Statkraft enpresaren proiektu eolikoaren aurrean, aramaioarrak ezkor
Batzarra egin zuten Aramaion Statkraft enpresak Itsaraz proiektuari buruz azalpenak emateko. Aurretik, elkarretaratzea egin zuten zenbait lagunek kanpoaldean Arabako Mendiak Aske plataformak deituta.
Goiena Debagoienako hedabideak azaldu du “ezkor” azaldu zirela herritarrak asteazkeneko batzarrean Statkraft enpresak Itsaraz proiektu eolikoari buruz emandako azalpenekin. Eskoriatza eta Aramaio artean enpresa norvegiarrak eraiki nahi duen parke eolikoa da Itsaraz. Proiektuak eztabaida eta aurkakotasuna sortu ditu eta enpresaren ordezkariak asteazken honetan Aramaion egin den batzarrean izan dira, azalpenak ematen.
Batzarra hasi baino lehen elkarretaratzea egin zuten zenbait lagunek kanpoaldean Arabako Mendiak Aske plataformak deituta, Itsaraz proiektuaren aurkako protesta gisa.
Statkraften ordezkariek, Goiena-k laburbildu duenez, proiektua “garapen fasean” dagoela azpimarratu zuten, eta egiteko daudela ingurunean eta biodibertsitatean eragingo lukeen inpaktua neurtzeko ikerketak. Nabarmendu zuten, gainera, argindarraren faktura murrizteko “eredua” dela, eta interesatuak proiektuaren jabetzaren parte izan daitezkeela. Proposatutako kokalekuan haize asko dagoela eta EAEn “gaur egun ekoizten den energiaren erdia” ekoiztuko lukeela ere ziurtatu zuten.
Ondoren, herritarrek galderak egiteko aukera izan zuten eta ordu bete inguru eman zuten horretan. Besteak beste, Statkraften proiektuek Norbegiako samiei eta Txileko maputxeei eragin dieten kaltea mahai-gaineratu zuten, egingo dituzten ikerketen egiazkotasuna zalantzan jarri, etorkizuna erabakitzeko tresnak zeintzuk izango diren galdetu, eta Itsarazek sortuko duen energiaren balioa, kualitatibo zein kuantitatiboa, oraindik ez dakitela aipatu, Goienak jaso duenez.
Nabarmendu zen galderetako bat herritarren erabakitzeko gaitasunari buruzkoa izan zen: aramaioarrei hitza emanez gero eta aurkako jarrera nagusituko balitz, enpresak zer egingo lukeen galdetu zuten. Erantzuna izan da erakunde publikoek ordezkatzen dituztela herritarrak, Eusko Jaurlaritzak baitu azken hitza.
2023 hasiera inguruan herritarren iritziak jakiteko beste bilkura bat antolatzeko asmoa erakutsi du Lierni Altuna alkateak. Udal ordezkariek adierazi zutenaren arabera, ez dute ondoriorik atera oraindik .
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]
Aixeindar enpresak haizea neurtzeko 82,5 metroko dorre meteorologikoa instalatua du 2023tik Analamendin. Dorrearen egonkortasuna eta segurtasuna bermatzeko, lurrera altzairuzko hainbat kablerekin ainguratu zuen enpresak. Arabako Mendiak Aske elkarteak salatu du hegaztiek... [+]
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]
"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]