Iruran kokatuta dagoen enprean ari diren 43 langileek greba mugagabea hasi zuten ekainaren 6an eta protestarekin baldintzetan hobekuntzak eskatzen dituzte.
Bostehun egun baino gehiago daramatzate Euskal Forging enpresako langileek hitzarmenik gabe. 2015aren amaieran iraungi zitzaien aurrekoa eta iazko urritik ari dira berria negoziatzen. Langileen ordezkariek, ordea, ez dute adostasunik lortu enpresa jabeekin, eta honenbestez, aurreko asteartetik greba mugagabean dira. Baldintza duinagoak eskatzen dituzte lanerako eta "atzera bueltarik ez du abiatutako bideak". Horrela adierazi dute Juan Mari Urkola, Gaspar Jauregi eta Alberto Alonsok, ELA sindikatuak Irurako plantan dituen hiru ordezkariek.
43 langile ari dira lanean, 90ko hamarkada erdialdetik Irurako Katategi industriagunean kokatuta dagoen lantegian. Haize errotetarako eraztun laminatuak egiten dituzte. Tamaina jakin batekoak egiten dituzte gure eskualdean, handiagoak Euskal Forging-ek Sestaon duen plantan egiten baitituzte. Han beste 48 langile ari dira lanean eta guztiek elkarrekin, Irurakoak eta Sestaokoak, osatu dute hitzarmena negoziatzeko plataforma. Adostasunik ez dutela lortzen ikusita, bi plantetako langileek aho batez onartu dute grebara jotzea.
Hobekuntza sozialak eskatzen dituzte eta hemendik aurrerako hitzarmenak langileei «segurtasuna» ematea. Alde horretatik, soldata igoeraren puntuan geratu dira negoziazioak ez aurrera, ez atzera.
Igoerak kontsolidatu
"Martxa onean" doan enpresa dela eta horrek euren soldatetan «isla» izan behar duela uste dute Irurako Euskal Forging-eko langileek. Jabeak prest agertu dira 2016an eta 2017an 900 euro saria ordaintzeko langile bakoitzari, baldin eta akordiora iritsiko balira. ELAko delegatuek azpimarratu dutenez, ordea, "diru kopuru horren zati txiki bat baino ez dute gure soldatetan kontsolidatu nahi, aparteko sari bat bezala eman nahi digute gainerakoa".
Eskakizun garbia dute Sestaoko eta Irurako lantegietan dabiltzan ehun beharginek. 2016, 2017 eta 2018rako, urteko 770 euro lineal eskatzen dituzte eta hori islatuta gera dadila euren lansarietan. "Hobekuntza horiek hor geratu behar dute, gero, ezgaitasun egoeretan edo langile berriak hasten direnean kontuan hartzen den soldaten oinarria hori izan dadin. Egonkortasuna behar dugu, ezin gara beti momentuko irabazien zain egon. Gainera, zeinek erabakitzen du noiz dauden irabaziak?", esan dute ELAko delegatuek.
Enpresaren jarrera «tematia» izan dela uste dute langileek eta beraz, beste proposamen bat jaso artean greban jarraituko dutela hitz eman dute. Langile guztiek, Sestaokoek eta Irurakoek, elkarrekin erabaki zuten borroka molde hori hartzea eta joan den ekainaren 6tik ez dira lanera joaten.
Mobilizazioak egunero
Produkzioa etenda egon arren, Irurako langileek aurreko asteartetik goizero egiten dituzte protestak lantegi parean. Normalean, bi txandatan egiten dute lana astelehenetik ostiralera nahiz eta sekzio batek gauez ere egiten duen lan hiru txandatan, beraz, ordutegi horretan enpresaren atarian biltzen dira. Gainera, goizero, 10:00etatik 10:30era manifestazioa burutzen dute Katategi industriagunean zehar.
ELA sindikatuko langile ordezkariek edozein unetan negoziatzeko prest daudela azpimarratu dute, baina greba uzteko enpresako arduradunek mahai gainean proposamen bat jarri beharko dutela adierazi dute. "Guk geureari tinko eutsiko diogu, hurrengo urteetarako lan hitzarmen duina lortu arte".
Albiste hau Tolosaldeko Atariak argitaratu du eta CC-by-sa lizentziari esker ekarri dugu ARGIAra.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Apirilean egin zituzten hogei langilek Facebooken azpikontrata den CCC Barcelona Digital Services enpresaren aurkako salaketak, oinarrizko eskubideak urratzen dituztela adierazi zuten langileek, gaur egun mila inguruk salatu dute. "Gestapo" gisa definitzen dute lan... [+]
Langileek %23ko erosteko ahalmena galdu zuten 2019ko akordioa sinatu zuten arte. Patronalak orain soldatak izoztea eta hainbat baldintza murriztea proposatu du. PSNk KPIaren eguneratzea eta %2ko soldaten igoera bultzatuko duela esan du orain, gizarte eragileen presioaren... [+]
2020ko urtarrilaren 30eko greban izan ziren gertakariak Donibane auzoan. Apustu-etxe batek itxi zezan indarkeria eta mehatxuak erabiltzea leporatzen zieten. Fiskalak bi urteko kartzela zigorra eta 200 metroko urruntze-agindua eskatu zuen, baina epaileak auzipetuen jarrera... [+]
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
Stellantis multinazionalak Mecaner lantokia itxi eta 148 behargin kalean utzi ditu Urdulizen (Bizkaia); horren aurrean, "Mecaner Herriarentzat" alternatiba ekosoziala sortu dute hainbat eragilek. LAB sindikatuko Iraide Juaristik eta Jauzi Ekosozialeko Aitor Gallastegik... [+]
Hau irakurtzen duzunerako, ez dakit zenbat herri izango ditudan bihotzean eta zenbat gogoeta buruan. Idatzi hau bidali baino lehen, izan naiz Arantzan, Tolosan, Elgoibarren eta Ondarroan, Hausnarrean liburua aurkezten.
CCOOk egindako azterketa batek agerian utzi du hezkuntzan, industrian, ostalaritzan eta merkataritzan ordu estren kopurua nabarmen altua dela, eta enpresek urteko 3.254 milioi euro bereganatzen dituztela ordaindu gabeko ordu gehigarriengatik.
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
ELA eta LAB sindikatuek deituriko lanuztea da eta “lehenengo probintzia lan-hitzarmena” aldarrikatuko dute. Langileak lau urtez egon dira “baldintza duinak” galdegiten eta ekainean berriro biltzen hasi zirenetik “ez da aurrerapausorik eman”.
Sektoreko gidarien "egoera prekarioa" salatu eta lan baldintzak hobetzeko premia azpimarratzeko egin dituzte deialdiak CCOO eta UGT sindikatuek. Hiru sindikatuak eskaerak "oso motz" geratu direla kritikatu du. Hego Euskal Herrian 50.000 langile inguru daude... [+]
Maria Elena Escudero 56 urteko emakumea azkenean Mendigoiti ikastetxeko bere garbitzaile lanera itzuli behar izan da ostegun honetan, Iruñeko Mendillorri auzoan. Asteazkenean ez joateko esan zioten Zaintzen enpresakoek eta ostegunean berriro baietz, aurkezteko lantokian.
EAEko Justizia Auzitegi Nagusiak atzera bota du UGT sindikatuak Euskotreneko egonkortze prozesuko euskara eskakizunen aurka egindako eskaera. UGT sindikatuak horren aurka eskaria egin zuen eta epaileak azpimarratu du eskakizunak UGTk berak sinatutako lan-hitzarmenean onetsita... [+]
Hezkuntza Departamentuan jarrera aldaketarik ikusten ez dutela-eta, irakaskuntza publikoko langileak grebara deitu dituzte berriz ere sindikatuek urriaren 29an, "negoziazioaren alde". Nafarroako Parlamentuko indar politikoak ere interpelatu dituzte, "gure... [+]