Sinadura bilketan ari dira Gipuzkoako Aldundiari galdetzeko: “Pixoihalen birziklapena noizko?”
Andoaingo Ipar Haizea elkarteak ekin zion sinadura bilketari Ingurumenaren nazioarteko egunean eta oporren aurretik borobildu nahi lukete: pixoihalak eta antzeko higiene produktuen gaikako bilketa eta birziklatzeari ekin diezaiotela Gipuzkoako agintariek.
Sinadura bilketa Change.org plataforman hasi zuten eta lerrok idazteko orduan 1.387 sinadura zeuzkaten batuta. Baina gainera Osoigo plataforman abiatu dute kanpaina Gipuzkoako agintariei eskatzeko galdera honi erantzutea: "Pixoihalen birziklapena noizko?". Honela argudiatzen dute eskaria: "Pixoihalak birziklatu daitezke, baita gainerako higiene produktuak. Gipuzkoan bada teknologia hori egiteko Goierriko enpresa bati esker, baina Aldundiko egungo agintariek ez dute baimendu lanean hastea. Teknologia honi esker zabor tona mordoa murriztuko lirateke. Pixoihalak eta higiene produktuak benetako errefusaren %70a dira. Europako hondakinen hierarkia beteko litzake. Hau martxan ez jartzea soilik ulertu daiteke erraustegiari jana eman nahi izateagatik. Exijitu dezagun pixoihalen birziklapena!". Albiste hau eguneratu den unean 304 atxikimendu zeuzkan bilduta.
Ipar Haizeak aipatzen duen enpresa Birzitek da, duela bi urte 2017an hedabideetan aski aipatu zena. Orduan jakinerazi zenez, Goierriko hiru enpresak elkartuta sortua da Birzitek: Goilaser (Zegama), Ogei (Olaberria) eta Modube (Segura). Birzitek aurrera ateratzeko Goieki garapen agentziaren eta Get Goierri ekimenaren laguntza ere eduki dute. «Pixoihalak txikitu, garbitu eta ondoren materialak banatzea da giltza, alde batetik plastikoa eta bestetik zelulosa», azaldu zuen orduan Olaia Mendoza Birzitek enpresaren zuzendariak. Proiektuak Espainian plastiko eta ontzi arinen birziklatzeaz okupatzen den Ecoembes erakundearen R saria jaso zuen 2017an.
Birziteken web instituzionalean ikus daitekeenez, EAEko agintarien bedeinkazio eta dirulaguntzekin abiatu zen proiektua: Eusko Jaurlaritza, Gipuzkoako Foru Aldundia, SPRI... Orain Ipar Haizeak eskatzen duen bakarra da abian jarri dadila diru publikoz lagunduta antolatutako egitura guztia eta erraustegirako bideda moztu diezaiotela Gipuzkoan urte osoan pixoihal eta antzekoetan pilatzen diren 20.000 hondakini.
(Albiste hau 2019-07-03an eguneratu da)
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Abenduaren 16an Mendigorriako Biomendi txerri granja eta biometanizazio instalakuntzan elkarretaratzea egin du Nafarroako Makroetxaldeen Aurkako Plataformak. Bertan salatu du Biomendin 2022an 80.000 tona hondakin industrial-organiko tratatu zituztela, soilik 33.000 tonarentzako... [+]
EH Bilduk salatu du Jaurlaritza ez dela Hondakinak Prebenitzeko eta Kudeatzeko Plana betetzen ari. Azalpenak eskatu dizkio Arantxa Tapia Ekonomiaren Garapen eta Ingurumen sailburuari, argitu dezan zein den guztira EAEk esportatzen dituen hondakin kopurua eta zer neurri hartuko... [+]