Siriaren aurkako operazio militarra aurki abia dezakete AEBek eta haren aliatuek
John Kerry AEBetako estatu idazkariak esan du erantzun egin behar zaiela siriar armadak azken egunotan herritarren aurka egindako erasoei. CNN moduko hedabidek diote Erresuma Batua, Frantzia, Turkia eta beste 30 herrialdek esku-hartze militarra babesten dutela, eta operazioa aurki hasi daitekeela.
Siriako Armadaren eta Bashar Al-Assad presidentearen aurkako talde armatuen arteko gerra 2011n piztu zen. 100.000 hildako –horietatik 40.000 zibilak dira– eragin ditu, eta errefuxiatuak bi milioi inguru dira jada.
Baliteke AEBek Nazio Batuen Erakundearen (NBE) babesik gabe eraso egitea Siriari. Ez dirudi NBEk erasotzeko agindua emango duenik, beto eskubidea daukaten Errusia eta Txina aurka agertu direlako.
Siriar zibilen aurka pasa den asteazkenean egindako erasoak AEBen jarrera nabarmen gogortu dute, John Kerry estatu-idazkariaren adierazpenek erakusten duten moduan. Hilaren 21ean Siriako armadak ehundaka lagun hil zituen Damasco ekialdean, ustez arma kimikoak erabilita. NBEko teknikariak eraso horri buruzko frogak biltzen aritu dira Sirian, eta aurki aurkeztuko dituzte Al-Asaden Gobernuak izan duen esku-hartzearen inguruko ondorioak.
Ikerketaren ondorioak edozein izanik ere, Kerryk esan du Siriako Gobernuak "marra gorria" gainditu duela, eta balizko operazio militarra nola abiatu eztabaidatzen hasi dela AEBren aliatuekin. Aliatu horien artean Erresuma Batua, Frantzia, Turkia, Qatar, Saudi Arabia, Alemania eta Italia daude; eta beste 30 bat herrialdek operazio militarra batesten dute, hainbat hedabidek dioenez.
Errusiak "hondamendiaz" ohartarazi du
Errusiako agintarien hitzetan, Sirian NBEren baimenik gabe esku hartzeak "hondamendia" eragingo du. Alexánder Lukashevich errusiar kantzelaritzaren bozeramaileak adierazi duenez, Siria erasotzeko "frogarik gabeko aitzakia artifizialak" bilatzeak min are handiagoa eragingo du herrialdean, baita Ekialde Erdiko eta Afrika Iparraldeko beste zonalde batzuetan ere.
Zentzu horretan, Vladimir Putin Errusiako presidenteak gogorarazi du ez dagoela frogarik Al-Assaden gobernuak arma kimikoak erabili izana demostratzen duenik.
Bestalde, Genadii Gatilov kanpo ministro-ordea kexu agertu da, AEBek bertan behera utzi dutelako asteazken honetan Hagan egitekoa zen aldebiko bilera.
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Bideoak erakusten du nola CNN telebista kateko nazioarteko buru Clarissa Ward kazetaria ari den sartzen Siriako kartzela sekretu batean, eta nola grabatzen den preso bat askatzen duten unea.
Gero eta bideragarritasun handiagoa hartu du –eta hartuko du– Israelen planak, palestinar herria beraien lur martirizatuetatik kanporatzeko. Iraganean Far West amerikarreko etnia indiarrekin gertatu zen bezalaxe da. Iranen aurkako gerra inoiz baino gertuago dago.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Mundu osoa dago Siriara begira, Israel tartean, zeinak bere presentzia handitu nahi duen. Bitartean, kartzeletan zeuden presoak askatu egin dituzte Bashar al Assad-en gobernuaren aurka egin duten matxinoek, eta milaka errefuxiatu herrialdera itzultzen ari dira.
24 urte eman ditu boterean Bashar al Assad presidenteak. Ia hamalau urte iraun du gerra zibilak Sirian, eta hamaika egun Sortaldea Askatzeko Erakundea (HTS) buru duen koalizioaren azken erasoaldiak, Damasko hiriburua hartu arte. Errusian asilo hartuta da orain Al Assad... [+]
Siriako egoera bortitza izoztuta egon da azken urteetan, eta orain nazioarteko lehen planora atera da. Azaroaren azken egunetan, Siriako Gobernuaren aurka gerran diren talde jihadistek oso egun gutxitan hartu dute Alepo, herrialdeko bigarren hiria. Egoera oso konplexua eta... [+]
Abdulkarim Omar kurduak farmazia bat zuen Qamishlo-n, bere herriaren iraultza hasi zenean Sirian, 2012an. Orduan negozioa utzi eta lan politikoan sartu zen buru-belarri. Urriaren amaieran Euskal Herria bisitatu zuen, Siriako Ipar eta Ekialdeko Autoadministrazioko ordezkari... [+]
Estatubatuar presidente Joe Bidenek eman du agindua Deir ez-Zor-eko bunker gunea bonbardatzeko. Munizioa biltegiratzeko eta laguntza logistikoa emateko erabiltzen diren bunkerrak direla adierazi du AEBtako armadak komunikatu batean.
2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]
Duela ia bi urte amaitu zen Daesheko Kalifatoa, baina erakunde horretan ibilitako milaka lagunek Siriako ekialde eta iparraldean jarraitzen dute. Kurduek gidatutako proiektu politikoak arazo larria du beste inork jaso nahi ez dituen pertsona hauek kudeatzen.
255 eserlekutatik 177 eskuratu ditu al-Assaden “Batasun Nazionala” izeneko hautagaitzak.