Sortuko militanteek ezker abertzalearen “ziklo berria” berretsi zuten Miribillan
Baietza sortzen lelopean, Sortuk ekitaldi politikoa egin zuen larunbatean Miribillako Bilbao Arenan, “ETAren amaierarekin batera ireki den ziklo politiko berriari bultzada emateko”. Antolatzaileen arabera, 4.000 pertsona inguru izan ziren ekitaldian.
Sortuko idazkari nagusi Arkaitz Rodriguezek abiapuntu bat ezarri zuen ziklo berrirako: “Eskubide guztiak pertsona guztientzat; norbanakoen eskubideetatik hasita gure etorkizuna libre eta demokratikoki erabakitzeko eskubidea lortu arte”. Alabaina, “errelatoaren batailak” eragiten dion kezka ere azaleratu zuen, errelatoa “eraiki” beharrean zenbaitzuk “irabazi” nahi dutelako.
“Herri hau borrokari esker irten zen frankismotik, eta gaur da eguna 78ko erregimena eta Espainiaren proiektua inoiz baino ahulago daudena”, esan zuen Rodriguezek.
Aro berria
Sorturen ustez, “ETAren amaierak Euskal Herriari bultzada politiko eta kulturala emateko pizgarria izan behar du”, eta Rodriguezek esan du: “Orain irabaztea tokatzen zaigu”.
Irabaztea aldaketa politikoaren bidetik, burujabetzaren aldeko herri-prozesu bat antolatzetik eta ezkerretik. Horretarako, proiektu independentista berritu behar dela adierazi du.
Ekitaldian, garrantzia berezia izan dute presoak, iheslariak eta deportatuak. Peru del Hoyok —Kepa del Hoyo presoaren semeak— eskutiz bat irakurri du, presoen izenean, eta hainbat preso ohi igo dira oholtzara, txalo artean.
Babesa nazioartetik
Nazioartetik etorritako ordezkaritza zabal batek parte hartu zuen ekitaldian. Atzerriko hainbat mugimenduetako ordezkariak izan ziren, kasu gehienetan borroka armatutik estrategia politikoaren bidea egin dutenak.
Hitza hartu zutenen artean izan ziren Sinn Fein alderdiko Michell O’Neill eta Korsikako asanbladako presidente Jean Guy Talamoni. Euskal Herriari elkartasuna eman zioten guztiek, eta ezker abertzaleak bakea eta askatasunaren bidean emandako pausoak goraipatu zituzten.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Azora funts putrearena da bata, eta luxuzko etxebizitza turistikoa bestea; asteburuko erreserba amaitu eta bertan geratu dira, instituzioei eskatzeko etxebizitza eskubidea bermatzea. Exijitu diete, besteak beste, alokairuaren prezioa eta etxebizitza turistikoak mugatzeko, eta... [+]
Ehunka kide bildu dira Sorturen VI. Nazio Konferentzian, larunbatean. Iragan ikasturtea "emankorra" izan dela azpimarratu dute, eta datozen urteetarako erronkak berretsi dituzte.
Ezker Abertzaleko militantzia batzeko asmoa dute, herrigintzaren inguruan gogoeta egin eta aurrez ezarritako sei eremu estrategikoen helburuak finkatzeko.
Militante batzuk zentral nuklearrera sartu dira, eta bi pankarta zintzilikatu dituzte: greenwashig-aren aurkakoa eta energiaren “trantsizio ekologiko justua”ren aldekoa. Sortuk neoliberalismoari egotzi dizkio egungo krisiak, eta premiazkotzat jo du “180 graduko... [+]
Azaldu du dei anonimoak egin dizkiotela Galder Barbadori buruz galdezka, eta bere espazio pribatuetan ibili direla, baita autoa margotu diotela ere. Argi du haien helburua dela “militante politiko oro urduri jartzea”.
Kongresu politikoa amaitu eta militantziak Sortuko idazkari nagusi postuan berretsi ostean bildu gara Arkaitz Rodriguezekin (Altza 1979). Botoen %71rekin onartu duten Herrigaia ponentzia politikoan jaso dituzten ideietatik abiatuta egoera politikoaz mintzatu gara berarekin.
Sortuk Bilbon tortura independentismoaren aurka erabilitako "praktika sistematikoa" izan dela salatzeko manifestazioaren amaieran Indautxuko Espainiako Poliziaren komisaldegiaren fatxadan Xabier Kalparsororen aurpegia proiektatuz amaitu dute. Torturapean eginiko... [+]
"Konponbiderako ireki den aukera-leihoa" itxi nahi dutela salatu du Sortuk. 2017tik argitaratzen zuen Sortuk Kalera Info aldizkaria, hiru hilean behin, euskal presoak informatzeko asmoz, besteak beste haien eskubideen aldeko mobilizazioei buruz.
‘Independentziarako Indarra’ lelopean, igandean amaitu du Sortuk hirugarren kongresua Bilboko Bizkaia pilotalekuan. Arkaitz Rodriguez buru duen zuzendaritza berriak %89ko babesa jaso du eta Euskal Estatuaren aldeko apustua berritu dute. Kongresuan zehar Herrigaia... [+]
Espainiako Auzitegi Nazionalak deituta, Mikel Albisuk deklaratu du astearte honetan. Preso ohiari babesa adierazteko elkarretaratzea egin du Sortuk. “Gaurko gertaera hau ez da kasu isolatu bat, honen atzean salbuespenezko legedian oinarritzen den Espainiako Audientzia... [+]
