Statkraft multinazionalak Euskal Herrian bi parke eoliko eraikitzeko asmoak hautsak harrotu ditu
Araba eta Gipuzkoako mugan eta Urola Erdialdean eraiki nahi ditu parke eolikoak multinazional norvegiarrak. Azpeitiko Udalak herri batzar irekia deituko du eta enpresako arduradunak ere izango dira bertan. Bitartean, hainbat herritar antolatzen hasi dira proiektu horiek ez dituztelako begi onez ikusten eta bilera deitu dute Azpeitian bertan.
Hautsak harrotu ditu aste honetan Statkraft multinazional norvegiarrak Euskal Herrian bi parke eoliko jarri nahi dituen albisteak. Multinazionalak Eusko Jaurlaritzari aurkeztu dizkio proiektuak: Araba eta Gipuzkoako mugan, Aramaio eta Eskoriatza artean bata, eta Azpeitian bestea.
Azpeitiko Udalak batzar batera deituko ditu herritarrak gaiaren inguruan hitz egiteko eta Nerea Alkorta alkateak (EH Bildu) baieztatu du Statkrafteko arduradunak ere bertan izango direla. Proiektuak baditu elementu "berritzaileak" Alkortaren arabera: "Sustatzailea Norvegiako enpresa publiko bat dela eta, garrantzitsuena, energiaren sozializazioaz eta demokratizazioaz eta lankidetzaz hitz egiten dela", adierazi dio Hamaika Telebistari.
Statkraftek Euskal Herrian eraiki nahi dituen parkeak 58 MW eta 33 MW potentziakoak lirateke eta denera 90 milioi euroko inbertsioa egin nahi du horretarako
Ildo beretik idatzi du sare sozialetan EH Bilduko trantsizio ekologikoko idazkari Mikel Oterok: "Proiektu horiei buruz eztabaidatzea tokatuko da (beste askori buruz bezala), baina badirudi proposamen berezi baten aurrean gaudela", azaldu du Twitterreko bere kontuko harian. Oterok gaineratu du multinazionalak "kode etiko sendoa" duela.
Hainbatek EH Bilduren baitan iritzi aldaketa ikusi dute adierazpen horiekin. Arnaldo Otegi EH Bilduko koordinatzaile nagusiak, baina, esan du aldatu dena Jaurlaritza bera dela, eta Euskaltel enpresa publikoarekin gertaturikoa jarri du horretarako adibide: "Saldu zuenean [Arantxa] Tapiak esan zuen ezin genituela enpresa publikoak eduki, hori komunisten kontua zela. Bada, orain Tapiak dio gustatuko litzaiokeela horrelako konpainia bat izatea", adierazi du Radio Euskadin.
Fagor interesaturik
Statkraftek Euskal Herrian eraiki nahi dituen parkeak 58 MW eta 33 MW potentziakoak lirateke eta denera 90 milioi euroko inbertsioa egin nahi du horretarako.
Fagor taldeak, bere aldetik, adierazi du "hasierako harremanak" izan dituztela multinazionalarekin eta Statkraften "eredu berriak" eskaintzen dituen aukera aztertzen ari direla, Aritz Otxandiano Fagorreko iraunkortasun arduradunaren hitzetan.
Eolikoen aurkako mugimendua
Azken urteetan Euskal Herriko eskualde eta lurralde askotan parke eolikoak sortzeko egitasmoak ezagutarazi dira eta proiektu horien kontra dauden herritarrak mugiarazi ditu horrek; hala, hainbat plataforma sortu dira eta protestak egin dituzte.
Adibidez, Arabako Mendiak Aske kolektiboak deituta, Labrazan eta Azazetan eraiki nahi dituzten zentral eolikoen kontrako martxa egin zuten joan den abuztuan. Zizkurkilen, Andatza mendian 121 metroko altuerako 4 haize errota jarri nahi dituztela jakiteak ere alarmak piztu ditu, inguruko naturgune bakanetakoa baita.
Hala, Azpeitian asko dira Statkraften proiektua mesfidantzaz ikusten dutenak eta batzarra deitu dute Zentral eolikorik ez! leopean datorren asterako.
Statkraft enpresa publikoaren holdingak
Norvegiako enpresa publikoak makina bat proiektu jarri ditu abian munduan barrena berriztagarriekin –sektorean nagusi da Europan–, horretarako bere filialak diren sozietate eta holdingak sortuz edo Solarcentury bezalako enpresa handiak erosiz.
Brasilen, esaterako, Hego Amerikako konplexu eoliko handiena eraikitzen ari da Bahian, Ventos de Santa Eugenia izenekoa, 91 turbina eta 518,7 MW-koa.
Eta gertuago, Alacanteko Vinalopóko 435 hektarea edo futbol zelai inguruko megaplanta fotovoltaikoa eraikitzea, Statkraft Holding España SL-ren esku dago; talde ekologistek hainbat helegite jarri dituzte, ustez energiaren konexio-hurbilekoa izan behar zuenak, azkenean 54 kilometroko tentsio altuko linea batekin egin nahi dutelako.
Statkraftek 2021 urtean ia 1.600 milioi eurotik gorako etekin garbiak lortu zituen esku artean dituen azpiegitura eta proiektuen bidez.
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna: Urumeako mendietan ezarri nahi duten Euskal Herriko zentral eoliko handienaren kontrako protesta izan... [+]
Susmoa dut komunitatea hustuketa prozesu betean dagoela, eta beldur naiz, beste askori gertatu eran, mamirik gabeko bilgarri ez ote den bilakatuko, jada bilakatu ez bada. Ikustea besterik ez dago, komunitatearen izaera holistikoa gero eta modu lausoagoan heltzen da, eta Che... [+]
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Cefiro Holdco enpresak "Domiko" deitu dion eta bederatzi makroeoliko izango lituzkeen proiektua jarri nahi du Lesaka eta Goizuetako lurretan eta ebakuazio-linea Oiartzungo azpiestaziora bideratuko luke. Espainiako Gobernuak du proiektu hau tramitatzeko eskumena.
Bolo-bolo dabil energia berriztagarrien hedapenaren inguruko eztabaida. Sarri askotan, iritsi den proiektu zaparrada desordenatuak eragindako artegatasunak bultzatuta, albiste zein iritzi-artikulu mordoaz gain, hitzaldiak, eztabaidak, mahai inguruak, bideo emanaldiak eta abar... [+]
Komunitatea bildu, pilpilean dauden gaiez hitz egin, informazioa trukatu eta beste herrien esperientziak ezagutzea da herritar kritikoek egiten duten lehen ekintza, makroeoliko bat herrian jarriko diotela jakiten duenean. Halaxe egingo dute martxoaren 13an Andoainen: mendi... [+]
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.