Euskal Herriko hiriburuetan sindikatuek antolaturiko mobilizazioak jendetsuak izan dira, itxiera perimetrala indarrean egon arren eta segurtasun neurriak errespetatuz.
Iazko konfinamenduak Maiatzaren Lehenaren mobilizazioak eragotzi ostean, aurten Euskal Herriko langileek kaleak hartu dituzte. Baina itxiera perimetralak eta osasun neurriak ez-ohiko mobilizazioak ekarri ditu. Euskal Autonomia Erkidegoko Auzitegi Nagusiak ebatzi zuen manifestatzeko eskubidea ez dela nahiko arrazoi itxiera perimetrala urratzeko. Erabakiak sindikatuen haserrea piztu zuen, eta oinarrizko eskubideen aurkako erasoa izan dela adierazi dute. Hala ere, mobilizazioak jendetsuak izan dira.
ELAK Hego Euskal Herriko lau hiriburuetan egindako mobilizazioetan “aldaketa garaia dela” aldarrikatu zuen. Ez dituzte 2008ko krisitik irteteko formulak errepikatu nahi eta horretarako “ezkerreko atea” joko dutela adierazi zuen Bilbon Mitxel Lakuntza idazkari nagusiak; hain zuzen ere, “eskubide gehiago, murrizketa gutxiago” dioen atea.
Aldaketa horiek gauzatzeko ELAk proposamenak dituela gaineratu zuen. Esaterako, erreforma fiskalaren garrantziaz aritu zen: “Euskal ogasunetan zerga-erreforma galdegin dugu, uda baino lehenago. Bi arrazoi ditugu horretarako: batetik, baliabideak gehitzea eta krisiak gogorren kolpatu dituen sektore eta herritarrak laguntzea. Hau da, inor bidean botata ez geratzea.”
Aldaketa sortzeko kontzientzia kolektiboa sortu, antolatu eta mobilizatzeko beharra azpimarratu zuten eta haiek aldaketak prestatzen eta bultzatzen jarraituko dutela adierazi zuten.
LABek Hego Euskal Herriko hiriburuez gain, Baionan eta beste hainbat udalerritan manifestazioak antolatu zituen mezu argia zabalduz: “Momentuak beste greba orokor bat eskatzen du eta LAB prest dago horretaz hitz egiten hasteko eta bide horretan adostasunak bilatzeko”.
Garbiñe Aranburu idazkari nagusiak Bilbon egindako adierazpenean, haien borroka “kriminalizatzen” saiatzen ari direla esan zuen, Iruñean atxilotutako kideak gogoratuz eta “ez gaituzue gure bidetik aterako” mezua helaraziz.
Norabidea aldatzearen aldeko borroka sindikal eta sozial guztiak babesten jarraitzeko momentua dela azpimarratu zuen: “aldaketa soberanismoaren eta langileen lidergotik bultzatuko da edo ez da izango”.
Trantsizio ekosozialista eta feminista alternatibatzat dituzte eta haien proposamenak maila instituzionalean, lantokietan eta kalean partekatzen ari direla mahaigaineratu zuen.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.