Eliza Katolikoaren gomendioa senarrei: Sexua nahi? Aurrena, seme-alabak parkera eraman, amak atsedena hartzeko
Espainiako Gotzainen Batzarrak Juntos en Camino + Q2 lana aurkeztu du, "ezkongaientzako prestakuntza- eta laguntza-ibilbidea". Ezkontza prestatzeko bi urteko ikastaroa da. Gizon eta emakumeen arteko alde sexualak, ezkongaien arteko samurtasun esklusiboa eta masturbazioa jorratzen ditu, besteak beste.
Bilboko gotzain Mario Iceta gernikarrak aurkeztu du ikastaroa. Familiaren eta Bizitzaren Defentsarako Azpibatzordeko presidentea ere bada Iceta. Egun, eliza katolikoaren bidez ezkondu aurretik hogei orduko ikastaroa egin behar dute ezkongaiek. Orain bi urteko ikastaroa egitea proposatu dute gotzainek. Nahiz eta ikastaroa egitea ez den derrigorrezkoa izango, ez egitea "zentzugabekeria" litzatekeela adierazi du Icetak: "Ezkontza prestaketa ezin da 20 ordutan laburbildu. Apaiz izateko zazpi urteko mintegia behar da, eta emazte, senar, ama eta guraso izateko, 20 ordu? Urte asko eskaintzen zaio lanbide heziketari, baina ia ez da denborarik senargaiak eta ezkontza prestatzeko".
Ikastaroaren helburua ezkontza-porrotari aurre egitea dela azaldu du Icetak. Haren esanetan, bikoteen %40a apurtzen da ezkondu eta bost urtera, eta %60a hamabost urtera: "Hori ekidin nahi dugu".
Lagunen arteko besarkadak, “zintzoak baina laburrak”
Ikastaroaren materiala hamabi gaitan banatuta dago: "Bide baten hasiera", "Gizon eta emakume sortu zituen", "Leialtasuna", "Sexualitatearen edertasuna"... Zenbait hedabidek materialaren pasarteak argitaratu dituzte.
Gaietako batean gizonek emakumeek baino sexu desira handiagoa dutela diote, eta desberdintasun hori kudeatzeko moduak proposatu dituzte: "Gizonak, sexu-harremanak izan nahi dituen egunetan, ahalegin handiagoa egin beharko du, eta zenbait zeregin hartu beharko du bere gain (adibidez, seme-alabak arratsaldean parkera eramatea edo ordu pare bat paseatzea emakumeak siesta egin dezan); emakumeak lan-karga jakin batzuetatik libratu eta atseden hartu beharko du: unea iristen denean, biak sexu-topaketarako prest egoteko". Gotzainen Batzarreko webgunetik desagertu egin da pasarte hori, Ser irratiak argitaratu ostean.
Ezkongaiek elkarri lehentasuna adieraztearen garrantzia nabarmendu du ikastaroaren materialak: "Modu asko dago, eta horiek kontuan hartzea garrantzitsua da. Adibidez, lagun batzuk kafea hartzera joaten bagara, ezkongaiek elkarren ondoan esertzea bilatuko dute. Lehenik batak besteari zerbitzatuko dio, eta gero bere buruari". Besarkadetan ere egon behar du aldea: lagunen artekoak, "zintzoak baina laburrak, ez dira senargaien arteko besarkadak bezain samurrak". Izan ere, "Zu aukeratu zaitut, eta zu besterik ez. Horregatik hitz egiten dizut, besarkatzen zaitut, musu ematen dizut modu berezian. Beste inori ez diot horrelako maitasun erakustaldirik egingo".
Pornografiak "masturbazioa eta desleialtasuna" sustatzen dituela dio Gotzainen Batzarrak. Eta masturbazioaren arriskuaz ohartarazi du: "Gerta daiteke masturbaziora ohituta dagoen norbaitek ezin ezagutzea sexualitatea beste pertsona batekin partekatzearen edertasuna, edo beste pertsona batekin moldatzeko gai ez izatea".
"Pictura est laicorum literatura", utzi zuen Umberto Ecok idatzita, Il nome della rosa eleberrian. Irudien bidez mintzatzen da herria, hitzez baino maizago. Artearen funtzio narratiboa nabarmena da Erdi Aroko irudietan, egungo begiekin zail gerta daitekeen arren haiek... [+]
Gipuzkoako Batzar Nagusietako Kultura Batzordeak, EAJ, PSE eta PPren aldeko botoekin, azaroaren 22ko bilkuran erabaki du Eusko Jaurlaritzari eskatzea azter ditzala “euskal kulturan hain esanguratsuak diren” gurutzeak eta haien inguruko “ohiturak”... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Bermeon jaioa, frantziskotar eginik Hego Korean egin zuen bizimodurik gehiena, 40 urte. Sasoi batean mutil-koskorretan askok egin zuena egin zuen, komentura bidea hartu. Gero, handik mundura jauzi egin zuen Uriagerekak, bestelako hizkuntza eta kultura arrotzetara.
"Ez dut ezer musulmanen kontra"... baina mezetara gero eta fededun gutxiago joatea immigrazioarekin lotu du Cascanteko apaiz Jesús Planillo Bartosek, herriko festetan emandako sermoian. Esandakoek eliztarren artean marmarra eragin du, eta abadeak barkamena... [+]
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
Paris, 1845. Frédéric Bastiat (1801-1850) ekonomialari eta politikari lapurtarrak Pétition des fabricants de chandelles (Kandelagileen eskaera) satira idatzi zuen. Protekzionismoaren aurkari sutsua, kandelagileek "bere argia salneurri baxuegitan... [+]
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]
Berria egunkariak eman du salaketen berri, garai hartan bertan egondako ikasle batzuen lekukotasunak ere bilduz. 1960ko hamarkadatik 1990eko hamarkadaren bukaera artean gertaturiko indarkeria fisiko, sexu bortizkeria eta bortxaketei buruzko lekukotasunak bildurik,... [+]
Klaratarrek Urduñako komentua erosteko kontratua sinatu zuten, baina Elizak atzera egin du salerosketan eta mojek testu luzea argitaratu dute, zeinean Pablo de Rojas Sanchez-Francoren diziplinara batu diren. Mario Izeta apezpikuak eskumikatu zuen erlijioso hori 2019an... [+]