Sindikatuek Confebaski egotzi diote absentismoa arazotzat hartzen duen kanpaina egitea
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
LAB, ESK, STEILAS, EHNE-Etxalde eta HIRU sindikatuek elkarretaratzea egin dute Confebask bildu den Bilboko The Artist hotelaren aurrean eta oharra argitaratu dute.
Oharrean azaldu dute Confebaskek hilabeteak daramatzala “fake news”tzat hartzen duten kanpaina egiten. Kanpainaren mezua hau dela diote: langileek bajak hartzen dituzte alferrak direlako eta bestelako baimen batzuk baliatzen dituzte lana egin nahi ez dutelako.
Eusko Jaurlaritzari eskatu diote patronalaren “diskurtso faltsuarekin” bat ez egiteko.
Patronalari egotzi diote langileen baimenak, lizentziak eta gainerakoak murriztea dela helburua, alegia, “urteetan langileek lortutako eskubideen aurkako joera” hartu duela. Sindikatuen ustez, patronalaren helburua boterea eskuratzea da eta horretarako osasun publikoa ahuldu behar du. Hala, familia medikuen eskumenak ezabatu nahi dituztela gaineratu dute eta baja arrunten kontrola mutualitateen esku utzi.
Baja-iruzurra dagoela zabaltzea leporatu diote, eta horretarako hedabideak, politikariak eta erakunde publikoak erabili dituztela.
Bilbon protesta egin duten sindikatuek Hego Euskal Herrian absentismoa arazoa dela gezurtatzeko hainbat datu eta argudio eman dituzte:
– Europan, Espainiako Estatua absentismo txikiena duten bost herrialdeen artean dago.
– Espainiako Estatuan, baja arrunten inguruko iruzurra (gaixorik egotearen itxura egin baja lortzeko) %4 da, eta presentismoa (lanera gaixo edo lesionaturik joatea) %41.
– Hego Euskal Herrian absentismoa Espainiako Estatuko beste lurralde batzuetan baino altuagoa da industriak pisu handiagoa duelako, eta ondorioz, lan istripu gehiago gertatzen direlako.
-Beste hainbat argudio ere zerrendatu dituzte: sindikatuen sendotasunari esker garaipen sozial gehiago lortu izana; greba gehiago egitea; langileak batez beste gero eta zaharragoak izatea; emakume gehiago egotea lan mundu ordainduan; eta eskubideen erabilpena gehiago gauzatzea. Sindikatuon iritziz, ezaugarri horiek ez dira negatiboak, “gizarte garatuago baten isla baizik”.
Nola lortu absentismo kopurua jaistea
Enpresei eskatu diete laneko segurtasun araudia betetzea eta langileen segurtasuna bermatzea, prebentzioa indartuz lortuko delako absentismoa “modu erradikalean jaistea”.
Prebentzioan zeregina badagoela erakusteko bi datu eman dituzte. Batetik, 2023an, Hego Euskal Herrian, 100.000 lan istripuren berri eman zen, eta horietatik erdiak egun bat baino gehiagoko baja eragin zuen. Bestetik, 2024an, 51 lan heriotza izan ziren, gutxienez.
ilbeltza-(1).jpg)
Hamaikagarrenez antolatu dute euskal nobela beltzaren astea, urtarrilaren 20tik 26ra. Ekitaldi ugari egingo dira Baztango bailarako hainbat herritan. Liburu aurkezpenak, mahai-inguruak, solasaldiak eta kultur ekitaldiak izango dira, eta ekintzetan parte hartzea doakoa izango da.
96 urterekin hil da Jean-Marie Le Pen, eskuin-muturreko aurpegi ezaguna, Frantziako Estatuan urtez urte indartu egin den Fronte Nazionalaren sortzailea. Ahoan bilorik gabe aritu izan da beti eta beti bere ideia arrazistak zabaltzen. Ideia arrazistak ereiten, eta uztak jasotzen:... [+]
2024an beste sei hilketa egon zirela gogoratu zuten. “Nazkatuta, nekatuta eta haserre” daudela adierazi du mugimendu feministak Barakaldoko Bide Onera plazan, eta biktimei arreta eskaintzeko sistemen eraginkortasun eza salatu dute. Barakaldoz gain, herri askotan izan... [+]
“Uste dugu distopien eta orokorrean errealitate indibidualista eta etsituaren ofentsiba kulturalaren aurrean utopiak irudikatu behar ditugula, mentalki eta emozionalki indartsuagoak izateko”, erranez banatu berri ditu ipuin eta itzulpen lehiaketako sariak Sukar Horia... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Oporlekuekin soilik lotuko dituzte askok Balear Uharteak, baina agroekologiaren eta kontsumoaren bueltan mugimendu bizia dute Mallorca irlan: Associació de Varietats Locals de Mallorca (tokiko hazi barietateen elkartea) da horren adibide. Abenduaren hasieran, elkarte... [+]
Otsailaren 7an, Maccabi Tel Aviv taldeak Baskoniaren aurkako partida jokatzeko asmoa du Gasteizen. Palestinarekin Elkartasuna Plataformak salatu du Israelek kultur eta kirol ekimenak palestinarren aurkako krimenak estaltzeko erabiltzen dituela. Aurpegi zuriketaren aurka,... [+]
Muturreko lehorte eta euriteak normaltasun berria bilakatu zaizkigu. Areagotzen dituzten kalte ekonomiko eta ekosistemikoen artean, laborantzak pairaturikoak ez dira txikienak. Bereziki, lehorte garaietan zaluegi idortzen diren edota eurite handietan ur guzia xurgatu ezin duten... [+]
Artista polifazetikoa izan zen Harry Smith (1923-1991). Inkonformista erradikala ere bai, bere biografia askotan nabarmentzen denez. Instituzio eta galeristetatik urrun, eskale baten itxura izan zuen urte luzez. Berari buruzko azken liburua, Cosmic Scholar: The Life and Times of... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Gabonetan liburu berri bat utzi dute mesanotxean. Etxearen filosofia eta poztasunari buruzkoa, Emanuele Cocciak berriki idatzia. Coccia, filosofo italiarra, ezaguna egin da landareekin ditugun loturak ezagutarazten planeta osasungarri bat eraikitzeko bidean, eta esanguratsua da... [+]
