Sexu jazarpenagatik, Derioko enpresa bateko burua auzitara
2016tik jazarri du garbitzaile azpikontratatu bat enpresako buruetako batek. Langileak eraso jarraitua salatu du, eta kasua auzitara eramango du LAB sindikatuak.
Derioko (Bizkaia) enpresa batean gertatu da: azpikontratatutako emakume garbitzaile batek sexu jazarpena pairatu du enpresako buruetako baten partetik. Gizonak 2016an hasi zuen emakumearen kontrako jazarpena, eta era jarraituan egin dio eraso.
Berriako kazetari Maite Asensio Losanok emandako informazioaren arabera, gizona kafea prestatzeko eskatzen hasi zitzaion emakumeari lehendabizikoz, eta gero WhatsApp bidezko mezuak bidaltzen hasi, lan ordutegitik kanpo eta konnotazio sexualekin; hori gutxi ez, eta telefono dei bidez ere jazarri zuen; emakumea lantokian behatu eta kontrolatzeari ere ekin zion, eta bulegora joateko dei egiten zion, espazio bakartuetan berarekin bildu asmoz. LABek salatu du emakumea kalean jarraitzera ere heldu dela gizona.
Denbora luzean jasandako jazarpena medio, langilea gaixotu egin da; sindikatuak jakinarazi duenez, antsietateak jota dago. Hala ere, salaketa jarri du, eta LAB sindikatuak eramango du kasua auzitara. Bide horretan, astelehenean Bilboko auzitegien parean elkarretaratzea egin zuten, “Sexu jazarpen laboralaren aurrean, aurrean izango gaituzue” lelotzat.
Sindikatuaren arabera, ez da erraza izan salaketa jartzeko pausua ematea langilearentzat: “Lan zentro horretan egiten zituen lanaldiko ordu gehienak. Ondorio negatiboen beldur zen, bai garbiketa enpresaren aldetik, bai bezeroaren aldetik, azken horretan jazarlea lehen lerroko kargua zelako”.
LABek azpimarratu du emakumeek egunera jasaten dutela bortizkeria lan eremuan, kasu gutxi azaleratzen badira ere. “Esaten eta salatzen ez den errealitate bat da”, sindikatuaren hitzetan. “Salaketa jartzen duen emakumearen integritatea bermatzeko baliabide instituzionalen faltari eta egungo justizia patriarkalak eragiten duen konfiantza faltari beste elementu bat gehitzen zaio: lana galtzeko beldurra eta mehatxua”, salatu dute. Egoera horren aurrean, bide juridikotik bakarrik ez, sindikatuen eremutik ere jardutera dei egin dute.
Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]