STEILASek eta LABek jakinarazi dute Hezkuntza Sailak bertan behera utzi duela gaurko deituta zuten bilera teknikoa

  • Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.


2025eko martxoaren 31n - 11:24
Azken eguneraketa: 13:03
Aurreko astean Bilbon eginiko manifestazioa. LAB sindikatua

Dirudienez, aukerak urriak dira Arabako, Bizkaiko eta Gipuzkoako zentro publikoetako irakasleek greba egiteari uzteko: STEILAS eta LAB sindikatuek salatu dutenez, Eusko Jaurlaritzako Hezkuntza Sailak bertan behera utzi du gaurko deituta zuten bilera teknikoa. Gaurko bilkuran ez zuten adostuta lan hitzarmenaz aritzea –hori mahai negoziatzaileari dagokio–, eta LABek adierazi duenez, Lakuaren proposamen berririk jaso gabe jarraitzen dute.

Hezkuntza Sailak EITBri jakinarazi dioenez, erabaki horren arrazoia izan da ikastetxe bakoitzean izan beharreko baliabideak negoziatzearen auzia: euren arabera, batzar teknikoetan gai hori landu ordez, mahai negoziatzailean jorratu behar dela adierazi dute, greben inguruko elkarrizketetan gai garrantzitsu bat bihurtu dela argudiatuta. Hezkuntza sailburu Begoña Pedrosak agerraldia egin zuen ostiralean, eta adierazi zuen "akordio on bat lortzeko zorian" zeudela, eta horretarako negoziatzeko prest zeudela.

Sindikatuak eta Eusko Jaurlaritza oraingoz edukitzen ari diren negoziazio nahasien erakusle da Hezkuntza Sailak gaur hartutako erabakia: aurreko astelehenean bildu ziren azkenekoz, eta goizaldera arte egon ziren ados jarri ezin. Azkenean, grebei eustea erabaki zuten sindikatuek. Ordutik ez dira bildu, eta STEILASek sareetan argitaratutako mezu batean salatu du Eusko Jaurlaritzak ez duela inongo borondaterik negoziazioekin aurrera egiteko: "Ostiralean adierazi genuen asteburuan horretan aritzeko gure prestasuna ere, baina entzungor egin diote gure eskaintzari".

Biharko eta etzirako lanuzteak deituta

Aurreko astean hiru egunetan greba egin ostean, astearterako eta asteazkenerako deitu dituzte lanuzteak STEILAS, LAB, ELA eta CCOO sindikatuek, eta EAEko ikastetxe publikoetako irakasleak daude grebara deituta. Asteartean, Donostian, Gasteizen eta Bilbon egingo dituzte manifestazioak, 11:30ean hasita; asteazkenean, berriz, Gasteizko Europa jauregian deitu dute deialdi bakarra, 11:30ean.


Kanal honetatik interesatuko zaizu: Hezkuntza
Donostiako Udala vs. Ekologistak Martxan: nork du arrazoi?

Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]


Aisialdia, kirola eta kultura, mugikorrik gabeko arnasgune Urretxun

Herriko kirolgune, liburutegi, gazteleku, kulturgune, eskola inguru eta abarrek bereizgarria gehitu dute sarreran, jendeari eskatuz mugikorra bazter utz dezala. “Kalitatezko aisialdiaz gozatzea da helburua, arreta horretara jarrita, mugikorrak ekarri ohi duen distrakzioa... [+]


Eskola inguruetako aire kutsadurarik handiena Donostiako hiru ikastetxetan eta Bilboko bitan atzeman dute

Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]


‘Elgarrekin’ lelopean ospatuko dute aurtengo Herri Urrats maiatzaren 11n

Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.


Haur Hezkuntzako irakasleen %94 emakumeak dira

Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]


2025-04-23 | Jon Torner Zabala
Gipuzkoako klub batean jokatzeko ez da derrigorrezkoa izango eskola kirolean parte hartzea

EAEko Auzitegi Nagusiak agindu ostean eskola kirolaren aurkako epaia berehala betetzeko, Gipuzkoako Diputazioak jakinarazi du erabakia "onartu eta errespetatu" egingo duela, helegiterik ez duela aurkeztuko, eta aurrez Espainiako Auzitegi Gorenean jarritako kasazio... [+]


Euskarazko hezkuntzaren alde, ingeleseko saio gehiagorik ez

Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]


Hilberria
Elena Barrena, irakasle eta historialarien erreferentea

Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]


Negoziazioa: negarrerako zioa

Hezkuntza publikoko irakasleok  hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]


2025-04-10 | ARGIA
Maiatzean beste bost greba egun egingo dituzte EAEko hezkuntza publikoko irakasleek

Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.


Ingeles ordu gehiagorik ez dute nahi

Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]


2025-04-09 | Garazi Zabaleta
Pilotako esparatrapu hondakinetatik papera

Lehengai anitzekin papera egitea dute urteroko erronka Tolosako Lanbide Heziketako Institutuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka... [+]


2.361

Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.

Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]


Eguneraketa berriak daude