Servinik Espainiaren geldotasuna salatu eta inputatu gehiago egon daitezkeela esan du
Frankismoko krimenak aztertzen ari den Maria Servini epaile argentinarrak Espainiako Estatuarengandik “trabarik ez baina bai moteltasuna” jasaten ari dela esan zuen asteartean Donostiako Udaletxean egindako agerraldian.
Espainiako Justiziak 'Billy el Niño' ezizenez ezagun den Juan Antonio Gonzalez Pacheco eta Jesus Muñecas Aguilar estraditatzeko aukera ukatu zion Serviniri. Erabaki horrek epaiketan eraginik ez duela azaldu du, “ikerketa aurrera doalako”.
“Argitu beharrekoak argitzeko konfiantza” agertu du epaileak, eta gaineratu du posible dela Gonzalez eta Muñecas inputatu bakarrak ez izatea.
Igandean iritsi zen Servini Euskal Herrira, Buenos Airesen deklaratzerik ez duten frankismoko biktimak elkarrizketatzea da bisita honen helburua.
Astelehenean Felix Padinekin hitz egin zuen Miranda de Ebron, eta asteartean Gernikan elkartu zen tropa frankistek fusilatutako gizon baten seme-alabekin, Julen eta Elisa Kaltzada.
Asteazkenean Sevillara joatekoa da, eta Madrilen amaituko du bidaia hilaren 30ean. “Ikerketa Argentinan ez gelditzea” da epailearen nahia, eta Espainiako Estatuan krimenak ikertu daitezen eskatu du.
Gasteizko Martxoak 3ko biktimen elkarteko kide Andoni Txaskori elkarrizketa egin diote Info7 irratian, eta Serviniren bisitaz galdegin diote. Prozesua gehiegi luzatzen ari den arren, Serviniren determinazioa azpimarratu eta goratu du Txaskok. Justizia unibertsala Espainiako Estatuan kasu askotan aplikatu dela esan du, eta frankismoko krimenekin ere berdin jokatu beharko luketela gaineratu du.
Plataformak ostegunerako Iruñeko udaletxe plazan elkarretaratzea deitu du 18:30erako, hiru alderdiek eraikinarekin izandako jarrera salatu eta eraistearen aldeko hautuan berresteko.
Hamarkada askotako eskaeraren ostean, Parisko Marceau etorbidearen 11. zenbakian dagoen jauregi historikoa EAJren esku geratu da azkenean. Jeltzaleentzat, balio monetariotik harago, balio sinboliko itzela du eraikin horrek, erbestearekin eta faxismoaren kontrako borrokarekin... [+]
Astearte gauean egin dituzte pintaketak, bizilagunek azaldu dutenez. Fatxada nagusia, bertako ateak eta alboetako paretak margotu dituzte. Gazte Koordinadora Sozialistak urtarrilaren 25rako deitutako mobilizazioarekin bat egiten du aldarriak.
Elkarte memorialisten ustetan, Rozalejoko Markesaren Jauregia, Nafarroako Memoriaren Institutua kokatuko litzatekeen tokia, "omenaldi, oroimen eta oroimenerako lokal bat" izan daiteke, eta Maravillas Lamberto izena eraman. Manifestariek adierazi dute ez dela nahikoa... [+]
Jesus Carreraren erailketaren 80 urteurrenean udal adierazpena plazaratu dute Hondarribiko udalbatza osatzen duten alderdi politiko guztiek.
Euskaltzale eta militante gasteiztarra abenduaren 30ean hil da. Gontzal Fontaneda Orille (1943-2024) 1960ko hamarkadan euskarak Gasteizen egin zuen bidearen lekuko eta bidelagun izan zen. 15 urterekin hasi zen euskara ikasten. Euskara ikasteko metodo bat asmatu zuen eta euskara... [+]
Iruñea, 1939. Urte hasieran, hiriko zezen-plaza kontzentrazio-esparru modura erabili zuten frankistek. 3.000 gerra presorentzako edukiera izan zuen ofizialki; Nafarroan une horretan fronterik ez zegoenez, gerra presotzat baino errepresaliatu politikotzat jo behar dira han... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
