Jatorriz boliviarra den Getxoko emakume batek Ertzaintzaren eraso arrazista jasan zuela, emakumearen salaketari ertzainek kontrasalaketa jarri ziotela eta orain Jaurlaritzak, autoritatearen aurkako atentatua leporatuz, emakumearen aurkako zazpi urteko kartzela zigorra eskatzen duela salatu du Getxoko hainbat elkartek. Kanpaina abiatu dute, prozesu judizialaren bezperetan.
SOS Arrazakeriak kaleratu duen oharraren arabera, 2018ko maiatzean, Polizia supermerkatu baten atarian zegoen eskalea jazartzen ari zela ikusi eta haren defentsan esku hartu zuen Silvia emakume arrazializatuak. Ertzaintzak komisariara eraman eta han “bortizki eraso” zuten, “ukabilkadak eman zizkioten”. Emakumeak salaketa jarri ostean, kontrasalaketa jarri zuten agenteek, baina gertakaria bideoz grabatuta dago eta “ertzainek euren errelatoan atzera egin behar izan dute”, dio SOSek. Auto judizialak neurrigabetzat jotzen du polizien jarduna.
Eusko Jaurlaritzak, ordea, zazpi urteko espetxe zigorra eskatu du Silviarentzat, “erresistentzia eta autoritatearen aurkako atentatua” egotzita. SOS Arrazakeriaren hitzetan, Jaurlaritzaren salaketa neurrigabea interpretatu daiteke Silviaren aurkako zigor gisa, “tortura poliziala salatzeagatik”. Horrez gain, ikerketaren erregistro falta “gauza larria” dela eta Silviari tortura ikertzeko Istanbulgo Protokoloaren peritu-txostena aurkeztea ukatu zaiola kritikatu du SOSek.
Epaiketa eta mobilizazioak
Urriaren 4 eta 5ean egingo da Silviaren aurkako epaiketa, eta horren aurrean, Getxoko bizilagunari babesa adierazteko eta “esku-hartze polizial arrazistak amaitzea” eskatzeko kanpaina abiatu dute herriko hainbat elkarte eta alderdi politikok: Algortako Bilgune Feminista, Haziak, Mujeres con Voz, Ongi Etorri Errefuxiatuak, SOS Arrazakeria Bizkaia, EH Bildu Getxo eta Elkarrekin Podemos Getxo.
Urriaren 3an, manifestazioa deitu dute Erromon, arratsaldeko 19:00etan, Santa Eugenia plazatik abiatuta. Epaiketa egunetan ere, elkarretaratzeak egingo dituzte Bilboko auzitegi atarian, goizeko 9:45ean.
EH Bildu eta Elkarrekin Podemos alderdiek mozio bateratua aurkeztuko dute irailaren 28ko udal plenoan, kasua salatu eta Silviari elkartasuna adierazi asmoz.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Hogei urte bete dira ETA ez zion kartel bat jarri nahi ez zuelako Angel Berrueta hil zutenetik Espainiako polizia batek eta bere semeak. Iruñeko Donibane auzoan Berrueta omendu dute, eta justizia eta erreparazioa eskatu dituzte.