Sentsuala eta kementsua
Fitxa: Euskadiko Orkestra Sinfonikoa. Zuzendaria: Diego Matheuz. Bakarlaria: Maxim Rysanov (biola). Egitaraua: Lavista, Saint-Saëns eta Rimsky-Korsakoven lanak. Lekua: Gasteizko Principal Antzokia. Data: apirilaren 17a.
Egitarau polita, laburra eta ondo interpretatua eskaini zigun Euskadiko Orkestra Sinfonikoak azkeneko emanaldian. Hiru obraz osatutako programa aitzakia perfektua izan zen frogatzeko nolako sonoritate biribila eta haragiduna eduki dezakeen gure orkestrak ondo gidatuta dagoenean (eta hori Principal Antzokiko akustika zinez txarra kontuan hartuta).
Segurua uneoro, doi-doia eta xarmagarria iruditu zitzaigun, beraz, astearte honetako interpretazioa. Hasteko, erabateko estreinaldia den Mario Lavista konpositore mexikarraren “Hiru kantu Edurneri”. Pieza labur honek, kutsu zinematografikoaz gain, ehundura interesgarriak ditu, eta benetan deigarria suertatu zen.
Jarraian, musikalitate klasikoago batera joan ginen Saint-Saëns-en Cellorako kontzertu famatuaren eskutik. Aldi honetan, Sitkovskayak egindako biolarako bertsioa entzun genuen, eta, bakarlari gisa, Maxim Rysanov biola jole ukrainarra izan zen protagonista. Birtuoso hutsa da Rysanov. Afinazio perfektua eta teknika izugarria adierazi zituen. Nahiz eta une batzuetan adierazkortasun pittin bat faltan bota genuen, oro har, interpretazio komentzigarria eskaini zuen, adoretsua eta segurua. Bestalde, orkestrak primeran bete zuen bere papera, eta Diego Matheuz zuzendari venezuelarrak izan zuen horretan bere “kulpa”. Hogeita zortzi urterekin, musikari heldua eta txispaduna da.
Saioaren bigarren zatian, RImsky-Korsakov-en Sheherezade, suite sinfonikoa, op. 35 entzuteko aukera izan genuen. Benetako gutizia, batez ere Aitzol Iturriagagoitia kontzertinoaren estiloarengatik. Sentsuala, malgua eta irudimentsua izan zen Iturriagagoitiaren lana. Orkestraren soka, leuna eta gozoa, bestalde, luzitu egin zen obra eder honetan. Hamar puntu.
Euskadiko Orkestraren azken abonu-kontzertuan, Handiena izenekoan –programa osatzen zuten bi obrei erreferentzia eginez– estiloen kontrajarritasuna eta soinu-bizipenen aurkakotasuna izan zen, zalantzarik gabe, topaketaren gauzarik erakargarriena.
Hasteko,... [+]
Jose Luis Bilbao Bizkaiko ahaldun nagusiak Euskadiko (EOS) eta Bilboko (BOS) orkestra sinfonikoak fusionatzeko proposamena luzatu dio Iñigo Urkullu Jaurlaritzako lehendakariari. Bat egiteak "onurak" ekarriko lituzkeela dio Bilbaok, eta "traumarik gabeko... [+]
Kontzertu ederra eskaini zuten Euskadiko Orkestrakoek abonu-denboraldiaren bigarren saioan. Esan genezake irudia, inpresionismoa eta deabruzko erritmoa –nahasketa ikusgarria– izan zirela protagonistak.
Ze egitarau polita Euskadiko Orkestra Sinfonikoaren denboraldi berria hasteko! Agian koherentzia gutxikoa, bai, baina ederra, dudarik gabe. Halere, eskaintzen diren obren edertasuna ez da nahikoa taxuzko kontzertu bat emateko. “Taxua” behar da, sasoia. Eta hori... [+]
Bai horixe, hamar puntu merezi izan zituen Euskadiko Orkestra Sinfonikoak Musika Hamabostaldian eskainitako kontzertuarengatik. Egitaraua erakargarria izan zen, oso, baina horrez gain, soinuaren oreka eta interpretazioaren dotoretasuna eta sakontasuna izan ziren ezaugarri... [+]
Hondarribian (Gipuzkoa) iaz amaitu zuten Itsas Etxea Auditoriumaren eraikuntza. Lehen kale animazioetan ageri zen kulturak bere gunea du, eraikin berria. Herriko taldeen elkargunea izan eta erabilera anitz ematea du helburu Udalak, eta 408 lagunentzako edukiera duen... [+]
Ivan Fedele konponsitore italiar ezagunak Youtube bidez izan ei zuen Oreka TX taldearen berri eta elkar-ezagutza horretatik abiatu zen gaur Donostiako Kursaaleko auditoriumean estreinatuko den Txalaparta obra.
Francisco Escudero konpositorearen musika "ezagutu eta gogoratzeko" Gipuzkoako Aldundiak omenaldia antolatu du, bere jaiotzaren mendeurrenean. Apiriletik abendura bitartean, kontzertuak, erakusketak, jardunaldiak, dantza emanaldiak eta hainbat argitalpenen antolatu... [+]
Fitxa: Euskadiko Orkestra Sinfonikoa. Zuzendaria: Lawrence Renes. Narratzailea: Kirmen Uribe. Egitaraua: Copland, Aita Donostia, Bernstein, Barber eta Dvorák-en obrak. Lekua: Gasteizko Principal Antzokia. Data: Martxoaren 9a.
Fitxa: Händel-en Mesia, Euskadiko Orkestra Sinfonikoa. Zuzendariak: Philip Pickett (Andra Mari Abesbatza), Jose Manuel Tife (Bleibet Abesbatza), Jorge Sebal (Claustrum Armonicum Abesbatza), Xabier Sarasua (Udaberria Gazte Abesbatza), Nagore Alangua (Samaniego Abesbatza)... [+]
Fitxa: Euskadiko Orkestra Sinfonikoa. Zuzendaria: Wolfram Christ. Bakarlaria (pianoa): Judith Jauregi. Egitaraua: Mozarten obrak. Lekua: Gasteizko Principal Antzokia. Data: Azaroaren 7a.
Euskadiko Orkestra Sinfonikoaren abonu-kontzertuen lehenengo emanaldia primerakoa izan bazen, ezin gauza bera esan bigarren saioari buruz. Agian egitura klasikoetan errotutako musika –itxuraz erraza, baina sakonean oso zaila interpretatzeko- programatu zelako, agian... [+]
Hasi da Euskadiko Orkestra Sinfonikoaren aurtengo abonu-zikloa. Gasteizko emanaldian egon ginen eta, kontuan hartuta Principal Antzokiko akustika ez dela onenetakoa, esan behar da taldeak bere onena eman zuela eta soinu bero eta haragitsua lortu zuela, dudarik gabe. Beraz,... [+]
