Steilasek salatu du Jaurlaritzak hezkuntza pribatizatu nahi duela lege berriaren bidez
Bilboko Hezkuntza Delegaritza aurrean elkarretaratzea egin du Steilas sindikatuak, irailaren 14an aurkeztu zen EAEko Hezkuntza lege proiektuaren zirriborroaren aurka. Besteak beste, kritikatu dute testua eragile sozialen parte hartzerik gabe osatu dutela eta ez duela euskal eskola publikoa lehenesten.
Steilas sindikatuak irailaren 19an argi eta garbi adierazi du ez dagoela ados Eusko Jaurlaritzako Hezkuntza Sailak irailaren 14an Araba, Bizkaia eta Gipuzkoarako aurkeztutako legearen aurreproiektuarekin. Bilboko Delegaritzaren aurrean elkartu dira hori ozen esateko, Ez saldu hezkuntza publikoa, Hezkuntza Lege toxiko honi ez! lemapean.
Horixe da prentsaurrekoan azaldu duten kexu nagusietako bat: lege berriaren bidez hezkuntza pribatizatu nahi dutela leporatzen diote Jaurlaritzari. “Dualtasuna betikotzeko trikimailu bat besterik ez da aurkeztu duten proiektua, egiturazko aldaketarik ez duten sasineurri zuzentzailez osatua”, ohartarazi dute. Ikastetxe publiko eta pribatuen aferan gakoa titulartasuna dela diote, eta lege zirriborroko Hezkuntza Zerbitzu Publikoa kontzeptua “eufemismo maltzur bat” besterik ez dela, finean “ikastetxe pribatuen erreskatea ahalbidetzeko”. Steilasen esanetan, “agerikoa” da lege-proiektuaren bidez pribatizazioa bultzatzeko nahia.
Gogorarazi dute titulartasuna garrantzitsua dela euskararen presentzia bermatzeko, eta, beraz, lege honek ez duela euskara erdigunean jarriko. Halaber, salatu dute segregazioa areagotu egingo duela: “Alferrikakoa da dagoeneko eraginkorrak ez diren segregazioaren kontrako neurriak ezartzea, hauek egituraz segregatzen duen sistema dualari partxeak jartzeko baino ez dute balio”.
Parte hartzerik ez
EAEko Hezkuntza Legearen zirroborroari ekarpenak egiteko hilabeteko tartea egongo da; sindikatuak salatu du Jaurlaritzak “ahalik eta azkarren” gauzatu nahi duela legea, “gobernuaren behar politikoak direla eta”. Horrexegatik eztabaidarako tarterik utzi ez izana egotzi diote, ez sindikatuekin ez eragile sozialekin. Argitu dute parte hartze horren hutsunea nabarmena dela, ez dutelako zirriborroan jaso Steilasek eta hainbat eragile sozialek publikoki eginiko inolako ekarpenik.
Steilasek indarrak batzeko deia egin die hezkuntzako zein beste sektoreetako eragileei, legearekiko desadostasunak adierazteko eta “hau eteteko behar diren mobilizazioak aurrera eramateko”.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Seme-alabek eskolan dituzten ratioekin kezkatuta, Arartekoari kexa helarazi zion guraso talde batek, eta orain zuzenean Parlamentuari egin diote eskaera, “legez berma dadin gure seme-alaben hezkuntzaren kalitatean oinarrizkoa den neurria, unean uneko aurrekontuez edo... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Memoria eta Bizikidetzako, Kanpo Ekintzako eta Euskarako Departamentuko Memoriaren Nafarroako Institutuak "Maistrak eta maisu errepresaliatuak Nafarroan (1936-1976)" hezkuntza-webgunea aurkeztu du.
570.000 familiak euren haurren ikasgeletako hizkuntza nagusia zein izango den bozkatzeko aukera dute martxoaren 4ra arte: gaztelera edo katalana. Garikoitz Knörr filologoaren eta euskara irakaslearen arabera, kontsultak "ezbaian" jartzen du katalanaren zilegitasuna... [+]
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Euskal hezkuntza sistemaren itunpeko eskolen gainkontzertazioa eta zentro pribatuen umeak hartzeko gaitasuna beherakada demografikoari eta biztanleriaren klase osaketari egokitu behar dira.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Nola azaldu 10-12 urteko ikasleei bioaniztasunaren galerak eta klima aldaketaren ondorioek duten larritasuna, “ez dago ezer egiterik” ideia alboratu eta planetaren alde elkarrekin zer egin dezakegun gogoetatzeko? Fernando Valladares biologoak hainbat gako eman dizkie... [+]
Une delikatua igarotzen ari den zure lagun minak Taylor Swiften kontzertura joatea proposatu dizu, baina kide zaren elkarte ekologistak elkarretaratzea deitu du, abeslariak sortuko duen kutsadura salatzeko; nora joango zara? Dilema etiko horri erantzun diote gazteek, baita... [+]
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]