Langileek %23ko erosteko ahalmena galdu zuten 2019ko akordioa sinatu zuten arte. Patronalak orain soldatak izoztea eta hainbat baldintza murriztea proposatu du. PSNk KPIaren eguneratzea eta %2ko soldaten igoera bultzatuko duela esan du orain, gizarte eragileen presioaren ondorioz.
UGT, CCOO, ELA eta LAB sindikatuetako ordezkariek Nafarroako Legebiltzarreko Eskubide Sozialetako, Ekonomia Sozialeko eta Enplegu Batzordean agerraldia egin dute Foru Gobernuarekin itunduta dauden ezgaitasuna artatzeko zentroen 6. hitzarmen kolektiboaren negoziaketa-prozesua zertan den azaltzeko. Indarrean dagoen hitzarmenaren aurretik galdu zuten erosteko ahalmenaren %23 orekatzeko ahalegindu dadin eskatu diete agintean dauden PSN, Geroa Bai eta Contigo-Zurekin alderdiei.
Talde politiko guztiek sindikatuen aldarrikapenekin bat egin dute eta PSNk, Olga Chuecaren bidez, KPIren egunaratzea gehi %2ko soldaten igoera bultzatuko duela adierazi du. Hala ere, LABeko Iris Arleguik tankera hartu du Foru Gobernuak “soldatak izozteko proposamena eraman zuela” eztabaidatzen ari diren hitzarmenaren aurreneko negoziazio mahaira.
Orain 12. negoziazio kolektibo bilera izan berri dute eta eragile sozialek kritikatu dute “patronalak eta gobernuak %2ko igoera proposatu bai, baina eskubide guztien hobekuntzetarako dela, eta ez soilik soldatak igotzeko”, UGTko Rosa Leónek argitu duen bezala. Gainera, patronalaren hitzarmenaren plataforma onartzeak “eskubideen galera” suposatuko lukeela salatu du ELAko Fernando Zocok, “hala nola familia-kontziliazioari edota ordaindutako baimenei dagokionez”. Negoziazioa ahalik eta modu gardenean egiteko asmoz, sindikatuek emaitzen kontuak aurkezteko eskatu diete sektoreko enpresei, “baina hauek uko egin diote”, kontatu du CCOOko Virtudes Ferrándizek.
Lan baldintzen duintzea arreta hobetzeko
Sindikatuetako ordezkariek diote gobernuak zein patronalak pertsonarengan zentratutako arretaz hitz egiten dutela etengabe eta ideia hau begi onez ikusten duten arren, “ezinezkoa da horrelako sistemarik ezartzea ez badute langileria tresnaz hornitzen”. Gainera, esan dute askotan “legeak agintzen dituen ratioak ez direla betetzen edo bete ahal izateko ez direla langileen eskubideak errespetatzen”.
“Hobekuntza metodologikoek ezinbestean lan baldintzen hobekuntzak behar dituzte, are gehiago zaintzaren sektorean”, hausnartu du EH Bilduko Javier Arzak. Hori lortu ahal izateko bere alderdiak “erabateko publifikazioaren aldeko apustua” egiten jarraituko duela argi utzi du.
Zentzu honetan, Geroa Baiko Isabel Aranburuk gogorarazi du gobernuko akordio programatikoan agertzen dela “erresidentziak publifikatzeko neurria ikertuko dela, lehentasuna emanez ezgaitasunean espezializatutako zentroei”. Aranburuk zin egin du “erne egongo direla” legealdia amaitu aurretik konpromiso hura bete dadin, bestela sektorea “geroz eta gehiago merkataritzako enpresen eskuetan egongo baita”.
PPko Maribel Garcíak erantzun dio “zentroak publikoak ala pribatuak izanda ere, baldintzak hobetzearen erantzunkizuna agintean dauden alderdiena dela”. Zentzu berean mintzatu da UPNko Raquel Garbayo: “Nafarroako Gobernuak protagonista izan beharko luke negoziazioan. Hark nahi badu, zuen baldintzak hobetuko dira”, zuzendu zaie langileen ordezkariei.
Mezu honi erantzunez eta aurreko gobernuen murrizketak gogora ekarriz, Contigo-Zurekineko Miguel Garridok honako hau ohartarazi die sindikatuei: “Kontuz oposizioan dagoenean diru falta kritikatu eta borondate politikoaz hitz egiten duenarekin; eta gobernuan dagoenean zergak jaitsi eta aurrekontu faltaz hitz egiten duenarekin. Zerga erreforma progresiboa behar dugu funtsak lortu eta bizi baldintzak hobetu ahal izateko”.
2020ko urtarrilaren 30eko greban izan ziren gertakariak Donibane auzoan. Apustu-etxe batek itxi zezan indarkeria eta mehatxuak erabiltzea leporatzen zieten. Fiskalak bi urteko kartzela zigorra eta 200 metroko urruntze-agindua eskatu zuen, baina epaileak auzipetuen jarrera... [+]
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
Stellantis multinazionalak Mecaner lantokia itxi eta 148 behargin kalean utzi ditu Urdulizen (Bizkaia); horren aurrean, "Mecaner Herriarentzat" alternatiba ekosoziala sortu dute hainbat eragilek. LAB sindikatuko Iraide Juaristik eta Jauzi Ekosozialeko Aitor Gallastegik... [+]
Hau irakurtzen duzunerako, ez dakit zenbat herri izango ditudan bihotzean eta zenbat gogoeta buruan. Idatzi hau bidali baino lehen, izan naiz Arantzan, Tolosan, Elgoibarren eta Ondarroan, Hausnarrean liburua aurkezten.
CCOOk egindako azterketa batek agerian utzi du hezkuntzan, industrian, ostalaritzan eta merkataritzan ordu estren kopurua nabarmen altua dela, eta enpresek urteko 3.254 milioi euro bereganatzen dituztela ordaindu gabeko ordu gehigarriengatik.
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
ELA eta LAB sindikatuek deituriko lanuztea da eta “lehenengo probintzia lan-hitzarmena” aldarrikatuko dute. Langileak lau urtez egon dira “baldintza duinak” galdegiten eta ekainean berriro biltzen hasi zirenetik “ez da aurrerapausorik eman”.
Sektoreko gidarien "egoera prekarioa" salatu eta lan baldintzak hobetzeko premia azpimarratzeko egin dituzte deialdiak CCOO eta UGT sindikatuek. Hiru sindikatuak eskaerak "oso motz" geratu direla kritikatu du. Hego Euskal Herrian 50.000 langile inguru daude... [+]
Maria Elena Escudero 56 urteko emakumea azkenean Mendigoiti ikastetxeko bere garbitzaile lanera itzuli behar izan da ostegun honetan, Iruñeko Mendillorri auzoan. Asteazkenean ez joateko esan zioten Zaintzen enpresakoek eta ostegunean berriro baietz, aurkezteko lantokian.
EAEko Justizia Auzitegi Nagusiak atzera bota du UGT sindikatuak Euskotreneko egonkortze prozesuko euskara eskakizunen aurka egindako eskaera. UGT sindikatuak horren aurka eskaria egin zuen eta epaileak azpimarratu du eskakizunak UGTk berak sinatutako lan-hitzarmenean onetsita... [+]
Hezkuntza Departamentuan jarrera aldaketarik ikusten ez dutela-eta, irakaskuntza publikoko langileak grebara deitu dituzte berriz ere sindikatuek urriaren 29an, "negoziazioaren alde". Nafarroako Parlamentuko indar politikoak ere interpelatu dituzte, "gure... [+]
Garbiketa lanetan diharduten bi emakumeren egoera larria salatu du LAB sindikatuak. Gurpildun aulki eta taka-taka baten laguntzaz mugitzen diren arren, lanera bidali ditu Gizarte Segurantzak.
Sindikatuen arabera eragina izaten ari da, bereziki garraio publikoan, Baionatik iparralderat.