Sionistek diote beste zazpi hilabetez luzatuko dutela erasoaldia Gazan
Egiptoren eta Gazaren arteko muga "itxi" nahi dute agintaritza sionistek. Urriaren 7tik hona, gutxienez 36.000 palestinar erail dituzte Zerrendan.
Gazako Zerrendan martxan daukan oldarraldi militar izugarria 2025era arte luzatuko du Israelgo Estatu terroristak. Benjamin Netanyahu Lehen ministro sionistaren Segurtasun Nazionaleko aholkulariak, Tzachi Hanegbik, atzo egin zituen zenbait adierazpen: esan zuen beste zazpi hilabetez luzatuko dutela erasoaldia, gutxienez.
"Beste zazpi hilabeteko borroka dugu 'Hamasen gobernuaren eta militarren gaitasunak suntsitzea' bezala definitzen duguna lortzeko", ohartarazi zuen Hanegbik, Kan irrati sionistari telefonoz eskainitako elkarrizketa batean.
Rafahn erasoak areagotu eta gogortu dituzten honetan, Gazako Zerrendaren eta Egiptoren arteko mugari begira daude sionistak (Zerrendaren hegoaldean dago Rafah, aipatutako mugatik hurbil). Izan ere, agintaritzak ulertzera ematen ari dira Gaza eta Egipto lotzen dituen muga hartu nahi dutela: muga hori "ixteko beharraz" hitz egin du, esaterako, Hanegbik.
Indar sionistek Filadelfiako korridore deitzen diote Gaza eta Egipto mugarritzen dituen lur-zerrendari, eta hura hartzeko urrats militarrak egiten ari dira azkenaldian. Segurtasun Nazionaleko aholkulari sionistaren esanetan, korridore horren %75 kontrolatzen dute une honetan: "Uste dut, denborarekin, osorik kontrolatuko dutela [indar sionistek]".
Gainera, badirudi, aurrerago ere, Israelgo okupazio-indarrek ez dutela zonaldea inola ere utziko, "armen kontrabandoa" ekiditea aitzakiatzat hartuta.
Oldarraldia Rafahn
Indar sionistek maiatzaren 6an ekin zioten Rafahren lurreko erasoari. Ordutik, bonbardaketa sistematikoak larriagotu dituzte eta, besteak beste, milaka eta milaka palestinar bizi diren errefuxiatu-eremuei eraso diete (Rafan lurreko erasoa hasi aurretik, bertan milioi bat desplazatu inguru zeudela uste zen). Azken egunetan, ia 80 errefuxiatu palestinar erail dituzte kanpaleku horietan, eta ehunka dira zaurituak.
Urriaren 7tik hona, sionistek 36.000 palestinar baino gehiago erail dituzte Gazako Zerrendan. 81.000 pertsona baino gehiago zauritu dituzte, eta 10.000 inguru daude desagertuta.
Hori da Israelgo hedabideetan azken egunotan bolo-bolo dabilen albistea. Baieztapenaren inguruan auzi ugari daude, eta horietako batzuk ikerketa judizialean aztertzen ari dira. Israelgo Estatuko Fiskaltza urriaren amaieratik ikertzen ari da Benjamin Netanyahu Israelgo lehen... [+]
Gazako herritarrei arma kimikoarekin eraso egin izana salatu du NBEren Giza Eskubideen Bulegoak ostiralean argitaratutako txosten batean. Fosforo zuria nazioarteko legedian debekatuta ez dagoen arren, debekatuta dago populazio zibilaren aurka erabiltzea.
Gazaren aurkako sarraskiak kirolean ere badu islarik, bateko eta besteko ekintzek erakutsi dutenez. Futbolean, zehazki, urak harro datoz, Israeleko taldeek Europako estadioetan jokatzen duten bakoitzean agerian geratzen den moduan. Pasa den astean Amsterdamen gertatutakoek,... [+]
Israelgo armada urria osoan bereziki gogor aritu da Gazako iparraldean, eta egunotan ere azken urteko erasorik gogorrenak egiten ari da bertan, ehunka pertsona hilda, gehien-gehienak zibilak eta tartean hamarnaka ume. Herritarrei Gazako hegoaldera joateko agindua eman diete... [+]
Israelen ofentsiba inperialista beste fase batean sartu da: bonbardaketak Yemen, Libano eta Sirian; Iranen kontrako erasoak; Libanoren inbasioaren saiakera… Sionistek aspaldiko helburu bat lortu dute: Palestinatik haratago joatea, eta erasoaldia eskualde mailako gerra... [+]
Turkiaren ekimena babestu dute nazioarteko herrialde ugarik, gehienak arabiarrak edo islamiarrak, baita Hegoafrika, Brasil, Kuba, Errusia, Norvegia eta Vietnamek ere, besteren artean.
Gazako iparraldeko Beit Lahiya hiria setioan dago eta Israelen etengabeko erasoaldiek gutxienez 120 palestinar hil dituzte azken aldi honetan. Astebete baino gutxiagoan, urriaren 24tik 29ra bitartean, NBEk “biktima masiboak” izan dituzten zazpi eraso erregistratu... [+]
Errefuxiatu palestinarrei giza laguntza emateko lan egiten duen NBEren agentziari jarduna galarazi diote. Asteartean onartu du legea Israelgo legebiltzarrak, gehiengo oso zabalarekin. 1967an sinatu zen akordioa indargabetuko du Israelek.
Israelgo armadak dio sei kazetariak Hamaseko eta Jihad Islamikoko kideak direla, baina ez du hori egiaztatzeko frogarik eskaini. Horren ondorioz, eta aurrekariak ikusita, Aljazeera eta sei kazetariak beldur dira gerta daitekeenaz.
Realak Israelgo Tel Aviv-eko Maccabiren kontra jokatuko du ostegunean Belgradon. Segurtasun arazoak direla-eta, ez dute Israelen jokatuko. Talde txuri-urdineko zaletu batzuek Realari eskatu diote Palestinaren aldeko keinuren bat izateko, baina Jokin Aperribay presidenteak argi... [+]
Zisjordanian bezala, Gazako lurretan ere asentamenduak ezartzea eta bertan finkatzea planteatu du Israelgo Gobernuko Segurtasun Nazionalerako ministro ultraeskuindarrak. Horretarako, aukera onena palestinarren “emigrazioa sustatzea” dela adierazi du.
Urriaren 21erako, mobilizazioak deitu zituen Gernika Palestina izena hartu duen sareak. Palestinak pairatzen duen genozidioa salatu, eta bakearen alde egiteko ekimena omen da, eta nekez jar gaitezke bi kausa horien kontra. Elkartasunak palestinarren alde lerratzera garamatza,... [+]
Asteburuan indiskriminatuki bonbardatu ditu Gaza eta Beirut hegoaldea. 2023ko urriaren 7az geroztik, 42.600 pertsona baino gehiago hil ditu Israelek Palestinan, Gazako Osasun Ministerioak zenbatu ahal izan duenaren arabera. The Lancet aldizkari zientifikoak uztailean kaleratu... [+]
Urtebete pasa da palestinar erresistentziak burua altxatu eta Israelek inoiz egin duen ofentsibarik bortitzena hasi zuenetik. Tamalez, egoerak okerrera egin du, Israelek bere ofentsiba areagotu baitu palestinar lurrez harago, Libano, Siria, Yemen edota Iranen aurkako eraso... [+]
Yahya Sinwar Hamaseko burua hil ondoren, Ekialde Erdiko gerrak nola jarraituko duen aurrera mintzagai da hilketaren biharamunean. AEBek, Joe Bidenen ahotik, berehala iragarri dute orain su-etenak bidea libre izan dezakeela. Bide beretik jo dute Mendebaldeko hainbat buruzagik... [+]