Sortuk “koherentzia” eskatu dio Espainiako Gobernuari, eta nazioen erabakitzeko eskubidea aitortzeko
Ehunka kide bildu dira Sorturen VI. Nazio Konferentzian, larunbatean. Iragan ikasturtea "emankorra" izan dela azpimarratu dute, eta datozen urteetarako erronkak berretsi dituzte.
Sortuk VI. Nazio Konferentzia egin du larunbatean, Arrasaten. Ehunka kide bildu dira, eta pasa den ikasturteko balantzea egiteaz gain, datozen urteetarako Plan Politikoa berretsi dute.
Iragan ikasturtea "emankorra" izan dela azpimarratu du Arkaitz Rodriguez Sortuko idazkari nagusiak. Ikasturteko lorpenen artean, urrunketa eta sakabanaketa politikarekin amaitu izana azpimarratu du. Horrez gain, Espainiako bloke erreakzionarioa gelditu izana nabarmendu du, nahiz eta aitortu duen horrekin ez dela nahikoa eta "ezkerreko politikak" egin behar direla. Azkenik, Hego eta Ipar Euskal Herriko hauteskundeetan izandako emaitzekin ere pozik agertu da idazkaria: "Herri honetako indar nagusi bilakatzeko aukera esku-eskura dugu".
Hala, datozen urteetarako lau erronka nagusi finkatu ditu alderdiak. Hasteko, gaur egungo eredu sozio-ekonomikoa, kapitalismo patriarkala, "errotik aldatu" behar dela aldarrikatu du, bizitza eta haren zaintza erdigunean jartzeko. Burujabetza ere izan du hizpide, eta egungo Espainiako Gobernu "aurrerakoiari" zuzendu zaio Rodriguez. Eskatu dio "koherentea" izateko, eta "Espainiako Estatuaren baitan eta menpe" dauden herrien erabakitzeko eskubidea aitortzeko.
Hirugarrenik, EH Bildu eta EH Bai indartu behar direla azpimarratu du. Azkenik, koalizio horiek bezainbeste bestelako indar sozialak ere sendotzea jarri du helburu: langile mugimendua, mugimendu feminista, gazte mugimendua, mugimendu ekologista, euskalgintza, hezkuntza mugimendua edota pentsiodunen borroka.
Sozialista erradikalak, eta harro
Iñigo Urkullu Eusko Jaurlaritzako lehendakariak kurtso hasieran "sozialista erradikal" gisa definitu zuen EH Bildu. Rodriguezek, lehendakariaren hitzei erantzunez, adierazi du sozialismoa baldin bada "menderakuntza eta zapalkuntza guztiak gainditzea", eta erradikala izatea "arazoen errora joatea", baietz, badirela "sozialista erradikalak" eta "harro" daudela.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Azora funts putrearena da bata, eta luxuzko etxebizitza turistikoa bestea; asteburuko erreserba amaitu eta bertan geratu dira, instituzioei eskatzeko etxebizitza eskubidea bermatzea. Exijitu diete, besteak beste, alokairuaren prezioa eta etxebizitza turistikoak mugatzeko, eta... [+]
Ezker Abertzaleko militantzia batzeko asmoa dute, herrigintzaren inguruan gogoeta egin eta aurrez ezarritako sei eremu estrategikoen helburuak finkatzeko.
Militante batzuk zentral nuklearrera sartu dira, eta bi pankarta zintzilikatu dituzte: greenwashig-aren aurkakoa eta energiaren “trantsizio ekologiko justua”ren aldekoa. Sortuk neoliberalismoari egotzi dizkio egungo krisiak, eta premiazkotzat jo du “180 graduko... [+]
Azaldu du dei anonimoak egin dizkiotela Galder Barbadori buruz galdezka, eta bere espazio pribatuetan ibili direla, baita autoa margotu diotela ere. Argi du haien helburua dela “militante politiko oro urduri jartzea”.
Kongresu politikoa amaitu eta militantziak Sortuko idazkari nagusi postuan berretsi ostean bildu gara Arkaitz Rodriguezekin (Altza 1979). Botoen %71rekin onartu duten Herrigaia ponentzia politikoan jaso dituzten ideietatik abiatuta egoera politikoaz mintzatu gara berarekin.
Sortuk Bilbon tortura independentismoaren aurka erabilitako "praktika sistematikoa" izan dela salatzeko manifestazioaren amaieran Indautxuko Espainiako Poliziaren komisaldegiaren fatxadan Xabier Kalparsororen aurpegia proiektatuz amaitu dute. Torturapean eginiko... [+]
"Konponbiderako ireki den aukera-leihoa" itxi nahi dutela salatu du Sortuk. 2017tik argitaratzen zuen Sortuk Kalera Info aldizkaria, hiru hilean behin, euskal presoak informatzeko asmoz, besteak beste haien eskubideen aldeko mobilizazioei buruz.
‘Independentziarako Indarra’ lelopean, igandean amaitu du Sortuk hirugarren kongresua Bilboko Bizkaia pilotalekuan. Arkaitz Rodriguez buru duen zuzendaritza berriak %89ko babesa jaso du eta Euskal Estatuaren aldeko apustua berritu dute. Kongresuan zehar Herrigaia... [+]
Espainiako Auzitegi Nazionalak deituta, Mikel Albisuk deklaratu du astearte honetan. Preso ohiari babesa adierazteko elkarretaratzea egin du Sortuk. “Gaurko gertaera hau ez da kasu isolatu bat, honen atzean salbuespenezko legedian oinarritzen den Espainiako Audientzia... [+]
Txosten ofiziala babestu dute botoa eman dutenen %71k, eta Lurrari Lotuz osoko zuzenketa %22ak. Parte hartzea %52koa izan da.