Sopelako United Caps enpresako langileek akordioa lortu dute greban 65 egun eman ondoren
ELA sindikatuak akordioa lortu du United Caps enpresaren zuzendaritzagaz. Hala, enpresaren leku-aldatzea bidegabea dela onartu da; ondorioz, langileek ohikoak baino konpentsazio handiagoak jasoko dituzte lekualdaketa edo kaleratze-indemnizazioengatik.
United Caps enpresak plastikozko tapoiak ekoizten ditu Sopelan duen lantegian, baina iazko azaroaren 20an lantegia Llagosterara (Katalunia) mugitzeko asmoa adierazi zuen enpresako zuzendaritzak. Ondorioz, lanpostua galduko zuten 37 langileek greba mugagabea hasi zuten azaroaren 24an.
Orain, 65 egun greban eman ondoren, ELA sindikatuak enpresa-zuzendaritzagaz akordioa lortu du egoitza judizialean. Horren bitartez, lekualdaketa bidegabea dela aitortu dute, eta langileek ohikoak baino kalte-ordain handiagoak jasoko dituzte leku-aldaketa eta kaleratze-bidegabeengatik: batez beste 100 egun lan egindako urte bakoitzeko.
Langileek ELA sindikatuaren babesa lortu zuten enpresak mugitzeko asmoa adierazi zuenean, horien iritziz ez baitzen lekualdaketa bat, "ezkutuko itxiera" baizik. Hori dela eta, bai enpresa-batzordetik, eta baita sindikatutik ere, hainbat proposamen egin dizkiote enpresari leku-aldaketa saihesteko, baina multinazionalak ez ditu onartu.
ELAk euskal erakundeen pasibotasuna ere kritikatu du, eta langileak babesik gabe utzi dituztela leporatu die. Lan-ikuskaritzaren jokabidea ere salatu du sindikatuak; izan ere, grebarako eskubidea urratu dela egiaztatu arren, greba-batzordeak salaketak aurkeztu zituenetik ia bi hilabete igaro ondoren, ez du ebazpenik atera, eta horrek gatazka beharrik gabe luzatzea eragin duela deitoratu du sindikatuak.
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]