Siemens-Gamesak langileen %22 kaleratu nahi ditu, “eolikoen merkatuan liderra izateko”
Siemens-Gamesak 2.000 langiletik gora ditu Hego Euskal Herrian. Neurriak munduko 24 herrialderi eragingo die. Bi enpresak elkartu osteko sei hilabeteetan galerak izan dituzte, Gamesak fusioaren aurretik irabazi opariak izan arren. Elkartzearen benetako arrazoia akziodunek sekulako irabaziak patrikara eramatea izan zela salatu du LABek.
Gamesak eta Siemensek energia eolikoaren sektorean lider bihurtzeko erronka jarri zuten mahai gainean apirilaren 3an. Bi enpresak merkatu hori bereganatzeko helburuarekin elkartu zituzten. Astelehenean lehen seihilabeteko emaitzak aurkeztu dituzte, eta berregituratze prozesu bat hasiko dutela iragarri dute ekitaldian. Hiru urtean 6.000 lanpostu ebatu nahi ditu enpresak. Egun 27.000 langile inguru ditu Siemens-Gamesak.
Berregituratze prozesuak munduko 24 herrialdetan eragingo du. Baita Euskal Herrian ere. Egun 2.000 langiletik gora ditu Siemens-Gamesak Hego Euskal Herrian. Langileez gain 1.200 hornitzaile ere baditu, iaz 475 milioi euro fakturatu zizkien hornitzaile horiei multinazionalak.
Berregituratze prozesuaren lehen urratsak egin dituzte jada. Uztailean, Tillsonburgeko (Kanada) lantegia itxiko zutela iragarri zuten. Aalborgeko (Danimarka) beste lantegi batean berriz produkzioa gutxituko dutela ere jakinarazi dute.
Nafarroako lantegian haize errotetarako palak egin ohi dituzte, eta multinazionalak zeregin bera izango duen lantegi bat irekiko du Tangerren (Maroko). Ikusi beharko da lantegi berria eraikitzeak nola eragiten duen Nafarroakoan.
LAB: "Ez dugu kaleratze bat bera ere onartuko"
Irailean jada ELA, LAB, CCOO eta UGT sindikatuek salatu zuten, Siemensek langileekin hasiera batean hartu zituen konpromisoak betetzeari utzi ziola, hark soldatak murriztuko zituela jakinarazi ostean. Multinazionalak esana baitzuen bi enpresen arteko fusioak ez zuela langileen lan baldintzetan eragingo.
6.000 kaleratzeen iragarpena ezagutu bezain laster, multinazionalaren asmoak gogor kritikatu ditu LABek. 2016an eta 2017ko lehen hiruhilekoan Gamesak irabazi handiak izan zituela adierazi du sindikatuak. Zehazki, iaz 301 milioiko irabazi garbiak izan zituen enpresak LABen esanetan, "aurreko urtean baino %77 gehiago", eta 100 milioikoak aurtengo lehen hiru hiletan.
"Fusioarekin, akziodunek 1.047 milioi euroko irabaziak jaso zituzten", dio LABek, "eta fusioa erabaki zuten zuzendaritzako kideek 82 milioi jaso dituzte azken hilabeteetan eragiketaren ondorioz".
Jaurlaritzaren jokabidea ere gaitzesi du sindikatu abertzaleak: "Zergatik txalotu zuen Arantxa Tapiak fusioa, esanez helbide soziala Euskal Herrian geldituko zela eta hori nahikoa berme zela? Zergatik ez zuen bat egin LABek egindako eskaerarekin, lanpostuak bermatzeko baldintzak eskatuz?".
Multinazionalaren planak Euskal Herrian kaleratzeak ekarriko dituela badakitela gehitu du sindikatuak. "Ez dugu kaleratze bat bera ere onartuko", iragarri dute.
Gasteizko Mercedeseko langileek bederatzi orduko bi txandetan egingo dute lan aste bitartean, eta larunbat goizetan zortzi orduz, 2025eko martxotik aurrera. Hori da enpresako patronalak iragarri duena iragan astean, gehiengo sindikala aurka azaldu bada ere. Osasunerako eta... [+]
Enpresek presio handia egin dute azken boladan eta “inbertsio estrategikoak arriskuan egon daitezkeela” mehatxu egin zuten. Iberdrolako presidenteak ordea, zerga honek bere kontuetan “oso gutxi suposatzen duela” adierazi zuen duela aste bi. Bankuen... [+]
Iberdrolak 5.472 milioi euroko etekinak izan ditu aurten irailera arte, eta bere aurreikuspenen arabera 2024an errekor berria jarriko du irabazietan: iaz baino %14 gehiago. Repsolek uztailerako 1.626 milioi euro zeuzkan poltsikoan, eta 2023an irabazitako 3.168 milioiak aurten... [+]
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
% 10,7ko igoera izan du aurreko ekitaldiaren aldean; iaz, 4.339 milioiko errekorra lortu zuen. Hala ere, Ignacio Sanchez Galan presidenteak irabazi elektrikoen kargaren aurka egin du.
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Epaitegiak adierazi du ez dagoela nahikoa frogarik akusazioa babesteko.
Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]
Erabili eta bota. Abiadura handiko modak saltokiak eta etxeetako postontziak bete ditu aspaldion, fast fashion ere esaten zaio. Baina azkarretik baino inozotik gehiago du: lan prekarioarekin hondakin mordoa sortzeaz gain, arropa garraiatzen fuel-olio kopuru izugarriak erretzen... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Auto elektrikorako bidean egokitu beharra duela iragarri du multinazional alemanaren Nafarroako lantegiak, eta horren ondorioz, datozen bi urteetan 400 lanpostu murriztuko dituela jakinarazi die langileei.