Suhiltzaileek euskaraz egin nahi dituzte promoziorako eta mailaz igotzeko azterketak
Iruñeko Cordovillako suhiltzaileen-parkean elkarretaratzea egin dute langileek azterketak euskaraz nahi dituztela adierazteko. "Promoziorako eta mailaz igotzeko probak euskaraz egin nahi ditugu. Gobernuak ez digu erantzunik ematen eskaera horri", adierazi du Mintxo Astiz LABeko ordezkariak.
Suhiltzaileen herena da euskalduna Nafarroan. Azken promozioan gainera zenbateko hori handitu da. Azterketak euskaraz nahi dituztela eskatzeko elkarretaratzea egin dute gaur Cordovillan duten suhiltzaile-parkean. Mintxo Astiz Oronozen aritzen da suhiltzaile: "Orain arte gaztelaniaz egin ditugu proba guztiak eta eskaerak egin baditugu ere hori aldatzeko erantzunik ez dugu jaso". Gaur zuten azterketa bat, eta hori ere, erdaraz egin behar izan dute.
Euskara kontuan hartzen diete "bakarrik" zonifikazioaren arabera euskalduna den eremuan. "Altsasun, Oronotzen edota Auritzen kontuan hartzen dute euskararen ezagutza baina Iruñerrira etortzeko ez dute bat ere kontuan hartzen hori", esan du. "Iruñerriko bizilagunek eskubide dute euskarazko zerbitzua jasotzeko eta hori ezin da bermatu", ohartarazi du Astizek.
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.