Liburu, olerki, itzulpen, errelato, biografia, artikulu, argazki zaharrak, antzerkia, azterketa linguistikoak, testu klasikoen edizioak... hamaika harribitxi, 40 edo 50 urteko ibilbidean mimo handiz sortutakoak jarri ditu denen eskura Patri Urkizu Sarasua lezoarrak patriurkizu.eus webgunean.
Liburuak, olerkiak, itzulpenak, errelatoak, biografia, artikuluak, argazki zaharrak, antzerkia, azterketa linguistikoak, testu klasikoen edizioak… hamaika harribitxi, 40 edo 50 urteko ibilbidean mimo handiz sortutakoak jarri ditu denen eskura Patri Urkizu Sarasua lezoarrak. Aske, libre ibil daitezen sarean barrena, web orri baten bildu ditu urte luzeetan sortu dituen lanak, atea jo eta bertan murgiltzeko gogoa duen ororen jakin-mina asetzeko. Dagoeneko martxan dute web orri hori, hemen sarbidea. Gaur eguerdian proiektu eskuzabalaren gaineko xehetasunak aletu ditu Urkizuk, Lander Zurutuza liburuzain eta historiagileak, eta Patxi Intxaurrandieta irakasle ohi eta musikologoak lagunduta. Intxaurrandieta lagun handia du Urkizuk; nabaria izan da hori Gezala auditorioan egin duten ekitaldian.
Gaurkoa ez dela hitzaldi, liburu aurkezpen, edo ekitaldi soil bat izan esan du Zurutuzak, “gaur hona ekarri gaituena Patri Urkizu idazle zailduaren web orriaren aurkezpena da. Alegia, Patrik eskuzabal Lezori, Euskal Herri osoari eta euskarari berari eskaini dion altxor bikain horren inbentarioa egitera etorri gara”.
Harrigarria dela web orri horretan bildutakoaren tamaina eta balioa erantsi du, “are harrigarriagoa dena eta web orriari balio erantsia eman diona, horietako lan askok orain ikusi dute argia lehendabiziko aldiz”.
Urkizuren biografiaren zertzelada batzuk eskaini ditu ondoren Zurutuzak. 1946an jaio zen Patri Urkizu Lezon, Filologia erromanikoan lizentziatu zen Salamancako (Gaztela Leon, Espainia) unibertsitatean 1970. urtean, eta Francoren diktaduraren ondorengo Lezoko lehen alkate demokratikoa izan zen 1979 eta 1983 urte artean. Euskal Filologian doktore (1986), Euskal Idazleen Elkarteko presidente (1989tik 1997ra), Euskal Hizkuntza eta Literaturako unibertsitateko irakaslea Bordelen, Donostian eta Madrilen orain gutxi erretiroa hartu arte. Bibliografia zabaleko idazle eta ikerlaria da, gainera, Urkizu. Bere sorkuntza lana bildu duen web orriaren katalogoan ikus daitekeenez, 43 orrialde behar izan dituzte katalogoan biltzeko lan guztiak.
Horretaz gain, gizon apala dela Urkizu esan du Zurutuzak, “langile porrokatua, familiako beroa eta taberna giroko lagunartea maite duena, Urtzi Urkizu kazetari eta poetaren aita, nolako zura halako ezpala. Benetako abertzalea ere bada, beti kultur alorreko zubiak eraikitzen diharduena Euskal Herriko hegoaldearen eta iparraldearen artean, muga guztien gainetik, inork gutxik bezala ezagutzen baitu Lapurdi, Baxenabarre eta Xiberoko literatur tradizioa, oso gutxik bezala zabaldu baititu hango bertso, kantu eta teatro zaharrak, besteak beste”.
Bihotzez eskertu dio Zurutuzak Urkizuri egindako lan oparoa, eta orain lezoarren eta euskaldun ororen esku utzi duen ondare ikaragarria.
Intxaurrandietak hartu du hitza ondoren. Web orriaren gainean mintzatu da, bertan aurki daitekeenaz hitz egin du. Duela lau hilabete esan ziola Urkizuk web orria sortu nahi zuela urteetan sortutako ondare hori guztia bildu eta edonoren eskura jartzeko aipatu du Intxaurrandietak. Gaur denen eskura dago web orria, eta bertan bildutako aberastasun handi guztia. Biografia, katalogoa, ikus-entzunezkoak, argazki bildumak, euskal hizkuntzaz, literaturaz eta argitaratu gabeak atalak ditu. Urkizurena, “opari handia” dela esan du Intxaurrandietak, “ikaragarria da hemen bilduta dagoen guztia, ondare handia da. Gaur Patri liburuz betetako kamioi handi batekin etorri balitz bezala da, eta daukan guztia musu truk, zuen guztien eskura jarri du”.
Web orria bizia dela nabarmendu du, gainera, aldatu eta gauzak gehitzeko aukera ematen duelako.
Semeari, Urtzi Urkizuri, aipamena egin dio behin baino gehiagotan Patri Urkizuk, bidaide duelako, baita Marikrutz arrebari eta Marga Rica Esnaola emazteari “pazientzia izan duelako azken 40 urteetan”. Esker ona ere bertaratutakoei azaldu die, “egoera zail honetan bertaratzea ez delako balentria gutxi”.
Web orrira bildutakoa azken 50 urteko lanen emaitza dela esan du lezoarrak, “goza eta dasta itzazue testu apal horiek”.
Zer entzun, zer ikusi, zer irakurri eta zer ikasi badago Patri Urkizuk lau haizetara zabaldu duen ondare handi horretan.
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
"Euskara eta euskal literatura, programaketatik ikasgelara" jardunaldian parte hartu zuen Katixa Dolhare Zaldunbidek. Seaskak eta UEUk antolatu Udako Ikastaroen barne. Bere problematikak horiek ziren: Zer leku du literaturak hezkuntza programetan eta nola landu euskal... [+]
Liburu honetara hurbiltzen denak lehenbizi G. Mabire-ren irudiekin egingo du topo. Komikiaren estiloko irudiak dira, trazu oso zehatzak eta kolore bizikoak, pertsonaiak eta egoerak erraz interpretatzen laguntzen dituztenak. Irudi horiek testuarekin bat datoz: laburra eta zehatza... [+]
Bizkaia Irratiko Irakurrieran literatur saioari agur esan dio Mikel Ayllon idazle eta orain arteko saioaren gidariak. Irailetik aurrera jarraituko ez zuela esateaz gain, gogoeta egin zuen sareetan euskarazko literaturaren egoeraz: "Euskal literatura gero eta homogeneoagoa... [+]
Kiosko bat, krisian, Benidormeko giri artean. Eta egunkarien atzean, txandaka, adinak eta mundu ikuspegiak desberdintzen dituzten bi lagun. Kontrastezko osagai horiekin garatu du Lizar Begoñak bere lehen eleberria: Mundu zitalaren kontra. Gisa bereko inguru batean batu... [+]
Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]
Emazte batek zendua den euskal idazle eta poeta bat akusatzen du, abusuak egin zizkiolakoan, eskolan zebilen nerabe garaietan. Erbia kitzikatzea, arrazoi du Gorka Bereziartuak. Beste edonor izan balitz, afera ez zen isilik geldituko, feministak eta ni barne, salaketategi... [+]
Poesia mailu bat da jaialdia antolatu du Azpimarra irakurle taldeak Gasteizko Gaztetxean. Ikasturtean egindako saioetan landu dituzten auziak plazaratu dituzte tailer, solasaldi, errezitaldi zein hainbat erakusketatan. “Garaia kolpatuko duen literaturaren alde” egin... [+]
Idazle gazte batek ba al du espaziorik trebatzeko eta gaitasunak garatzeko? Ba ote dute idazkiek zirkulatzeko aukerarik, lokaztuta ito ez daitezen? Bakarrik egin behar al du bidea idazleak, halabeharrez? Nolako zirkuitu literarioak nahi ditugu? Galdera horien itzalean sortu dute... [+]
Ostiraletik igandera Literaturia jaialdia egin dute Zarautzen (Gipuzkoa) (B)egia izenburupean. Booktegi webgunea omendu dute antolatzaileek. Hiru ikuskizun estreinatu dituzte, denak Literaturiarako beren beregi sortuak.
Ekainaren 1ean izango da Baltsan elkarteak eta ARGIAk elkarlanean antolatzen duten euskara hutsezko azoka, eta oparo dator bosgarren edizioa. Aurten 41 argitaletxe izango dira bertan (inoizko gehien) eta egitarauan ordu erdiro izango da ekitaldiren bat musikaz eta literaturaz... [+]
Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]