, buruko osasun arazoak ikasleen artean ere arazo larri bihurtu diren garaiotan.
Suizidioaz informatzeak lagundu diezaieke pentsamendu suizida duten pertsonei, baina horretarako egoki informatzea funtsezkoa da, tabu honen inguruan dauden uste okerrak, estereotipoak eta sentsazionalismoa saihestuz, eta arrisku faktoreak, prebentzio neurriak eta dauden... [+]
Incidence of mental disorders in the general population aged 1–30 years ikerketak osasun mentalaren inguruko datuak argitaratu ditu. Egungo egoeraren berri eman eta bizitzako etapa garrantzitsuenak zein diren argitu ditu besteak beste.
2021an, Getxo ZUrt! egitasmoa sortu zuten Getxoko Jon Garcia psikiatrak eta Fundación Doble Sonrisa-ko Naomi Hasson erizainak, suizidioaren prebentzioan lagunduko zuen proiektu bat aurrera eramateko xedeagaz. Bi urte geroago, egitasmoa inoiz baino aktiboago dago, eta,... [+]
Preso dauden pertsonen artean portaera suizida areagotu egiten da, faktore psikologiko eta soziodemografikoengatik. Hego Euskal Herrian, 2023an, bi presok egin zuten beren buruaz beste astebetean. Orain gutxi, Eusko Jaurlaritzak “laguntzarako presoen” irudia... [+]
Presoen suizidio tasa gizartean dagoen tasaren bikoitza baino gehiago da. Horrez gain, presoen herenak buruko gaitzen bat du. Europako presoen osasunari buruzko 2020ko datuak dira, orain aurkeztu duten OMEren txosten batetik eratorriak.
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
Zer egin norbaitek pentsamendu suizida adierazten duenean? galderari erantzun diote “Suizidioa: XXI. mendeko beste pandemia” jardunaldietan, eta horretarako, suizidioaz dauden hainbat mito gezurtatu dituzte lehenengo, suizidioaren inguruan galdetzeaz, arreta... [+]