Senpereko auzapezaren jardunarekin kritiko, oposizioak ere dimisioa aurkeztu du
Dominique Idiart auzapeza behartuta egongo da hauteskundeetarako deia egitera, agintaldi erdian, krisi politikoari irtenbidea emateko. Babesik gabe geratu da Idiart: gehiengoko taldeko hamar hautetsik urrian kargua utzi zuten, eta asteburuan oposizioko beste zazpik ere bera egitea erabaki dute.
“Udalaren kudeaketak eskatzen du informazioan gardentasuna egotea eta hautetsi guztiekin elkarrizketa baketsuak edukitzea”, argudiatu dute oposizioko hautetsiek. Astelehenean aurkeztuko dute dimisioa udalean, eta aurreikusten da 2023ko martxoan hauteskundeak egin beharko dituztela Senpereko herriko etxean, Mediabask hedabidearen esanetan.
Aurreikusten zena gertatu da, izan ere, azken hilabeteetan krisi politiko betean daude Senpereko Udalean, eta Dominique Idiart auzapezaren kudeaketak kritika asko jaso ditu. Urriaren 10ean Idiarten taldeko bost hautetsik kargua utzi zuten, eta salatu zuten udaleko erabakiak soilik lauzpabost pertsonaren artean hartzen zituztela. Bide beretik, urriaren 14an Senpere Bai ezkerreko talde abertzaleko beste bost hautetsik dimisioa aurkeztu zuten; Idiarten gehiengoaren parte ziren.
Dena den, auzapezak ez zuen kargua uzteko inolako asmorik, eta gutun batean argitu zuen ez dela “dimititzen duen gizona”: “Ez naiz nire taldearekin, zurekin, hartutako konpromisoak betetzen ez dituen gizona”. Orain, ordea, Jean-Bernard Dolosor-en oposizioko zazpi hautetsiren dimisioarekin, ez dago udalbatza osatzeko behar den gutxiengo hautetsirik.
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
Ezagunak dira poesiaren bideetan egin dituen lanak. Batean, bere olerkiak argitaraturik; bestean, askorenek argia ikus dezaten lan eginez. 25 urte daramatza Hatsaren Poesia egunak Senperen antolatzen, eta delako egun horretan irakurtzen diren poemak liburuetan biltzen. Aurkia... [+]
Ziburuko kolegioa txiki geratu zaienez, 11 eta 15 urte bitarteko ikasleentzako kolegio berria eraiki dute zazpi hilabetean: Kattalin Elizalde. Irailaren 4an hasi dute ikasturtea, Ipar Euskal Herriko ikasle gehienek bezala.
Salerosketaz arduratu den Urruñako notarioak asteazkenean eman die salmentaren informazioa espekulazioaren aurka etxaldea okupatuta zuten eragileei.
Uztailaren 15erako jarri ditu hitzorduak Ostia herritar kolektiboak. Egoera salatzeaz gain, hautetsiak interpelatzeko ekimena izanen da. Bizkitartean, Senpereko okupazioa aitzina doa, hamazazpi egun igarota.
Donibane Lohizuneko Adam makarroien enpresa ezagunaren jabea da eroslea. Elkarretaratzea burutu dute bere denden aitzinean, baina saltokiak itxirik kausitu dituzte, protestaren berri ukanik ateak lehenago itxirik jabeak. Astearteaz geroztik dabiltza Senpereko etxea okupatzen,... [+]
Vincent Trebessesek sortutako ekimena da Errota, Senperen hurrak ekoizten eta eraldatzen dituen proiektu berezia. 2008an jarri zuen martxan hur-olioa egiteko errota, hasiera hartan Ziburuko bere etxean. Hurrak kanpotik erosten zituen, baina pixkanaka proiektuan sakontzen joan... [+]
"Sagarren herrialdea da, bertako emakumeek sagarra bakarrik jaten dute, ez dute sagar muztioa besterik edaten eta noiznahi transgresioaren sagarrari hozka egiteko prest daude, Jainkoaren gaitzespena gaindituz eta gure lehen aitaren debekua saihestuz. Adanen semeak... [+]
Igande honetan, maiatzak 14, urtero bezala Ipar Euskal Herriko ikastolen Herri Urrats festa ospatuko da Senpereko lakuaren inguruan. Aurten, Ilargikoop ikasle kooperatibak bere txoko propioa izango du Xiberoa gunean. Elkartenetekin batera egun osorako egitaraua antolatu dute:... [+]
Asteburuan "EH ez da salgai", "Herriak bizi behar du" eta "Arnas berri" dioten margoketak egin dituzte Senperen. Azken asteetan Ipar Euskal Herrian etxebizitzen espekulazioa salatzeko ekintza gehiago ere egin dituzte, eta Baionako prokuradoreak... [+]
Martin Lemaire gazte senpertarra dago Arkatza garagardotegiaren atzean. Unibertsitatean laborantza ikasketak egin eta gero, Belgikan izan zen garagardoaren inguruko masterra egiten. “Garagardogintzan lanean hastea zen nire asmoa handik bueltan, baina garai hartan ez zegoen... [+]
Jaureguy abertzaleari 100 bozkako aldea atera dio, otsailaren 26ko bigarren itzulian. Hamazazpi hautetsik dimisioa aurkeztu zuten, Idiart auzapez ohiarekin zituzten desadostasunengatik, eta horregatik aurreratu dituzte bozak.
Otsailaren 19an iragandako lehen itzulian nagusitu da zentro-eskuineko hautagaia –Bernard Elhorga–; abertzaleen eta dimititu zuten hautetsien hautagaitza –Christophe Jaureguy– bigarren sailkatu da, bakarrik 35 bozen aldearekin. Orain arteko auzapez... [+]
Dimisio anitzen ondotik, Dominique Idiart gaur eguneko auzapezak ezin zuen gehiago herria gobernatu, eta Prefeturak hauteskundeak berriz egitea manatu zuen. Beraz, igandean, otsailaren 19an, iraganen dira Senperen herriko hauteskundeak.
Azaroan lortu zuen Seaskak Senpereko lakuaren ondoan bosgarren kolegioa eraikitzeko baimena, eta abenduan hasi ziren eraikuntza lanekin. Datorren ikasturtean lehenengo 80 ikasleak hartzeko xedea dute; gerora, 300 gazterentzako lekua egitea dute helburu.