Beste Snowden bat? NSAko agente ohi bat epaitzen hasi dira informazio klasifikatua lapurtzeagatik
AEBetako epaitegi federal batek asteazken honetan NSAko agente ohi bat salatu du, ustez herrialdeko defentsa-alorreko informazioa lapurtu duelakoan.
Harold Thomas Martin iazko abuztuan atxilotu zuten eta bere Marylandeko etxean klasifikatutako informazioa aurkitu zuten paperean eta euskarri digitalean. The Atlantic hedabidearen arabera, ustez bi hamarkada zeramatzan informazio hori biltzen.
Hamar urteko kartzela zigorra eskatu dute bere kontra ustez egin dituen delitu bakoitzarengatik (guztira 20 dira).
Kasuak badu paralelismorik Edward Snowden NSAko lankide ohiarenarekin: 2013an AEBetako gobernuak planeta osoan egindako espioitza lanen berri eman ondoren famatu egin zen informatikariak eta Harold Thomas Martinek leku berean egin zuten lan, Booz Allen Hamilton aholkularitza-enpresan.
Errusian erbesteratuta bizi den Snowdenek urrian txiokatu zuen, eskatuz paralelismo hutsean ez geratzeko. Auziaren iltzea beste nonbait dago bere ustez: Booz Allen Hamilton enpresak AEBetako gobernuarekin daukan kontratua.
AEBetako gobernua eta ziber-segurtasun industria
Gai horrek lehenago ere eman izan du zeresana eta beste atxiloketa batzuk eragin ditu, adibidez, Snowden bezain ezaguna egin ez den Barrett Brown kazetari eta ekintzailearena.
Brownek 2012an adierazi zuen aipatutako aholkularitza enpresak “proiektu” bat daukala Wikileaks eta Anonymous jazartzeko.
Urte hartan bertan atxilotu zuten eta iazko azarora arte egon da kartzelan.
Project PMren bidez AEBetako gobernuak ziber-segurtasunean diharduen industriarekin dauzkan loturak erakusten ahalegindu zen Brown. Aste honetako epaiketak erakusten duenez, lotura horrek oraindik zeresana emango duela dirudi.
AEBetako Segurtasun Agentzia Nazionalaren (NSA) espioitza programak azaleratu ostean, Edward Snowdenek Hong Kongeko familia batzuengan bilatu zuen babesa. Familia horiek gobernuak deportatzeko arriskuan daude orain.
AEBetako NSA Segurtasun Agentziak Dilma Rousseff Brasilgo presidenteari eta bere gobernuko kideen beste 29 telefonotan egindako entzuketen berri eman du Wikileaksek, joan den larunbatean filtratutako dokumentuan.
Jacques Chirac, Nicolas Sarkozy eta François Hollande zelatapean. AEBetako inteligentzia zerbitzuek Frantziako azken hiru presidenteak zelatatu dituzte Wikileaksek lortu eta Libération eta Mediapart hedabideek asteazkenean argitaratutako informazioaren arabera.
Telefono konpainia britainiarrak onartu du bere sareak eta gainontzeko konpainienak ezkutuko mekanismoak dituztela, agentzia sekretuek sarean gauzatzen diren elkarrizketak entzun ahal izateko.
The Guardian eta The Washington Post egunkariei eman diete Informazio publikoa Pulitzer sari nagusia, AEBetako espioitza masiboei buruz argitaratu duten informazioagatik. Edward Snowden, CIAko analista ohiak emandako dokumentuei emandako trataeragatik saritu dituzte.
“Obama lehendakariak atzerrira bidaiatzen duenean, bere kolaboratzaileak arduratzen dira maletan liburu labur batzuk sartzeaz, baita atzerriko liderrentzat opariak ere; eta diplomaziarekin baino akanpadarekin harreman handiagoa duen zerbait: kanpin denda bat”.
AEBtako Inteligentzia Agentziak (NSA) mundu osoko 100.000 ordenagailuri eraginen dien softwarea ezarri du, The New York Times egunkariak argitaratu duenez.
Alan Rusbridger The Guardian egunkariko editoreak gaur argitaratu duenez, Erresuma Batuko Gobernuak eskatu zion Snowden aferarekin lotutako datuak suntsitzeko.
Edward Snowden CIAko langile ohiari urtebeterako babesa eman dio Errusiak. Hilabete zeraman Moskuko aireportuko iragaite-gunean, babes eskaera onartu zain. AEBetako Gobernuak, sekretuak azaleratzeagatik Snowden jazartzen ari da, eta erabakiaren ostean adierazi du... [+]
Edward Snowden, AEBetako NSA agentziaren espioitza kasuak filtratu dituen CIAko langile ohiak Errusian babesa eskatu du herrialde horretako migrazio alorreko agintariek baieztatu dutenez.
Edward Snowden, AEBetako NSA agentziaren eta Britania Handiaren espioitza kasuak filtratu dituen CIAko langile ohia, herritarren gaineko kontrolaz eta aurre egiteko moduez mintzo da Dier Spiegelek plazaratutako elkarrizketan.