Zigoze herria Aragoin dago, Esca ibaiaren ertzean, hura eta Aragoi ibaia Esan urtegiratzen diren puntutik hurbil. Urtegia handitzeko obrak direla-eta, aipatu puntuan –urtegiaren atzealdean– urari eusteko dike bat eraikiko dute, eta dike horren eraginez Ezka ibaiak gain har dezakeela-eta, Silvia Melladok sareratutako argazkian ikus daitekeen murrua eraiki dute Zigozeren alde batean.
CHE Ebroko Konfederazio Hidrografikoak azaldu du 27 milioi euroko inbertsioa egingo dutela, herriaren alboan laku artifizial baten itxura izango duen azpiegitura eraikitzeko. "Herritarrek espazio bat irabaziko dute euren erabilerarako", irakurri daiteke paretatzarra altxatzen hasi zirenean plazaratutako albisteetan. Dikea eraiki ahal izateko hainbat biltegi eta baratze desjabetu dituzte, baita etxebizitza batzuk ere. ElDiario.es agerkariak 2017ko urrian argitaratutako artikuluan irakurri daitekeenez, hamar bizilagun ziren etxea uztera behartuak zeudenak, orotara 60 bat biztanle dituen herrian.
"Isiltasunari ahotsa"
Miguel Barluenga kazetariak aipatu artikuluan azaltzen duen moduan, hamar bizilagun horiek abokatuen esku jarri zuten auzia, desjabetze agindua atzeratzea lortzeko gutxienez. Halaber, aditzera ematen zuen azpiegitura berriaren aurkako protesta eta mobilizaziorik ez zela egingo Zigoze herrian, kaltetutako bizilagun gazteenak 70 bat urte zituelako, zonaldearen "despopulazio eta zahartzearen" beste adibide bat.
Joaquín Palacínek, Lurraldearen Antolamendurako zuzendari nagusia zenak, aurkako mugimendu handiagoa ez egotea faltan sumatzen zuen: "Artieda edota Milanos herrietan Esaren aurkako jarrera argia zen oso; Zigozen eskatu ziguten isitasunari ahotsa emateko". CHA Chunta Aragonesista alderdiko buruetako bat da Palacín. Zigozeren etorkizunaz kezkatuta, CHAk Aragoiko instituzioetan agertu du bere haserrea, baina Palacínek zioen moduan, herritarren jarrera ez da inguruko beste leku batzuetan bezain beroa izan...
Artieda: Esa urtegiaren mehatxuari kolektiboki erantzunez
Hain justu, ARGIAren pasa den asteko zenbakian, Esa urtegia handitzearen aurkako borrokan ikur bilakatu da Aragoiko Artieda herriaz erreportajea idatzi zuen Kattalin Barberrek. Obren aurkako mugimenduaz mintzatzen da Barber, baita haren gibelean sortutako beste ekimen batzuez ere, esaterako, goraxeago aipatu ditugun "despopulazio eta zahartze" fenomenoari aurre egiteko ekimenez.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.
Nafarroako Gobernuko lehendakariorde Javier Remirezek azalpenak eman zituen Nafarroako Legebiltzarrean, duela hamabost hilabete amaitu baina orain arte plazaratu gabe egon den presaren segurtasunaren inguruko ikerketa baten harira. Ikerketa Espainiako Gobernuaren enkarguz egin... [+]
Azkenean agertu da “galduta” ibili den Esako urtegiko segurtasunari buruzko Espainiako Gobernuaren txostena eta urtegiko lanekin aurrera jarraitzea ahalbidetzen du
Espainiako Bide Ubide eta Kaietako ingeniarien Kolegioari egin zion enkargua Espainiako Gobernuko Trantsizio Ministerioak, ikusteko urtegiaren bideragarritasunaz erakundeak zer zioen.
Nafarroako Pirinioetako Aizpurgi herrian presa bat eraiki eta lur azpiko kanal baten bidez ura Esa urtegira eramateko proiektua kendu egin du Ebroko Konfederazio Hidrografikoak bere plan hidrologikotik.
Euskal Herriko hainbat tokitan izan dugun uda idorra ari da nabaritzen jadanik. Ebroko Konfederazio Hidrografikoak (CHE) jasotako datuen arabera, Nafarroan biltegiratutako ura azken hamarkadako batez bestekoaren oso azpitik dago, eta Esako urtegiaren kasuan gehienezko mailaren... [+]
Espainiako Gobernuak onartu duen Muga proiektuak 1.700 hektareako meatzea aurreikusten du Nafarroako Xabier eta Zaragozako Undués de Lerda udalerrien artean, Esako urtegitik oso gertu. Adituen ustez, besteak beste, inguruko erreka eta akuiferoak kutsatuko lituzke, lurra... [+]
Esako urtegiaren inguruan eta azken asteetan Nafarroan izaten ari diren mugimendu sismikoez erakutsitako jarrera dela eta, Sustrai Erakuntzak gogor kritikatu du Javier Remirez Nafarroako Gobernuko presidenteordea eta Babes Zibileko arduraduna. Ondorengo lerroetan irakur daiteke... [+]
Azken bi egunetan nahasmen handia egon da Esako urtegia handitzeko lanen inguruan. Asteartean Teresa Ribera Espainiako Gobernuko Trantsizio Ekologikorako ministroak esan zuen ez zela urrats bat gehiago aurrera egingo segurtasuna erabat ziurtatu arte. Aturando Esa (Esa Gelditzen)... [+]
Uraren Kultura Berria Fundazioak (FNCA gaztelaniazko sigletan) Esako urtegiari buruzko azken txosten ofizialak aztertu ditu eta ondorioztatu du urtegiaren eskuineko hegalak "ezegonkorra" izaten jarraitzen duela eta, beraz, "segurtasuna ez dagoela bermatuta".