Sindikatu guztiek bat egin dute Goierrin Gure Esku Dagok ekainaren 5erako antolatutako kontsultekin
Herritarrei oro har eta bereziki langileei dei egin diete herri galdeketetan parte har dezaten. Beasaingo Igartza jauregian bildu ziren ostegunez eta adierazpen bateratua kaleratu zuten.
ELA, LAB, CCOO, UGT, ESK eta USO sindikatuetako ordezkariek bat egin dute baita ere Debagoienan, Aramaion, Azpeitian eta Ispasterren egingo diren kontsultekin: “Elkarrizketan jardutea, eztabaidatzea, aurrez aurre jartzea, hausnartzea… eta azkenean jendeari galdetzea normalena delako. Galdetzea da ditugun aferei buruz erabakitzeko modurik onena, arazoak konpontzeko, beren elkarbizitza antolatzeko nahiz aurrera begirako erronkei heltzeko”.
Langileen ordezkariek adierazi dutenez, galdetzeak eta erabakitzeak ez du ez zatitzen ezta banatzen ere: “Galdetuak izatea eta kolektibo gisa erabakitzea, kohesiorako eta erantzukizunez jokatzeko ariketa ezin hobea da. Gure bizitzak gure esku hartzen baititugu, beste inori delegatu gabe eta errespontsabilitatez”.
“Beste kolektibo eta beste pertsona askok bezala, egunero gure baitan jasaten baitugu zer den menpekoa izatea. Soldatapeko lanaren munduan, gure munduan, gutxi batzuek erabakitzen dute zer, nola, non eta zein modutan ekoizten den… Langileok bizirauteko eskaintzen zaigun lana onartu beste aukerarik ez dugu. Eta menpekotasun hori ez da soilik lan arloan gertatzen. Kulturan, sexuen artean, nazioen eta etnien artean, guztion artean gertatzen da”.
Horregatik guztiagatik, argi ikusten dute erabakitzeko eskubidea erabat uztartzen dela haien egunerokoan, lanpostuen defentsan eta bermean. Besteak beste enpresa hauetako ordezkariak dira sinatzaileak: Arcelor Olaberria, Arcelor Zumarraga, CAF, Kutxabank, Estanda, Indar, Baminar, GH, Ikaslan, UZ, CIE, Bellota, GKN, BST Rods, Jaso Idiazabal, Jaso Itsasondo, Prodema, Aluminox, Tuermeka eta Ordiziko Udala.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
Pirinioetako Bidea ekimena antolatu du Gure Esku-k uztailaren 2rako, Kataluniako eragile sozial soberanista nagusiekin. Asmoa da Atlantikoa eta Mediterraneoa lotzen dituzten gailurrak argiztatuz, nazioarteko komunitateari mezua bidaltzea: irtenbide politiko bat behar dute Euskal... [+]
Asteazkenez bildu ziren Gure Eskuren bozeramaile Amalur Alvarez eta Josu Etxaburu Bakartxo Tejeria Eusko Legebiltzarreko lehendakariarekin. Gure Eskuk Legebiltzarrari dei egin dio erabakitzeko eskubidea arautzeko bidean hainbat konpromiso har ditzan. Uztailaren 2an, Kataluniako... [+]
Higer lurmuturretik Creusera, Atlantikotik Mediterraneora, 300 gailurretatik igarota Euskal Herria eta Katalunia batuko dituen argi-lerro baten bidez herrien autodeterminazio eskubidea aldarrikatuko dute Pirinioetako Bidea ekimenean.
Lehenik, gure errespetua eta begirunea adierazi nahi diegu Koldo Mitxelena berari eta haren senide eta gertukoei. Ez baitu atsegina izan behar, haren izena daraman kultur guneak horrelako kulturaren ikuspegi hertsi eta zentsuratzailearen gune bilakatuta ikustea.