Aramaio eta Eskoriatza artean 201 metroko zortzi errota erraldoi eraikitzea ere aurreikusten du Statkraftek
Proiektua jendaurreko informazio fasean jarri dute, Bizkaiko Aldizkari Ofizialean. Zentral eolikoak, Araba eta Gipuzkoako lurretan ez ezik Bizkaikoan ere eragina izango luke eta denera bederatzi udalerri ukituko lituzke. Statkraftek ingurumena babesteko neurriak iragarri ditu bere webgunean.
Ostegun honetan argitaratu du Bizkaiko Aldizkari Ofizialak Statkraftek Euskal Herrian egitekoak dituen bi makro-zentral eolikoetako baten jendaurreko informazioa, multinazionalak Intsaraz izenez deitzen duena. Espainiako Gobernuko Lurralde Politikako Ministerioarena da iragarkia, eta azaltzen duenez, Aramaio eta Eskoriatza artean 60,4 MWko azpiegitura eraikitzea aurreikusten dute.
Aldizkari ofizialak dioenez, Madrilen egoitza duen Desarrollos Renovables Iberia Omicron SUL enpresa pribatuak eraikiko du zentrala –Statkraften Espainiako Estatuko filialetako bat da– eta zortzi aerosorgailu izango ditu, bakoitza 201 metro garaierakoa eta 172 metroko diametroarekin.
Informazio hau guztia duela egun batzuk filtratu zuten El Diario Vasco egunkarian, iragarkia atera aurretik, beste hainbat datu eta grafikorekin batera. Hala, errota erraldoiak Bilboko Ibedrola Dorrea baina handiagoak izango dira eta Madrilgo Torre Españaren parekoak, Vocento Taldeko komunikabidearen ilustrazioan ageri denez.
Statkrafetek bere webgunean dakar errota bakoitzaren gutxi gorabeherako kokapena zein izango den irudikatzen duen mapa.
Bederatzi udalerritan eragina
Eskoriatza eta Aramaio arteko Ganboralde (706 m.) eta Asentsiomendi (689 m.) inguruak hartzeaz gain, beste hainbat eremutan ere eragingo du azpiegiturak, Araban eta Gipuzkoan ezezik baita Bizkaian ere.
Argindarraren ebakuaziorako Arrasate, Atxondo, Elorrio eta Abadiñoko terrenoei eragingo die, eta zentrala eraikitzeko sarbideak egiteko Legutio, Arratzua-Ubarrundia eta Aramaioko terrenoei.
42 milioi euro errotak eraikitzeko, 725.000 euro ingurumena babesteko
Denera ia 42 milioi euro kostako zaio Statkrafti makro-zentrala egitea. Informazioa publiko egin eta berehala enpresa norvegiarrak bere webgunean argitaratu duenez, 725.000 euro bideratuko ditu ingurumena babesteko neurriak hartzera.
Obrak 2026 eta 2027 urte artean egitea espero du Statkraftek, eta lanek iraun bitartean kontrol akustikoak egingo ditu Aramaion eta Eskoriatzan.
Multinazionalak esan du energia "sozializatzeko" ereduari jarraituko diola, bai proiektu honekin bai Azpeitian, Zestoan eta Errezilen eraiki nahi duen zentralarekin, eta parte-hartze formulak aztertzen ari dela.
Esako urtegia handitzeko proiektua berraztertu dezala eskatu dio Chunta Aragonesista alderdiak Espainiako Gobernuari, tanta hotzak berriki utzitako hondamendia ikusita. Halako euriteak jasanez gero, Esak ur hori guztia askatzeko gaitasun nahikorik ez lukeela izango eta... [+]
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Nafarroako Gobernua ezustean harrapatu du Zangozako Muga meatze proiektuari Justiziaren arlotik emandako ostikadak. Hala onartu du Mikel Irujo Trantsizio Ekologikoko kontseilariak. Espainiako Meatzeen Legea aldatu beharko litzatekeela esan du eta ez du argitu Nafarroako Justizia... [+]
Hamasei plataformak baino gehiagok bat egin dute "Araba ez dago salgai" eta "Makroproiekturik ez!" mezuekin eta manifestazioa antolatu dute elkarrekin: urriaren 26an izango da, 18:00etan Gasteizko Bilbo plazan hasita. Jarraian, manifestazioa deituz plazaratu... [+]
Nafarroako Justizia Auzitegiak bertan behera utzi du Nafarroako Gobernuak Geoalcali enpresari potasa ustiatzeko emandako baimena, Sustrai Erakuntzak eta Ekologistak Martxanek jarritako helegitearen ondoren.
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]
Azkenaldian bestelako argumentuak landu dizkigute, Euskal Herriko inguruetan makroproiektuak beharrezkoak direla konbentzitu gaitezen. Erakusgarria iruditu zitzaidan honekiko, Bizkaiko EHNEren webgunean Jauzi Ekosoziala ekimeneko partaide bati argitaraturiko artikulua: "Por... [+]