Sionistek gutxienez 21.000 palestinar dituzte preso
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Badirudi agintari sionista batzuen arteko tentsioak gora egin duela azken egunetan, 55 preso palestinar aske geratu izanagatik; tartean, Gazako Al-Shifa ospitaleko zuzendaria, Mohammad Abu Salmiya. Hori dela-eta, neurri bat hartuko du Benjamin Netanyahu Lehen ministroak: instituzio arteko erakunde bat sortuko du, eta, aurrerantzean, horrek ikuskatuko ditu preso palestinarrak aske uzteari buruzko erabakiak, haiek galdekatu ostean. Ez dute zehaztu erakunde berri horrek Gazako Zerrendan soilik jardungo ote duen.
Eztabaida horien erdian, hainbat komunikabidek esan dute abisu bat eman duela Shin Bet (edo Shabak) segurtasun- eta inteligentzia-zerbitzu sionistak, euren espetxeetako egoeraz ohartarazteko. Izan ere, Israelgo Estatuko gobernuari gogorarazi omen dio 14.500 preso edukitzeko gaitasuna daukatela kartzela sionistek, eta, une honetan, 21.000 palestinar dituztela horietan gatibu.
Zenbait iturriren arabera, Shin Betek espetxeetako toki falta hartu du argudiotzat Al-Shifa ospitaleko zuzendaria eta beste hainbat palestinar libre uzteko. Netanyahuk eta beste hainbat agintari sionistak esan dute "akats larri bat" izan dela erabaki hori, eta badirudi Lehen ministroa atzo bildu zela Shin Beteko buru Ronen Barrekin.
Kartzelak handitzen
Israelgo Espetxe-Zerbitzuak ukatu egin du kartzela sionistetan pilaketak daudenik. Horretarako, ustez Abu Salmiya preso zeukaten zeldako irudiak argitaratu ditu, espazio faltarik ez dagoela erakusteko saiakeran. Bahitutako zortzi palestinar ikusten dira irudi horietan, ziega berdinean daudenak, antza. Belauniko daude, eta hainbat kartzelazainek armekin seinalatzen dituzte.
Espetxe-Zerbitzu sionistaren esanetan, urriaren 7tik hona, "segurtasun altuko" presoak giltzapetzeko 2.500 plaza gehitu dituzte kartzeletan. Hurrengo hilabeteetan, ia 1.000 plaza gehiago sortuko dituztela ere azaldu du. "Larrialdi-eraikuntza bat" ere egin nahi omen dute urtearen amaierara bitartean, beste 1.000 plaza berri eraikitzeko.
Shin Beteko buruak esan omen du, dena den, "denbora-bonba" bilakatuko direla espetxeak, eta preso palestinarrak aske uzteari ekin beharko diotela agintaritza sionistek. Gobernuari ohartarazi dio, gainera, "espetxe-krisiak" ondorio negatiboak dituela Israelgo Estatuarentzat, nazioarteko "legitimitatea" galtze aldera eta preso palestinarren erantzun posibleak eragite aldera.
Tortura sistematikoak
Aske geratzean, eta beste hainbat eta hainbat preso palestinarrek aurretik egin duten bezala, Abu Salmiyak salatu zuen tortura basatiak jasan dituela sionisten eskuetan. Jakinarazi zuen palestinar ugari erail dituztela galdeketa-zentroetan, eta askori ukatu dizkietela janaria edota sendagaiak. Behin eta berriz argitaratu diren irudiek frogatu duten modura, atxilotuei askotariko tortura eta "umiliazio fisiko eta psikologikoak" egiten dizkiete sionistek; hala baieztatu zuen Abu Salmiyak ere.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
.jpg)
Igandetik indarrean da Hamasek eta Israelek nazioarteko bitartekaritzarekin adostutako su-etena. Lehen egunean 69 emakume eta 21 nerabe askatu ditu Israelek, horietako bederatzi adingabeak, eta Hamasek hiru israeldar. Gazara laguntza humanitarioko 630 kamioi ere sartu dira.
Adosturiko puntu batzuk aldatzen saiatzea leporatu dio Benjamin Netanyahuk Hamasi, baina azken honek informazioa gezurtatu egin du berehala. Urtarrilaren 15eko arratsaldean adostutakoaren arabera, hiru fase lituzke meniak eta igandean abiatzekoa dute. Bizkitartean, erasoekin... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Gazan 2023ko urria eta 2024ko ekaina artean Palestinako Osasun Ministerioak adierazitakoa baino %40 hildako gehiago izan direla azaldu dute The Lancet aldizkarian argitaratutako ikerketa batean. Zuzeneko heriotzak soilik hartu dituzte kontuan azterketan, hau da, bonbaz edo tiroz... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]