Sinadura bilketa abiatu dute “bakearen artisauak beherala askatu” eskatzeko
ETAren armagabetze prozesua abiarazi eta lehen arma multzo bat suntsitzeko prozesuarekin lotutako bost pertsonak askatzeko eskatuz sinadura bilketa abiatu dute sarean. Egun bakarrean 6.000 sinaduratik gora jaso ditu eskaerak. "Bakearen artisauak berehala eskatu" dio aldarriak.
Honela dio atxikimenduak eskatuz idatzi duten testuak:
Bost bake artisauen askatzea galdegin dezagun
Bortizkeriarik gabeko 5 militante atxilotuak izan dira, ETA organizazio armatuaren armagabetze prozesua abiarazi eta lehen arma multzo baten suntsitzeari ekin dutelako.
Txetx Etcheverry (Bizi, Alternatiba eta ANV-COP21-eko sortzaile bat), Michel Berhocoirigoin (Euskal Herriko Laborantza Ganbararen sortzaile eta presidente ohia), Michel Bergouignan (Irulegi euskal apelazioko mahastizain kooperatzailea), Béatrice Haran-Molle (kazetaria) eta Stéphane Etchegaray edo Etxe (ikusentzunezko profesionala, armen suntsitzea filmatu behar zuena) poliziak atxilotu ditu Abenduaren 16an ostiralarekin Luhuson (Ipar Euskal-Herria), ETA-ko armategia neutralizatzen ari zirenean, autoritateen esku uzteko helburuarekin.
Ekintza hori eraman dute, Estatu frantses eta espainolek ez dutelako armagabetze prozesuan fitsik egin, Euskal-Herriko bake prozesuaren jarraipenarentzat izigarri beharrezkoa denean.
Txetx Etcheverry-k, Michel Berhocoirigoin-ek (Euskal-Herriko Laborantza Ganbarako presidente ohia), baita Michel Tubiana-k ere (Giza Eskubideen Elkarteko ohorezko presidentea), beren desmartxa zehaztu zuten prentsari luzatu zizkioten gutunen bidez : "Bitartekari bezala kokatzen gira, menpekotasun edo loturarik ez dugun organizazio armatu baten eta hausnartuarazi nahi dugun Estatu baten artean. (...) Gure ardura berreskuratzea erabaki dugu, bakeari begira baliagarria dela sinesten dugulako. Horregatik, ETA-ri proposatu diogu bere armategia suntsitzearen ardura politikoa jendarte zibilari emaitea. Molde publiko eta asumituan egitea hautatu dugu, eramaiten ditugun engaiamenduak bezala. Engaiamendu hauek publikoak eta gardenak dira. Inplikazio pertsonalak, demokraziaren arrangurak, bortizkerigabearen hautuak ezaugarritzen dituzte."
Bake artisauek eraman duten armategi suntsitze ekintza desmartxa bortizkerigabea, gardena eta kementsuaren ondorioa da, bake prozesu horren aitzinarazteko gisan.
Gobernu frantses eta espainolek bake prozesu huntan konkretuki engaia daitezen eta Aieteko Bakearen Konferentzia Internazionaleko gomendioak segi ditzaten galdegiten dugu.
Txetx Etcheverry, Michel Berhocoirigoin, Michel Bergougnian, Béatrice Haran-Molle, Stéphane Etchegaray bake artisau atxilotuen berehalako askatzea galdegiten dugu.
Atxikimendua eman nahi duenak lotura honetan egin dezake.
Iritzi ezberdinetako aktore politiko eta sindikalak "kontsentsu batera iristeko" ariketa egin izana eta "Frantziako Estatuak Euskal Herriko gatazkaren konponbidean duen ardura" agerian ezarri izana dira Bake Bideak azpimarratzen dituen ekarpenak.
2022ko uztailean egin zuten blokeo eguna, euskal presoen egoerari "aterabidea ematea" eskatzeko. Bederatzi pertsona auzipetu zituzten.
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]
Hori adierazi dute Bake Bideaneko ordezkariek ostegun honetan Luhuson egindako agerraldian. Azkenekoz, ekainaren 9an eta 15ean aztertu zuen Frantziako justiziak Ion Parot eta Jakes Esanen askatasuna, eta epaileek haien baldintzapeko askatasunaren alde egin zuten, baina... [+]
Jakes Esnal baldintzapean aske uzteari buruzko erabakia uztailaren 21era atzeratu dela jakin aitzin izan da ARGIA Anaiz Funosas Bake Bidearen bozeramailearekin –Ion Paroten kasuan, datorren astean jakinen da erabakia–. Badu 32 urte kartzelan direla. Pairaturiko... [+]
Ostegun honetan aztertuko du Parisko Dei Auzitegiak presoaren baldintzapeko askatasun eskaera. Karia horretara, Jakes Esnalen aldeko elkarretaratzea antolatu du Bake Bidea-k Donibane Lohizunen.
Elkarretaratzea eginen dute egun berean arratsaldeko zazpietan Baionako herriko etxearen aitzinean. Jakes Esnalena berriz maiatzaren 19an aztertuko dute. 32 urte daramatzate preso.