Euskalerria Irratia Iruñerrian euskara hutsean emititzen den irrati bakarra da eta 25 urte daramatza lizentziarik gabe. Koldo Martinez Urionabarrenetxea Euskara Kultur Elkargoko presidentea eta Geroa Bai koalizioko Zabaltzen independenteen taldeko buruak kanpaina bat abiatu du Interneten Nafarroako Gobernua presionatzeko eta herritarrei eskatu die atxikimendua sinatzeko.
“Lizentziak banatzeko egin diren lehiaketetan Gobernuak garbi jokatu izan balu, irratiak lizentzia izango luke”, adierazi du Martinezek Change.org-en idatzitako eskutitzaren bitartez. Era berean herritarrei eskatu die lizentziaren aldeko sinadura emateko eta eskakizuna Nafarroako Gobernuari bidaliko zaio gero.
Kanpaina hasi eta bi egunetara 750 lagunek baino gehiagok sinatu dute eskaera.
25 urte lizentziarik gabe
Nafarroako Gobernuak banatzen ditu lizentiak eta Iruñerriko irrati euskaldunari ez diote inoiz eman. Irratiko kideek beren egoera salatzeko abiatu duten kanpainan adierazi dutenez 25 urte daramatzate “entxuferik gabe”. Duela bi hilabete Europako Kontseiluak eskatu zion Nafarroako Udalari Euskalerria Irratiari lizentzia emateko.
Nafarroako euskara hutseko irratiak 25 urte bete ditu eta Dialeko azkenak dokumentalean bildu dute bere ibilbidea. Maiatzaren 3an Larraintzarren estreinatuko dute, eta hurrengo asteetan Aizarotzen eta Erason egongo da ikusteko aukera.
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.
Ekainaren 22an, ostegunez, hil zen kazetari oriotarra 65 urterekin, minbizi baten ondorioz. Herri Irratian egin zuen bere kazetari ibilbidea nagusiki, eta 1996 eta 2022ra arte EHUko Udako Ikastaroetako komunikazio arduraduna ere izan zen.
Kulturaren inguruko hainbat programa biltzen dituen podcasting espazioa da Basilika eta hemendik aurrera ARGIAn izango dituzue sortzen dituzten edukiak entzungai.
Nagore Irazustabarrena historialariaren podcast berria da 'Oroimen Histerikoa'. Axier Lopez kazetariaren konpainian historiako pasarte edo bitxikeria bat ekarriko digu hamabost minutuko istorio batean bilduta. Asteartero izango duzue saioa entzungai ARGIAn, gure ohiko... [+]