Solwayren aurrean ARGIA babestu dute 40 eragile sozial, sindikatu eta alderdi politikok
Mugarik Gabe GKEk Kazetaritza eta elkartasuna ez dira delitua izeneko komunikatua zabaldu du, ARGIAren aurka Solwayk egindako erasoa gaitzesteko. Bat egin dute eragile eta erakunde ugarik, tartean, gehiengo sindikalak eta ezkerreko alderdi politikoek.
“Gure elkartasuna, babesa eta maitasuna erakusten dizkiogu ARGIAri. Hedabide independentea eta gizarte-justiziarekin konprometitua da, eta, jasotako mehatxua gorabehera, irmo eutsi dio enpresa multinazionalaren botere eta ustelkeria sareak salatzeari”. Horixe sinatu dute Mugarik Gabe GKEarekin batera ARGIAri elkartasuna adierazi dioten 40 bat eragile sozial, sindikatu eta alderdik.
Kazetaritza eta elkartasuna ez dira delitua komunikatua sinatu dutenen artean daude gehiengo sindikala –ESK, LAB, ELA, STEILAS, CCOO Euskadi–, ezkerreko alderdiak –EH Bildu, Podemos, Ezker Anitza IU, EPK-PCE–, eta eragile sozial ugari: Euskadiko GGKEen Koordinakundea, Emakumeen Mundu Martxa, Emakume Migratu eta Arrazializatuen Euskal Herriko Sarea, Euskal Herriak Kapitalari Planto, Komite internazionalistak, Mundubat, Bizilur, Lumaltik, batzuk aipatzearren. Pikara Magazine, Aiaraldea eta 97 irratia hedabideek ere bat egin dute komunikatuarekin.
"Hedabide independentea eta gizarte-justiziarekin konprometitua da ARGIA, eta irmo eutsi dio enpresa multinazionalaren botere eta ustelkeria sareak salatzeari"
Ekainaren amaieran prentsaurreko bidez ARGIAk salatu zuen Suitzan egoitza duen Solway Investment Group multinazionalak mehatxu egin ziola. Paolina Albani Guatemalako Prensa Comunitaria hedabideko kazetariari egindako elkarrizketa ezabatzeko eta 15.000 euroko “kalte ordainak” ordaintzeko eskatu zuten. Albanik Mining Secrets kazetaritza ikerketari buruzkoak azaldu zituen elkarrizketan, Mugarik Gabek gonbidatuta Euskal Herrian zegoela baliatuta.
Hain zuzen, 8 milioi dokumentuko filtrazio baten harira, nazioarteko 65 kazetarik ondorioztatu dute Solwayk Guatemalako El Estorren dituen meategiek kutsadura-txostenak ezkutatu dituztela, besteak beste. Albanik kazetarien eta lurren defentsan ari diren herritarren aurkako jazarpena eta kriminalizazioa ere salatu zituen. ARGIAk berretsi zuen ez zuela elkarrizketarik ezabatuko ezta dirurik ordainduko ere, eta kazetaritza independentearen beharra aldarrikatu zuen.
Beldurrarazte estrategia ARGIAren aurka
“Kazetaritza eta Elkartasuna ez dira delitua” dokumentua sinatu dutenek gaitzetsi egin dute ARGIAren aurkako erasoa, esanez adierazpen eta informazio askatasunen eskubideen kontrakoa dela: “Eraso hori planifikatutako beldurrarazte estrategia baten parte da. Gaur ARGIAren aurka izan da, baina bihar beste komunikabide edo giza eskubideak defendatzen dituen erakunde baten aurka izan daiteke”. Ohartarazi dutenez, Solwayren helburua da “autozentsura inposatzeko ziurtasunik eza eta beldurra zabaltzea”. Saiakera horren aurrean ARGIAk izandako erantzun irmoa txalotu dute sinatzaileek.
Komunikatuan elkartasun, babes eta maitasun mezuak helarazi dizkiete, halaber, Prensa Comunitariari, maia q’eqchi’ herriari eta mundu osoan giza eskubide indibidual zein kolektiboak defendatzen dituzten pertsonei: “Guztiok bizitzeko duina izango den bizitza izan dezagun lan egiten baitute”. Sinatzaileek konpromisoa hartu dute horien lana sustatzen jarraitzeko, baita “protesta sozialerako, informaziorako eta adierazpen-askatasunerako eskubidearen defentsa ziurtatzen eta eskatzen” ere.
Elkartasun komunikatuaren sinatzaileak:
Euskadiko GGKEen Koordinakundea
Euskal Herriak Kapitalari Planto
Elkartasuna Eraldatuz
Plataforma Hegoak
REAS
ESK
LAB
ELA
STEILAS
CCOO – Euskadi
ADECO
AESCO ONG-Bilbao
Asociación Euskadi-Cuba
Bizilur
Calcuta Ondoan
Economistas sin Fronteras
Fundación Proclade-Yanapay
Gernikatik Mundura
Hegoa
IM-defensoras
IsF-Ingeniería sin Fronteras
KCD
Komite internazionalistak
Lumaltik
Medicus Mundi Bizkaia
Mugen Gainetik
Mundubat
Paz con Dignidad-OMAL
Paz y Solidaridad Euskadi
Tercera Edad Para el Tercer Mundo
KEM-MOC
Emakumeen Mundu Martxa
Emakume Migratu eta Arrazializatuen Euskal Herriko Sarea
Basoa
97 irratia
Pikara Magazine
Aiaraldea
Ezker Anitza-IU
EPK-PCE
EH Bildu
Podemos
Israelgo armadak dio sei kazetariak Hamaseko eta Jihad Islamikoko kideak direla, baina ez du hori egiaztatzeko frogarik eskaini. Horren ondorioz, eta aurrekariak ikusita, Aljazeera eta sei kazetariak beldur dira gerta daitekeenaz.
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Mendebaldeko multinazional batek “hirugarren mundutzat” hartzen duen lurralde bateko aberastasun naturalak ustiatzen ditu masiboki. Enpresarentzat dirutza, han bizi direnentzat kutsadura eta askotariko arazoak. Zenbat aldiz entzun dugu istorio hau? Oraingoan ordea,... [+]
Solway Investment Group batez ere nikela esplotatzen duen eta Suitzan egoitza duen meatzaritza multinazional pribatua da, munduko garrantzitsuenetakoa sektorean. Webgunean adierazten duenez, Guatemalan, Ukrainan, Mazedonian eta Indonesian ditu proiektuak, eta 2021ean 1.450... [+]
Aste honetan ARGIAk ale berezia atera du Solway Investements Group-en erasoaz informatzeko. Besteren artean, gaiari buruzko artikulua eta Solwayren atzean nor dagoen azaltzeko erreportajea argitaratu ditugu.
35 urteko ibilbidea duen Mugarik Gabe gobernuz kanpoko erakundearen eskutik etorri zen Guatemalako Prensa Comunitariako kazetari Paolina Albani Euskal Herrira. ARGIAk egin zion elkarrizketa ezabatzeko eta 15.000 euro ordaintzeko eskatu dio ARGIAri Solway multinazionalak... [+]
ARGIAko lantaldeak ezohiko prentsaurrekoa eman du asteartean, Mugarik Gabe GKEko kideekin batera. Bertan izan dira Euskal Herriko Emakume Migratu eta Arrazializatuen elkarteko kideak ere. Publikoki salatu dugu Solway multinazionalak ARGIAri eskatu diola Paolina Albani... [+]
Guatemalako kazetari bati ARGIAk egindako elkarrizketa bat ezabatzeko eta 15.000 euro ordaintzeko eskatu digu Solway Investment Group multinazionalak. ARGIAk ez du horrelakorik egingo eta kazetaritza independentea aldarrikatzeko baliatuko dugu erasoa.
Guatemalako kazetari bati ARGIAk egin eta argitaratutako elkarrizketa bat ezabatzeko eta 15.000 euroko “kalte-ordaina” ordaintzeko eskatu digu Solway multinazionalak. Egin ezean kasua epaitegira eramatearekin mehatxatu gaitu. ARGIAk ez du horrelakorik egingo, ez gara... [+]
Futuro Vegetal talde ekologistako bi kidek Goyaren Majen margolanetara itsatsi zuten euren burua larunbatean, klima larrialdiaren aurkako neurriak eskatzeko. Bi ekintzaileak eta ekintzari buruz informatzen ari ziren bi kazetari atxilotu egin zituzten eta “historia... [+]
2010ean, WikiLeaksek, komunikabide handi batzuen laguntzarekin, dokumentu "sekretuen" historiako filtrazio zabalenetako bat argitaratu zuen. AEBetako inteligentzia zerbitzuen 700.000 fitxategi baino gehiago, gobernu eta estatu askoren jarduera diplomatiko eta militar... [+]