Sorgin asko eta anitzak gara
Iritsi da ikasturtea amaierara. Amantalak etxera eraman, udako ordutegiarekin hasi, lan ostean hondartzan azken eguzki izpiak aprobetxatu, jaiez jai ibiltzeko kronogramak egin, eta Irutxuloko Hitzaren ikasturteko azken kolaborazioa idatzi. Bai, gu ere iritsi gara amaierara.
Jaietan murgilduta dago dagoeneko hiria, astekari hau begiratu besterik ez dago txupina zein auzotan jaurti duten jakiteko eta gu ere desiratzen gaude plazetan zuekin bat egiteko. Kresal usainez zipriztindutako zuritotan blaitu, txosnako barra ertzak barrez lehertu, kontzertuetako lehen hilaran lotsarik gabe gerriak astindu, oholtza gainak bete, aske ligatu, gozatu. Badago zer egin, izan ere, uztailean sartu orduko astebururo daude auzo bateko edo besteko jaiak.
Data hauetan, urteroko jai maratoiaren aurretik, beti esaten dugu gure kolektibo eta inguru feministetan aurten festak gozatu egingo ditugula, plazerez lehertuko garela, inork eta ezerk ez digula galaraziko jaietan nahieran gozatzea. Horixe da urteroko errituala, baina erraza izaten da kopetak belztea: festa giroko eraso jarraituak, espazioaren inbasioak, protagonismorik ezak, etxerako bide deserosoak, jai esparru arrotzak. Eskerrak sorginak garen eta sortzea eta gozatzea den gure hautua: historikoki gureak izan ez diren espazioak okupatuz, festa propioak sortuz, gorputz eta identitate ez normatiboak lehen lerroan jarriz eta sexu aniztasuna gozamenez irudikatuz.
Sorginok ekainaren bukaerarekin batera su festan hasi ginen sorginkeriak sortzen, pilatzen, udara guztirako akelarreak antolatzen. Badakigulako suaz plazerra egiten, baina garrak ateratzen ere aspaldi ikasi genuen. Urteak daramatzagu auzo eta hiriko jaietan amorru eta haserre aurpegiz esnatzen; egun batean gozamenez jositako parranda izan zena, eraso baten itzalak uzten duen ondorenarekin hasten, eta nazkatuta gaude.
Udararen ostean egingo ditugu balorazioak, kontatuko ditugu erasoak, eramango ditugu beste behin eskuak burura. Aterako gara pankarta atzera eta erakundeetatik azpimarratuko dute nola erasook belztu duten Aste Nagusia edo hango edo hemengo jai gunea. Sorginak asko gara eta asko egiten dugu, baina putz egiteko aho gehiago behar ditugu Donostia osoan sortutako suak itzaltzeko. Nork bere ardurak hartu beharko ditu. Konplizitateekin hautsi behar dugu, ondokoari kontuak eskatu, autodefentsa feministarekin erantzun, saretu, eta denaren gainetik, nahieran gozatzeko moduko espazioak sortu. Sorginak gara, asko eta anitzak, baina ez gaude zuen patriarkakak erratzarekin jasotzen ibiltzeko prest. Animo asko bidelagun guztiei!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]