Soraluzen ‘desokupei’ aurre egiteagatik deklaratu beharko du lagun batek
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
D&S desokupazio-enpresa Andoainen (Gipuzkoa) pertsona bat etxegabetzen ahalegindu eta hurrengo egunean, Soraluzera (Gipuzkoa) bertaratu ziren Desokupacyl enpresa parapolizialeko bi desokupa, etxejabe batek deituta. Horren berri izatean, mobilizatzera eta desokupazio-enpresari aurre egitera deitu zuen Deba Bailarako Etxebizitza Sindikatu Sozialistak, eta jende ugari bertaratu zen horretarako asmoz. Ordurako, etxe-kaleratzea burututa zegoen jadanik, baina faxistak handik botatzea lortu zuen mobilizazioak: Ertzaintzak babestuta egin behar izan zuten alde faxistek, bideoetan ikusten denez.
Ekainaren 5ean izan zen hori, eta desokupei aurre egitera bertaratutako bi pertsona identifikatu zituen unean Poliziak. Orain helarazi diote jakinarazpen judizial bat haietako bati, salaketa bat tarteko, eta Eibarko (Gipuzkoa) epaitegian deklaratu beharko du urtarrilaren 29an. "Atentatua" eta "desobedientzia larria" leporatzen dizkiote. Deklaratzera deitutako soraluzetarrari babesa emateko eta desokupazio-enpresei ezetz esateko, protesta bat antolatu dute bezperarako, urtarrilaren 28rako: Soraluzen bertan egingo dute elkarretaratzea, 19:00etan.
Protestaren deitzaileek azaldu dute "arriskutsua eta kezkagarria" dela desokupazio-enpresen presentzia, "are gehiago indar polizialekin lankidetzan", eta ohartarazi dute "gero eta ohikoagoa" dela etxejabeek halako talde parapolizialak kontratatzea "egoera zaurgarrian dauden edo beste baliabiderik ez duten pertsonak kaleratzeko". "Ezin dugu onartu horrelako jarreradun jendeak, taktika mafiosoak eta gorrotoaren diskurtsoa erabiliz, etxebizitza faltaren arazoa baliatu dezan", gaineratu dute.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.