Sexismorik gabeko Ibilaldia helburu, ehunka eragile more igandean Durangon
Parekidetasuna zeharlerro moduan landu dute Ibilaldian, eta, horretarako, lau pertsonako lan-taldea sortu dute.
Ibilaldian parte hartzen duten taldeetan eragina izaten saiatu dira: “Talde askotan aliatuak izan ditugu. Hasieratik esan genuen guk ez genuela lan guztia gainbegiratuko. Irizpide batzuk mahai gainean jarri, eta betaurreko more horiek ipinita bakoitza autonomo izatea izan da helburua”, azaldu du Aitziber Zearretak.
Eragile moreen funtzioa
Ibilaldi honetako nobedadeetako bat eragile morearen figura da. Eragile morea agente bat da, prebentzio agente bat. Alde batetik, egoera hauetan eman daitezkeen erasoak ekiditea izango du helburu. Zaintza funtzioa izango du, gunea behatu beharko du gertatu litezkeen erasoak prebenitzeko.
Beste funtzioa aldarrikapenarena izango litzateke. “Gune ez sexista, anitza eta librea gura dugu, eta hori peto more baten bidez gorpuztea da gure asmoa”, azaldu du Isabel de Blasek. Ibilaldiaren paisaian erasoen kontrako mezua islatuko duen peto morea nahinon izango da presente. Edonor izan daiteke eragile morea.
“Hau ez da kontzientziatuta dauden lau pertsonek egin beharreko lana. Jendartearen eta kolektiboaren lana da. Ardura kolektiboarena da. 300 peto jarri ditugu, eta pegatinak ere jarriko ditugu. Helarazi gura dugun mezua da guk denok egin beharreko lana dela hau, denon ardura delako. Gure espazioan ez dugula erasorik onartu behar, horixe da zabaldu gura dugun mezua”, dio Mireia Delgadok.
Lan-taldeko kideen berbetan, jendeak aldarrikapen hau bere egitea gura dute. “Gazteek, helduek, emakumeek, gizonek, durangarrek, beste herri batzuetakoek...”.
Ekimenak erantzun ona izan duela nabarmendu dute Ibilaldiko kideek. Pasa den astean, gai honen inguruan formazio saio bat eskaini zuten.
Ekimen honek jarraipena izatea da lan-talde honen asmoa. “Aurrera begira, ikastolen hurrengo jaietako antolatzaileei gure ilusioa eta esperientzia helaraztea dugu helburu”.
Albiste hau Anbotok argitaratu du eta CC-by-sa lizentziari esker ekarri dugu ARGIAra.
Zubi Zahar Herri Ikastola izan da 2023ko antolatzailea, eta balorazio positiboa egin du igandeko egunaren inguruan. Euskarazko hezkuntza aldarrikatu dute festa giroan, eta testigua pasa diote San Nikolas Algortako ikastolari.
Bilbotik Tafallarako dagoen bidean, eskuz esku eta ikastolaz ikastola idazten ari den ipuina da aurtengo Liburu Ibiltaria. Idazleek ez dute elkar ezagutzen eta eremu soziolinguistiko desberdinetako ikasleak dira, baina asmo komun bat dute denek: guztien artean, txandaka, euskara... [+]
Hiruka.eus-en Iker Rincon Morenok Sopelan antolatutako Ibilaldiaren jarraipena egin du igandez. 1.800 lagun bildu dira Sopelako lau gunetan Leioako Betiko ikastolak eta Sopelako Ander Deuna ikastolak antolatutako ikastolen aldeko jaialdian. Hurrengo Ibilaldia Bilboko Abusu... [+]
Sopelan egingo da Ibilaldia, maiatzaren 30ean. Aurtengo edizioak ez du ibilbiderik izango, ez janari ez edari zerbitzurik, Ander Deuna eta Betiko ikastoletako ordezkariek jakinarazi dutenez.
Aurten Leioa eta Sopelan ospatuko den Ibilaldiaren abestia eta bideoklipa kaleratu dituzte, Kala kalata! leloa oinarri hartuta jarri dio letra Xabi Payak.
Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]
Udaberriko ikastolen jaiak atzeratuko dituela iragarri du Ikastolen Elkarteak. “Saminez” hartutako erabakia izan dela adierazi du, baina uneotan "gizateria eta gizarte mailako beste lehentasun batzuk" dituela, eta egoera orokorra aldatu arte ezingo duela... [+]
Atsekabe handiz jaso dugu iragan maiatzaren 27an Santurtzin sexu eraso baten salaketa izan denaren berria. Ibilaldia igaro eta astebete geroago horrelako berri bat jasotzeak atsekabea eta asaldura eragin digu, egun handia izan zelako Bihotz Gaztea ikastolarentzat eta, oro har,... [+]
Sustrai Colina bertsolariak idatzi du abestiaren hizkia eta Ze Esatek taldeak jarri dio doinua. Bideoklipean Santurtziko Bihotz Gaztea ikastolako neska-mutilek hartu dute parte.
Larramendi ikastolak antolatu du 39. Ibilaldia, Mungian, eta milaka lagun elkartu dira zirkuituaren lau guneetan. Araba, Bizkaia eta Gipuzkoarako Hezkuntza Legea lortzeko akordioak bilatzeko eskaera egin du Ikastolen Elkarteak.
Mungiako Larramendi ikastola eraldaketa unean dago. Plan integral baten erdian murgilduta daude, ikastolaren beharrak atzeman eta horien araberako proiektuak abiatzeko. Prozesuak krisia eragin du etxe barruan, baina eraldaketaren bide aldapatsuari gogoz heldu diotela kontatu... [+]
Ikastola ezohikoa da Harrobia: Lanbide Heziketako ikasketak eskaintzen ditu euskaraz Bilbon, duela lau urtetik. Aurtengo Ibilaldia antolatzeaz arduratu den ikastetxe honetan, gainera, adindunentzako ariketa fisikoa dute ikerketagai, egitura argirik ez duen gaiari oinarri... [+]