Ekainaren 4an jokatuko da II. Señora Sariketako finala, Leitzan. Hauek dira kantuan arituko direnak: Amaia Iturriotz, Ane Labaka, Aner Euzkitze eta Sarai Robles sailkatu dira Hendaia eta Laudioko kanporaketetatik, eta Erika Lagoma eta Uxue Fernandez dira bigarren edizioko ohorezko "señora" gonbidatuak.
Guztira, hamalau bertsolarik parte hartu dute aurtengo sariketan. Antolatzaileek azaldu dutenez, "emakumeen eta hegemonikoak ez diren gainontzeko identitateen ikusgarritasuna bilatzen duen lagunarteko txapelketa" da Señora Sariketa. Hendaiako eta Laudioko kanporaketen ondotik, ekainaren 4an jokatuko da II. Señora Sariketako finala Leitzan: 17:00etan hasita, Herri Aretoan. Finalean arituko diren sei bertsolariekin batera, Herrialde Katalanetatik etorritako glosadore emakumeek ere kantatuko dute finalean; haiena izango da finalari hasiera emateko ardura. Guztira zazpi glosadore etorriko dira Herrialde Katalanetatik, Señora Sariketa ezagutzera.
Eguerdiko hamabietan kantu-poteoan elkartuko dira bertsolari, bertsozale eta antolatzaileak, eta 14:30etan elkarrekin bazkaltzeko aukera izango
dute gerturatutakoek. Finala 17:00etan hasiko da Leitzako Herri Aretoan, eta ondoren, gurdi-poteoa ere izango da. Gauean, berriz, DJ Txillardegi
eta Lilith Selektah arituko dira Leitzako Atekabeltz gaztetxean 23:30etatik aurrera.
Iaz egin zuten hainbat bertsolarik eta bertsozale feministek lehen Señora Sariketa, tokiko eragileekin eta mugimendu feministako kideekin
elkarlanean, "bertso plaza berriak sortu eta emakumeei zein azpiratutako identitateei ikusgarritasuna emateko asmoz". Antolakuntzak adierazi duenez, "belaunaldien arteko aliantzak sendotzea dute helburu, ahalduntze kolektiboaren bidetik, betiere, lurraldetasuna aintzat hartuz".
Zergatik “señora” hitza? "Andre zaharrarekin eta bakardarearekin loturiko kontzeptuari buelta eman nahi" izan diotela azaldu du Maider Arregi bertsolari eta antolatzaileak: “Emakume indartsu bat da señora bat, ahaldunduta dagoena”.
Aurtengo sariketak hautatutako sinboloa kateorratza da, eta antolakuntzak adierazi duenez, “señora guztiak” ordezkatu ditzakeen tresna omen delako hautatu dute: “Makarren txapetan dago, punkyen belarritakoetan eta adinekoen zapietan”.
Aldi berean, kateorratza zorrotza dela eta denak elkartzeko balio dezakeela adierazi dute.
Iragan asteko ostegun eta ostiralean burutu zen ‘Nondik eta zeri ari gatzaizkio bertsotan?’ ikastaroa; 50 lagun elkartu dira jardunaldietan bertsoaren inguruko gaiez gogoeta egiten.
Hiru hilabete iraungo ditu txapelketak eta finala abenduaren 14an jokatuko da Donostiako Illunben. Saio guztietarako sarrerak www.bertsosarrerak.eus webgunean daude eskuragarri.
Berregituraketa urtea dugu aurten Bertsozale Elkartean: martxoan lehendakaritza taldea berritzearekin bat, koordinatzaile lanpostua sortzeko erabakia hartu zuten bazkideek Batzar Nagusian. Lanpostu horretara heldu berri da Oier Iurramendi Etxeberria (Donostia, 1990), baina ez da... [+]
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Oihal fabriketako emakume langileak eta bertsoa josi ditu Emakumeen haria ekimenak. Ekainaren 7an izango da Villabonan. Bertaratzen denak ezagutuko du egun Bertsozale Elkartearen egoitza den Subijana etxea iraganean oihal fabrika izan zela; entzun ahalko ditu bertan lan egin... [+]
Emakumeen eta hegemonikoak ez diren gainontzeko identitateen ikusgarritasuna du helburu ekimenak; zortzi bertsolarik hartuko dute parte aurtengo edizioan.
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.
Hamahirugarren Bizkaiko Bertsolari Txapelketa eta bederatzigarren finala izan ziren iazkoak Onintza Enbeita Maguregirentzat (Muxika, 1979). Irautearen esfortzua eta poza ederki ezagutzen ditu, bertsotan zein handik kanpo, eta horri esker dago dagoen lekuan. Irauteko aldatzeari... [+]