Sindikalismo eraldatzaileaz eta lanaz eztabaidatzeko nazioarteko kongresua Leioan
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Hamaika hitzaldi, mahai-inguru eta eztabaida izango da ostegun eta ostiral honetan Leioan, EHUren Lan Harremanen eta Gizarte Lanaren Fakultatean, aditu eta ekintzaile ugariren eskutik, Lana eta sindikalismoa XXI. mendean Nazioarteko Lehen Biltzarrean.
Antolatzaileen abanikoa ikusita, jadanik sumatzen da sindikalgintzaren eta lan-harremanen arloan mugarria ipini dezakeela: EHUko Lan Harremanen eta Gizarte Lanaren Fakultatea; GEZKI Gizarte Ekonomia eta Zuzenbide kooperatiboaren institutua; Manu Robles-Arangiz Fundazioa (ELA sindikatua), Ipar Hegoa Fundazioa (LAB sindikatua); Moncho Reboiras Fundazioa (Galiziako CGT sindikatua); Salvador Seguí Fundazioa (Espainiako Estatuko CGT sindikatua) eta Grup d'estudis (Herrialde Katalanetako intersindikala). Gainera, kongresuak Quebeceko Gobernuaren laguntza izan du.
Langile prekarioen problematikak aztergai
"Modu kapitalistan antolatutako lana tentsio eta kontraesan ugarik zeharkatzen dute, eta langileek erantzun sortzaileak bilatu behar ohi dituzte, bai indibidualak, bai kolektiboak", horrela dio kongresuaren aurkezpen testuak. Baina erronka horri aurre egiteko antolaketa-tresnak artikulatzea ezinbestekoa den arren, testuak dio "kezkagarria" dela sindikalismoak jasotzen duen arreta urria, askotan "anekdota" gisa agertzeraino.
Langileen erronkei aurre egiteko antolaketa-tresnak artikulatzea ezinbestekoa den arren, kongresuaren aurkezpen testuak dio "kezkagarria" dela sindikalismoak jasotzen duen arreta urria, askotan "anekdota" gisa agertzeraino
Horrela, sarritan, lan munduari loturiko azterketek –eta ondoren ezartzen diren politikek– ez dituzte jasotzen langileek dituzten problematikak, "bereziki, gutxien antolatuta dauden sektore prekarioenenak", hots, feminizatutako eta arrazializatutako sektoreenak.
Patriarkatuaren menderatze estrategiez gain, beste arazo eta erronka asko ere bistarazten dituzte egoera horiek: lanaren atomizazioa, industriaren trantsizio ekologikorantz dauden postura kontrajarriak, sindikatuen barne-eraldaketarako gaitasuna eta prestakuntza, lan gatazkak eta grebak negoziazioaren erdian jarri beharra...
40 komunikazio
Horretaz eta askoz gehiagotaz jardungo dira bi egunotan. Kongresuan lau hizlari nagusi izango dira, esperientzia handikoak laurak ere: Pastori Filigrana, Yayo Herrero, Marti López Andreu eta Miguel Martínez Lucio.
Kongresuan lau hizlari nagusi izango dira, esperientzia handikoak laurak ere: Pastori Filigrana, Yayo Herrero, Marti López Andreu eta Miguel Martínez Lucio
Gainera, sindikatu antolatzaileekin mahai-ingurua ere antolatu dute, eta 40 komunikazio aurkeztu dira, gai eta sektore ugariren arabera mahaitan banatuta eztabaidatzeko: antiarrazismoa, feminismoa, zaintza, eredu ekonomikoen eraldaketa, desazkundea...
Sindikatuetako ekintzaileez gain, hainbat unibertsitateko adituek parte hartuko dute kongresuan, baita beste eragile batzuek ere: Madrilgo maizterren sindikatuak, Ipar Euskal Herriko Alda elkarteak, El Salto egunkariko Gessamí Forner kazetariak, CNTk eta Aragoiko Osta sindikatuek, eta Talaios kooperatibako Oscar García ekonomia eraldatzailean adituak ere komunikazio bana aurkeztu dute.
Ostegunean, Yayo Herreroren eta Pastora Filigranaren kongresu hasierako txostenen ostean, eztabaida-mahaien saioei emango diete paso. Ostiralean, berriz, beste bi hizlari nagusiak entzun eta eztabaida-mahai gehiagotan ariko dira, eta eguerdi partean amaiera ekitaldi bat izango da.
Programa osoa hemen.
ELAk eta LABek EREa baztertu eta berau erretiratzea galdegin dute. Sindikatu biek gogoratu dute 2023an antzeko neurriak geldiaraztea lortu zutela mobilizazioen bitartez
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Arrantza handi eta industriala defizitarioagoa da sozialki, ekonomikoki eta ekologikoki arrantza txikiaren alboan; arrantza txikiak baino dirulaguntza publiko dezente gehiago jasotzen ditu; eta are, soilik laguntza horiei esker bizirauten du. Horixe erakutsi du Frantziako... [+]
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Azken urteotan, industria politikaren kontzeptua hainbat mailatan indarrez berragertu da. Neoliberalismoaren mailua izandako erakundeak, Nazioarteko Diru Funtsak, gaur egun zera azpimarratzen du: merkatuek baliabideak modu eraginkorrean esleitzeko eta arazo horiek konpontzeko... [+]
Asteazken goizean goizetik Guardianeko dozenaka langile elkarretaratu dira Laudioko lantegiaren aurrean, eta inguruko enpresatako beharginak ere batu zaizkie elkartasunez. Guardianek asteazkenean labea itzaliko duela adierazi du eta hori oztopatzeko asmoz bildu dira. Enpresa... [+]
ChatGPT ez da dagoeneko "hainbesterako". Lehiakide biziago, eskuragarriago eta merkeago bat jarri zaio parean AEBetako eta mundu mailako liderrari: enpresa txinatar baten eskutik ikusi du argia DeepSeekek. Dantzan jarri da mundua, eta ez espresuki onerako. Mikrotxipen... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
EHGAMek Axel hotelaren irregulartasunei jarritako helegitearen inguruko isiltasun administratiboaren ondoren, hotelaren itxiera eskatzen du eta hainbat eragileekin batera prentsaurrekoa eman dute.
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
.png)
Gasetik sortutako elektrizitate ekoizpena bosgarren urtez jaitsi da, eta jatorri fosileko elektrizitate sorkuntza orokorra minimo historikoan dago, Ember erakundearen European Electricity Review txostenaren arabera.
Parte Zaharrean Bizi auzo elkarteak irregulartasunak salatu ditu Parte Zaharreko lizentzia askoren harira, baita salatu ere "onuraduna" ostalaritza dela "beti". Azalpenak eta ardurak eskatu dituzte.
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.