“Solway-ren erasoa adierazpen askatasunaren kontrakoa da, planifikatutako larderia estrategia baten parte”
35 urteko ibilbidea duen Mugarik Gabe gobernuz kanpoko erakundearen eskutik etorri zen Guatemalako Prensa Comunitariako kazetari Paolina Albani Euskal Herrira. ARGIAk egin zion elkarrizketa ezabatzeko eta 15.000 euro ordaintzeko eskatu dio ARGIAri Solway multinazionalak. Asteartean prentsaurrekoa egin dute ARGIAk eta Mugarik Gabeko kideek. Ondokoa da Mugarik Gabeko Ainitze Zabala Granados kideak irakurri duen testua.
Mugarik Gabek bat egiten du ARGIArekin: kazetaritza ez da delitua
Hasteko, beharrezkoa da El Estor kokatzea. Guatemalako udalerri bat da, Izabal lakuaren ertzean kokatzen dena. Izabal, herrialdeko lakurik handiena da, eta ezinbesteko lan eta elikadura iturri da herritarrentzat. Hain zuzen, Q 'eqchi herri maiarentzat.
Bertan kokatzen da Solway Investment Group meatze-enpresaren jarduera –errusiar kapitala izan arren, Suitzan du egoitza–. Multinazional horrek 2011. urtetik Fenix meategia ustiatzen du, eta Ertamerikako aire zabaleko meategi handienetako bat da. Bere webgunearen arabera, nikela ateratzeko munduko enpresarik handiena ere bada, Errusia, Mazedonia, Liberia edo Indonesia bezalako herrialdeetan presentziaduna.
Enpresak dituen konexioak eta interesak ulertzeko esan beharra dago Outokumpu fabrikatzaile finlandiarra dela bere bezero nagusienetakoa. Azken hori, altzairu herdoilgaitzaren fabrikatzailea da. Besteak beste, Ikea eta Bosch-Siemens hornitzen ditu, eta gaur egun gure etxeetan aurki ditzakegun harraskak, mahai-tresnak eta etxetresna elektrikoak fabrikatzeko erabiltzen den osagaietako bat da.
El Estorreko komunitateek eta herri-komunikatzaileek (Prensa Comunitariak barne) urtetan salatu dute meategiaren jarduna eta horren eragina; hain zuzen, meategiaren ingurumen-inpaktua eta honek bertan bizi diren komunitateetan duen inpaktu kaltegarria. Salaketei erantzuna errepresio gordina izan da: atxiloketa arbitrarioak, frogarik gabeko sumarioak irekitzea, kriminalizazioa, etxebizitzak bortxatzea, jazarpenak, setio-egoerak eta hilketak.
Eredu hori Latinoamerikako meatze-enpresa multinazionalen jardunean nahiko arrunta den arren, kasu honek badu alde nabarmen bat, izan ere, zortzi milioi dokumentu eta barne-mezu filtratu dira eta jarduna ikertzeko aukera izan da. Mining Secrets bezala ezagutu dugun proiektuak agerian utzi ditu Solway enpresak, agintariekin aliantzan, erabili dituen estrategiak bere helburuak aurrera eramateko: “sasi guztien azpitik, laino guztien gainetik”.
Askotan lortzen ez den bezala, kasu honetan agerian jarri ahal izan dira enpresaren jarduera ustelak. Hori komunikabide konprometituen ezinbesteko lanari esker lortu da.
Garrantzitsuena:
Argia komunikabide konprometitu horietako bat izan da, kasua zabaltzen lagundu eta ordainetan enpresaren mehatxua jasan duena. Adierazpen-askatasunaren kontrako eraso hau, planifikatutako larderia-estrategia baten parte da. Gaur Argiak jasaten duen hau, bihar giza eskubideen aldeko beste komunikabide edo erakunde batek jasango du. Helburua, segurtasunik eza eta beldurra zabaltzea da, autozentsura inposatzeko modu gisa.
Udefegua Guatemalako erakundearen arabera, 2021ean bakarrik, giza eskubideak defendatzen dituzten pertsona, komunitate eta erakundeen aurkako 1002 eraso izan ziren Guatemalan, eta gizarte-komunikatzaileak (batez ere komunitarioak) dira kriminalizatuen daudenak.
El Estorreko q 'eqchi herriaren borroka babesten dugu, hainbat txosten eta bisitaren bidez, eta zenbait elkarteren lana babestuz, hala nola Prensa Comunitariarena (orain Argiak jasotzen dituen mehatxu horien jatorrian).
Gaur, gure babesa, elkartasuna eta maitasuna publikoki adierazi nahi diogu Argiari, ezinbesteko bidelaguna baita pertsona eta herri guztientzat bizitza duina ardatz duen eredu bat sustatzearen aldeko bide honetan.
Beraz, zuekin batera, ozen esango dugu: kazetaritza ez da delitua.
Ez gaituzue isilduko.
Utzi ARGIA bakean.
Israelgo armadak dio sei kazetariak Hamaseko eta Jihad Islamikoko kideak direla, baina ez du hori egiaztatzeko frogarik eskaini. Horren ondorioz, eta aurrekariak ikusita, Aljazeera eta sei kazetariak beldur dira gerta daitekeenaz.
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Mugarik Gabe GKEk Kazetaritza eta elkartasuna ez dira delitua izeneko komunikatua zabaldu du, ARGIAren aurka Solwayk egindako erasoa gaitzesteko. Bat egin dute eragile eta erakunde ugarik, tartean, gehiengo sindikalak eta ezkerreko alderdi politikoek.
Mendebaldeko multinazional batek “hirugarren mundutzat” hartzen duen lurralde bateko aberastasun naturalak ustiatzen ditu masiboki. Enpresarentzat dirutza, han bizi direnentzat kutsadura eta askotariko arazoak. Zenbat aldiz entzun dugu istorio hau? Oraingoan ordea,... [+]
Solway Investment Group batez ere nikela esplotatzen duen eta Suitzan egoitza duen meatzaritza multinazional pribatua da, munduko garrantzitsuenetakoa sektorean. Webgunean adierazten duenez, Guatemalan, Ukrainan, Mazedonian eta Indonesian ditu proiektuak, eta 2021ean 1.450... [+]
Aste honetan ARGIAk ale berezia atera du Solway Investements Group-en erasoaz informatzeko. Besteren artean, gaiari buruzko artikulua eta Solwayren atzean nor dagoen azaltzeko erreportajea argitaratu ditugu.
ARGIAko lantaldeak ezohiko prentsaurrekoa eman du asteartean, Mugarik Gabe GKEko kideekin batera. Bertan izan dira Euskal Herriko Emakume Migratu eta Arrazializatuen elkarteko kideak ere. Publikoki salatu dugu Solway multinazionalak ARGIAri eskatu diola Paolina Albani... [+]
Guatemalako kazetari bati ARGIAk egindako elkarrizketa bat ezabatzeko eta 15.000 euro ordaintzeko eskatu digu Solway Investment Group multinazionalak. ARGIAk ez du horrelakorik egingo eta kazetaritza independentea aldarrikatzeko baliatuko dugu erasoa.
Guatemalako kazetari bati ARGIAk egin eta argitaratutako elkarrizketa bat ezabatzeko eta 15.000 euroko “kalte-ordaina” ordaintzeko eskatu digu Solway multinazionalak. Egin ezean kasua epaitegira eramatearekin mehatxatu gaitu. ARGIAk ez du horrelakorik egingo, ez gara... [+]
Futuro Vegetal talde ekologistako bi kidek Goyaren Majen margolanetara itsatsi zuten euren burua larunbatean, klima larrialdiaren aurkako neurriak eskatzeko. Bi ekintzaileak eta ekintzari buruz informatzen ari ziren bi kazetari atxilotu egin zituzten eta “historia... [+]
2010ean, WikiLeaksek, komunikabide handi batzuen laguntzarekin, dokumentu "sekretuen" historiako filtrazio zabalenetako bat argitaratu zuen. AEBetako inteligentzia zerbitzuen 700.000 fitxategi baino gehiago, gobernu eta estatu askoren jarduera diplomatiko eta militar... [+]