Solana: “Negoziatuz gero, lehenago har genezakeen erabakia”
“Inportantea zen mahaian esertzea, epaileak hustea agindu baino lehen. Guk elkar ulertzeko borondatea ikusiz gero, gerora erabaki duguna erabaki genezakeen”, hau da, huste eskaera behin-behinean etetea. Hala azaldu du Nafarroako Gobernuaren eledun Maria Solanak Euskalerria Irratian.
Nolanahi ere, Solanak ez du argi gaztetxeko kideek egiazki negoziatu nahi zuten: “Argi utzi zuten presarik ez zutela, aspaldi iragarrita baitzuten husteari aurre egiteko prest zeudela”, eta, gauzak horrela, “hausnartu beharko genuke zein ziren bakoitzaren estrategiak”.
Gobernuaren eledunak halaber azaldu du negoziatu ahal izateko, zuzenean deitu ziela bere sakelako telefonotik gaztetxeko ordezkariei, eta hustea hasi zenean, lehen hamar orduetan, 27 dei jaso zituela eta hainbat mezu: “Zioten ni naizela arduradun bakarra, kalean elkar ikusiko dugula, hauteskunde kanpainarako oso argazki polita geratzen ari zaigula, borroka dela bide bakarra”.
“Hustean ez zen izan ez zauriturik, ezta atxiloturik ere”
Gobernuaren datuen arabera, ostiralean, hustearen ondotik, sei lagun artatu zituzten ospitalean, zauri arinengatik. Larriena, sudur hautsi bat izan zen. Solanak azpimarratu du zaurituok ez zirela eragin hustean, baizik eta inguruko liskarretan. “Egoera oldartu zen. Batzuk oldartuta zebiltzan, eta azkenean foruzainak oldartu ziren horien aurka, baina hori husteekin eta husterik gabe gerta daiteke”.
Ingurumari horretan, balak azaldu ziren kale erdian. “Oraindik ez dugu txostena jaso, baina foruzainek diote haiek ez dutela munizio hori erabiltzen eta beraz ezinezkoa dela haiena izatea", azaldu du.
Hustearen inguruan gaineratu du Mari Jose Beaumont kontseilaria, oporretan egonagatik ere, egunotan harreman zuzenean izan dela jarduneko Barne kontseilariarekin (Solana bera), bere lan taldearekin eta foruzainekin.
“Haiena proiektu politikoa bada, ordain dezatela egoitza bat”
Solanak halaber nabarmendu du gaztetxeak berak dioela haiena proiektu politiko bat dela: “Proiektu politiko bat bada, defenda ezazu dagokion lekuan, eta besteok egoitzak ordaintzen badituzte zuk ere bai. Ireki zure egoitza politikoa eta hitz eginen dugu, baina beste maila batean”.
Gobernuaren eledunaren arabera gakoa da Maravillas Gaztetxeko kideak “nortzuk diren eta zer egin nahi duten”. “Barra eta terraza nahi badituzte, zinema pantailaratu, ikastaroak antolatu, gimnasio bat egin, badira horretarako espazioak, eta gehiago izan daitezke, udalarekin mintzatuta, eskuduntza udalarena baita”, azaldu du. Eta bi adibide aipatu ditu: batetik, “Redin Cruzat horretarako egokitu dute"; bestetik, “Caparrosoko txaleta utzi zitzaien, zesio kontratu eta guzti, baina hasi eta berehala kontratua urratu zuten eta ateratzeko gonbita egin zitzaien”.
“Eskuduntza udalarena da”
Solanaren irudikoz, auzi hau konpontzeko eskuduntza Iruñeko Udalarena da, eta Joseba Asiron alkatearena, “ez gobernuak hala interpretatzen duelako baizik eta egin dutenak argi uzten duelako”. “Maiatzean eta ekainean, alkateak gaztetxean edozein aktibitate egiteko debekuak sinatu zituen. Eta gero atera da esatera gaztetxea hor egotearen alde dagoela. Hor egon zertarako? Deus ez egiteko? Ez dugu ulertzen”, dio Solanak.
Bere irudikoz, honen guztiaren ondotik laukoa “oso une bitxian dago”, baina “denok genekien hau gertatuko zela, laukoa ez delako marka elektoral bat, eta hauteskundeak iritsi ahala denok aldenduko direlako laukoaren guardasolatik, hauteskundeei begira marka elektorala eta proiektu politikoa zehazteko”.
>>> Artikulu hau Euskalerria Irratiaren webgunetik ekarri dugu ARGIAra, CC-By-SA lizentzia baliatuta.
Marqués de Rozalejo jauregiaren okupazioagatik auzipetutako 22 gazteak absolbitu zituen auzitegiak. Auzi horretatik "ikasiko" duela adierazi du gobernuak.
Akusazioak froga pattalak dituela ondorioztatu du epaileak. Bertan behera geratuko da, beraz, gazteei guztira eskatutako 56.000 euroko zigorra.
Fiskaltzak gazteen aurka egin zuen hasierako eskaria jaitsi du, eta 630 euroko isuna eskatzen ari da gehienentzat. 2017ko irailean Maravillas Gaztetxeak egoitza zuen Iruñeko Alde Zaharreko Rozalejo jauregia okupatzeagatik ari dira kideak epaitzen.
4.320 euroko isuna ere ordaindu beharko du. Zigorturiko gazteak helegitea aurkeztu zuen, baina Auzitegiak epaia berretsi du.
2018ko abuztuko desalojoaren harira, 22 kideen aurka izango da epaiketa. 150.000 euroko isuna ezarri nahi diete.
10:00etan hastekoa zen Iruñeko Maravillas gaztetxea okupatzeagatik ikertutako 22 lagunen aurkako epaiketa. Alabaina, gaztetxeko twitterrean adierazi dutenez, lau eta zazpi hilabete artean atzeratuko da epaiketa. 72.000 euroko erantzukizun zibila eskatu diete.
Gaur, 19:00etan, manifestazioa eginen da Altsasun, udaletxe paretik abiatuta. Epaiketa ostegun goizean izanen da.
Iruñerria Jamaica Clashek azaldutakoaren arabera, gaztetxeak edota gune askeak beharrezkoak dira eszenan eta espazio hauen kontrako erasoak reggae eszenaren kontrako eraso moduan ere uelrtzen dituzte. Burlatako Gaztetxea, Maravillas Gazetxea eta Iruñea NOLA... [+]
Marques de Rozalejo eraikinaren okupazioagatik maiatzaren 9an epaiketa izanen da 22 gazteren kontra.
Iruñeko Maravillas gaztetxearen hustutzea mediatikoa bihurtu zen iragan urtarrilean. Batetik, “aldaketa”-ren eragileen baitan kontraesanak eta tentsioak azaleratzen dituelako, hauteskundeak bistara ageri izan dira, alderdi ugariren interesak martxan jarriz... [+]
Espainiako Polizia Nazionalak 7 pertsona atxilotu zituen urtarrilaren 21ean, Maravillas Gaztetxearen desalojoaren aurkako ekintzak egiteagatik.
Over recent weeks a public building in Nabarreria Street in Iruñea (Navarre, Basque Country) has become identified with social struggle. Maravillas gaztetxe or youth centre –a self-managed Basque community centre– It has been closed several times by the... [+]
Euskal Herri osoko milaka lagunen babesa jaso dute larunbatean Iruñeko Maravillas gaztetxeko lagunek. Eta haien bultzadaz eta rotaflex-aren laguntzaz, Nafarroako Gobernuak herritarrei itxiarazitako atea zabaldu zuten. Hurrengo egunean, ordea, auzoa berriz poliziaz josi... [+]
Arkitekto tekniko batek ikuskatu zuen Maravillas gaztetxea azaroan eta abenduan, abuztuan eraikinaren segurtasuna ez zela bermatzen leporatu zielako Nafarroako Gobernuak.
Atzeman eta gutxira geratu dira aske zazpi lagunak. Astelehen arratsaldean Foruzaingoak zazpi lagun atxilotu dituela jakinarazi dute Maravillas gaztetxeko kideek. Desordena publikoak egozten dizkiete, Ahotsa.info-k informatu duenez.