Sexu langileen sindikatua sortzeko bidean dira Katalunian
Espainiako Gobernuak baimendu egin du egoitza Bartzelonan (Katalunia) duen OTRAS (‘Organización de Trabajadoras Sexuales’ jatorrizko hizkuntzan, ‘Sexu Langileen Erakundea’ euskaraz) sindikatuaren sorrera.
Espainiako Estatuko Aldizkari Ofizialak abuztuaren 4an publiko egindako ebazpen batekin, Espainiako Lan, Migrazio eta Gizarte-Segurantzako Ministerioak OTRAS sindikatuaren sorrerari bide eman dio. Concepción Pascual, Espainiako Laneko Zuzendaritza Nagusiko zuzendariak sinatu zuen ebazpena iragan uztailaren 31n.
Ebazpena publiko egin zenetik abuztuaren 29a arte, Espainiako Auzitegi Goreneko Lan-Arloko Salak ebazpenaren aurka egiteko baliodun 20 eguneko epea izan du.
Sindikatuaren estatutuak argitaratu egin ditu El Mundok. Bertan irakurri daitekeenez, sexu lana bere osotasunean barne hartzen dute sindikatuaren eginkizunek. Helburuei dagokienez, “langileen eskubideak lortzea”, “sexu lanaren eremu orotan lan jarduna hobetzea” edo “laguntza, aholkularitza, babes eta defentsa indibidual zein kolektiboak” zerrendatzen dira besteak beste. Sindikatuko kide egiteko baldintza bakarra adinez nagusia izatea da.
Prostituzioa eztabaidagai
Gori-gorian dago prostituzioaren gaineko eztabaida, batez ere feminismoaren baitan. Batzuk sexu lanaren abolizioaren alde dauden bitartean, erregulazioan ikusten dute aterabidea beste batzuk. ARGIAn sexu langileei hitza eman diegunean kontatu digutena irakurri nahi duenak, eskura dauzka Ainhoa Mariezkurrenak hainbat sexu langilerekin egindako artikulua eta Saioa Bleztenak prostituzioan zein politikagintzan jarduten duen Paula Ezkerrari egindako elkarrizketa.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]
