“Sexiliatu ordez, gazte LGTBek Legorretan ikusten dute beren bizi proiektua”
Lehenengo aldia da herri txiki batetan bertako biztanle LGTBak anonimoki elkarrizketatu eta komunitatearen diagnostikoa egiten dena. 1.500 bizilagun dituen Legorreta izan da herri aitzindaria, eta Zelai Amenabarro Goikoetxea alkateari galdetu diogu urtebeteko prozesuak utzi dituen ondorioez. “Goizetik gauera ez da sortuko Legorretan anbienteko taberna bat, baina bai herritar LGTBak kontuan hartuko dituzten ekimenak”.
Nola sortu zen diagnostikoa egiteko ideia eta beharra?
“Kanpaina zehatzak egin izan ditugu aurretik, baina beti ekainaren 28ko Harrotasunaren Egunaren bueltan eta oso azalekoak, eta ikusi genuen hori ez dela gaiari benetan heltzea, bestelako politika batzuk landu behar genituela. Udalbatzan erabaki genuen lehenengo pausoa zela kolektiboaren diagnostiko bat egitea, herriko errealitatea ezagutzea arlo honetan, ondoren horren araberako neurri zehatzak hartzen hasteko”. Zuriñe Rodriguez Sudergintza elkarteko eta Ibai Fresnedo Hiruki Larroxako ikerlariak arduratu dira diagnostikoa egiteaz.
Hiri handietan egin izan dira mota honetako diagnostikoak, baina Legorreta da halako zerbait egiten duen lehenengo herria. Herri txikietan inbisibilizatuago dago kolektiboa?
Herri txikietan ikusgarritasuna zaila da eta hori elkarrizketatuek eurek esan dute, horrexegatik ere inportantea da halako diagnostikoak egitea. Legorretakoa beste udal batzuentzat lagungarri izan badaiteke, zoragarri, tokian toki egiten diren politiken berri izatea eta elkarrengandik ikastea beti baita interesgarria.
Jende askok hartu al du parte? Eta horietatik askok anonimoki egin al du? Alegia, herrian kosta egiten al zaio jendeari armairutik ateratzea?
Denetik egon da parte-hartzaileen artean, bai armairuan dagoen jendea, bai armairutik atera dena, bai egoera eta eremu jakin batzuetan bere identitate sexuala esplizitatu duena eta beste egoera batzuetan ez… baina denek egin dituzte elkarrizketak modu anonimoan, espazio eta prozesu segurua izatea bermatu nahi izan dugulako. Kopurua, asko edo gutxi, subjektiboa da. Nik soslaia azpimarratuko nuke: oro har nahiko gazteak dira; badirudi adinekoei zailagoa zaiela halako prozesu batean parte hartzea.
Diagnostikotik ateratako zein ondorio azpimarratuko zenituzke?
Adibidez, deigarri gertatu zait gehienek ez dutela arrisku gisa identifikatzen espazio publikoa, baina aldi berean uste dute publikoki LGTB pertsona moduan agertzeak ondorioak izan ditzakeela; hor badago kontraesan bat. Nabarmentzen dute batik bat zeharka sentitu dituztela irainak eta seinalamenduak, aurrez aurre baino gehiago atzetik, txutxu-mutxuan… Herri txiki izateak eta denek elkar ezagutzeak badakartza txutxu-mutxuak eta komentarioak zabaltzea.
"Gehienek ez dute arrisku gisa identifikatu espazio publikoa, baina aldi berean uste dute publikoki LGTB pertsona moduan agertzeak ondorioak izan ditzakeela"
“Herri txiki, infernu handi” dio esamoldeak. Itogarria izan al daiteke giroa, komunitate txikietan?
Zenbait egoeratan itolarri sentimendu hori bizi dutela adierazi dute elkarrizketatuek, baina nahiz eta herri txikiekin lotu ohi dugun, LGTB kolektiboa oraindik kolektibo askea ez den heinean hiri handietan ere gertatuko dela imajinatzen dut. Erasoak toki guztietan ematen dira, esaterako.
Eta hala ere herri txikietatik hirietara sexilioa egiten du hainbatek, askatasun eta anonimotasun handiagoaren bila…
Aurreko urteetan izan dugu sexiliorik, LGTB jendeak hiri handiagoetara egin izan du alde gurean, baina diagnostiko honetan aldaketa ikusi dugu, belaunaldi gazteak Legorretan ikusten du bere bizi proiektua, LGTB komunitatea ikusarazteko borroka herrian bertan eginez.
Herri txikietako gertutasunak bi alde ditu: elkar zaintzeko sare trinkoagoak erraztu ditzake, baina helduleku gutxiago ere eskaini ditzake, edo behintzat hirian aurkitu dezakezun aniztasunaren falta sumatu daiteke, anbienteko tabernak kasu.
Hala da, txanponaren bi aldeak ditu herriak. Goizetik gauera ez da sortuko Legorretan anbienteko taberna bat, baina bai gutxinaka herriko kultur ekintzetan, aisialdian… LGTB herritarrak kontuan hartuko dituzten ekimenak. Beraiek zein oro har herritar guztiak aintzat dituzten eta seguru sentituko diren espazioak sortzen joatea da bidea. Beraiek ere pixkanaka espazioak hartzen joango dira.
Zer egingo duzue diagnostikoaren emaitzekin?
Diagnostikoaren aurkezpena bera, herriko plazan, sinbolismo handiko ekintza da. Ikusgarritasuna eman nahi diogu diagnostikoari, eta aurkezpena egiteko plaza hartu nahi izan dugu herritar asko kalean den momentu batean (ostiral honetan, iluntzean), ikusgarritasuna bera badelako pauso inportantea. Ondoren, pixkanaka zein neurri hartu ikusteko plangintza osatzen joango gara, Legorreta guztientzat herri bizigarria izatea helburu.
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.