‘Soilik baietz da baietz’ legearen erreforma aldebakarrez aurkeztu du PSOEk
Astelehenean erregistratu du PSOEk Espainiako Kongresuan, Unidas Podemosekin akordiorik lortu gabe. Irene Montero Berdintasun ministroak dio prest daudela PSOEren baldintzak onartzeko, baina onespenaren puntua ezin dela ukitu. Gobernu koalizioan tentsioak areagotu ditu auziak.
Gatazka ugari piztu ditu Soilik baietz da baietz izenez ezaguna den legearen erreformak, Sexu Askatasuna Erabat Bermatzeko Espainiako Lege Organikoarenak. Azken erreformaren ostean, sexu erasoengatik espetxeratuta zeuden preso batzuen kondena murriztu dute zenbait epailek. Hori lehengoratzeko asmoz ari dira beste erreforma hau egiten. Astelehenean PSOEk kongresuan erregistratu du.
Pasa den asterako zegoen iragarrita, baina Espainiako gobernu koalizioko desadostasunak tarteko, aste honetara atzeratu dute. Unidas Podemosekin akordioa lortzea espero zuen PSOEk, baina asteburuan izandako negoziazioek ez dute emaitzarik izan: alde bakarrez aurkeztuko du PSOEk. Espainiako Berdintasun ministro Irene Monterok igandean Madrilen egindako ekitaldi batean argi utzi du prest daudela PSOEren baldintzak onartzeko, baina legearen muina negoziaezina dela azpimarratu du: “Onespena ezin da ukitu”.
Denak dira erasoak, onespenik ezean
Onespenaren puntuan katramilatu dira negoziazioak. UPk PSOEri leporatu dio “eskuinaren presioetan” jausten ari direla, eta horren arabera ondu dutela erreforma. Lehen, Zigor Kodean bi zigor mota zeuden kasu hauetarako: indarkeria edo larderia baldin bazegoen erasoa zen, eta halakorik ez bazegoen abusua zen. Onespena kontuan izanda legea erreformatu zutenetik ez da bereizketarik egiten, denak dira erasoak, eta erasoaren nolakotasunaren arabera astungarriak daude. Hainbat presok erreforma baliatu eta euren zigorrak murriztea eskatu dute epaitegietan.
Esaterako, astelehenean jakinarazi dute ukatu egin duela Nafarroako Probintzia Auzitegiak Ángel Bozaren zigorra murriztea. 2016ko sanferminetako talde bortxaketagatik 15 urteko espetxe zigorra betetzen ari da, eta errekurtsoa ezarri zuen Soilik baietz da baietz legea moldatu ostean. Ez diote eskaera onartu.
Orain, Justizia ministro Pilar Llopen esanetan, ezinbestekoa da “indarkeria eta larderia” txertatzea legean, epaileek zigor handiagoak jar ditzaten berriro. Ordea, UPk hasieratik defendatu du arazoa ez dela legearen edukia, baizik eta haren interpretazioa: “Demokrazia sisteman, legeak gehiengoak egiten ditu, eta epaileek aplikatu egiten dituzte, ez dituzte desitxuratzen”, berretsi du Eskubide Sozialen ministro eta Podemoseko idazkari nagusi Ione Belarrak, igandeko ekitaldian. Gobernu koalizioaren barruan tentsioak nabarmen handitu ditu auzi honek.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.