Londresek ‘The Guardian’ egunkariari Snowden aferaren datuak suntsitzeko eskatu zion
Alan Rusbridger The Guardian egunkariko editoreak gaur argitaratu duenez, Erresuma Batuko Gobernuak eskatu zion Snowden aferarekin lotutako datuak suntsitzeko.
"Duela zenbait hilabete, gobernuko goi-kargudunek nirekin kontaktatu zuten lehen ministroaren ikuspuntua ordezkatzen zutela esanez. Gero bi bilera etorri ziren eta haietan eskatu zidaten suntsitzeko edo entregatzeko lantzen ari ginen material guztia. Esan zidaten: eman Snowdenen materiala edo ezabatu" idatzi du egunkari ingeleseko buruak.
Rusbridgerrek adierazi du Snowdenek utzitako materiala ikertzen jarraituko dutela, baina ez Londrestik, jazarpena ikusirik.
Kazetariaren bikotea atxilotua
Bestetik, Snowden afera argitaratu zuen kazetariak, Glenn Greenwaldek, salatu du Erresuma Batuko gobernuak “larderiatu eta jazarri” egin duela. Greenwalden bikotea, David Miranda, Londresko Heathrow aireportuan atxilotu zuten terrorismoaren aurkako legeak aplikatuz eta bederatzi orduz galdekatu zuten.
Brasildarra da Miranda eta Berlinen egon ostean bere herrialdera itzultzera zihoan poliziak atzeman zuenean. Gainean zeuzkan aparailu teknologiko guztiak kendu zizkioten eta legeak horrelako kasuetarako onartzen duen gehienezko denbora-epea pasa ondoren azalpenik eman gabe utzi zuten aske.
The Guardian egunkarian egiten du lan Greenwaldek. Azken hilabeteetan ezaguna egin da Edward Snowden CIAko agente ohiaren informazioak publiko egiteagatik (AEBetako NSA agentziaren espioitza kasuak agerian geratu ziren horri esker).
Berripaper britainiarreko buruzagiek berehala azalpenak emateko eskatu diote Erresuma Batuko gobernuari. David Cameronek gidatzen duen administrazioak, Barne Ministerioak argitaratutako ohar baten bidez adierazi du poliziaren zeregina dela terrorismoaren kontrako legea aplikatzea.
Atxiloketa horren inguruan sortzen ari diren erreakzio guztiak biltzen ari da The Guardian egunkaria.
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun... [+]