Senerrek industria militarrari lotutako lantegi berria izango du Zamudion
Sendagorta anaien esanetan Senerrek “hazkunde nabarmena” izan du azken urteotan eta negozio aeroespaziala eta defentsakoa “fakturazio osoaren %25-30ekoa” da. Hurrengo bost urteetan, “%15eko hazkundea” espero dute.
50eko hamarkadan Sendagorta familiak Getxon sortu zuen Sener enpresak, industria aeroespazialari eskainitako lantegi berria izango du Zamudion (Bizkaia). Hasierako inbertsioa 25 milioi eurokoa izango da, eta aurreikusitakoaren arabera, 2025erako egongo da martxan. Astelehen honetan, hilak 30, egin dute lehen harriaren ezarpen sinbolikoa eta horretan lagundu du EAEko lehendakariak.
Teknologia aeroespazialen garapenean eta produkzioan oinarrituko den lantegia izango da: sistema elektromekanikoak, zuzentze eta doitasun sistemak, optomekanikoak, jarduketakoak eta robotikoak eginez.
Israelekin loturak eta misilak
Senerrek alor militarrean egiten du lan, besteak beste. Duela hamarkada batzuk Israelek eginiko bonbardaketa batzuen harira, ikerketa bat abiarazi zuten Euskal Herriko hainbat eragile antimilitaristek, Senerrek herrialde honekin zituen loturak ezagutzeko. NAIZek gogoratu duenez, ikerketak ondorioztatu zuen Senerrek Israelekin kolaboratzen zuela: hegazkin erasotzaileen sentsoreak diseinatzen zituen, horrek Israelen bonbardaketaren helburuak zehaztea erraztuz.
Senerrek bestelako gatazka batzuetan ere azpikontrata gisa jardun izan duela azpimarratu du NAIZek: MBDA talde europarraren azpikontrata gisa, alegia. “Misilen hegalaren mugimendu kontrolatuaz” arduratzen zela adierazi du. Andres Sendagortak 2020. urtean ere berretsi zuen “Senerrek misilak ekoizteko Europako programa ia guztietan” parte hartzen duela.
Enpresak 30.000 metro koadroko azalera erosi du Zamudioko Bizkaia Parkean. Lehenengo fasean 8.000 metro koadro eraikiko dira. Obrak 2023ko abenduan hasi eta 20 hilabeteko iraupena izango du. 2025erako aurreikusten da emaitza.
Sener, Urkullurentzat “eredu”
Asteleheneko ekitaldian Urkulluk adierazi zuen Sener “eredu eta erreferente” dela, eta eskerrak eman zizkion egindako inbertsioagatik: “Zalantzarik gabe, lehen harri honek duela urte batzuk hasitako ametsari jarraipena emateko balioko du”. Gaineratu zuen bere erakundeak “euskal enpresen jarrera ekintzailea” bultzatuko duela uneoro, “txikienetatik hasi eta handienetara iritsi arte”.
Pilar Kaltzada Zedarriak taldeko kidea da. Urtarrilaren 15ean taldeak armagintza industria bultzatzeko hurrengo urteotan egongo den “aukera bikaina” aprobetxatzera deitu zuen, oihartzun handia izan zuen ekitaldi arranditsuan. Gasteizkoak talde antimilitaristaren... [+]
Bigarren lehendakariorde eta Ekonomia, Lan eta Enpleguko sailburuak armagintza industria goraipatu eta zabaldu diren “aukera” berrien aurrean sektorea “babestuko” duela azaldu du. “Beste kontu bat da gutako bakoitzak izan ditzakegun posizio... [+]
Urtarrilaren 15ean Zedarriak enpresa foroak bere seigarren txostena aurkeztu zuen Deustuko Unibertsitatean, Bilbon. Zedarriak taldeko zuzendari Guillermo Dorronsorok azaldu zuen hurrengo urteetan “segurtasun eta defentsa industrian” diru asko inbertituko dela... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
"Ez gaude prest lauzpabost urte barru datorkigunerako. Arriskua ziztu bizian dator guregana. Aurre egin behar diogu: Ukrainan gertatzen ari dena hemen ere gerta liteke” (...) “Errusia, Txina, baina baita Ipar Korea eta Iran ere, gogor ari dira lanean Ipar... [+]
Zerrenda honetan, 2016az geroztik armagintza programaren batean parte hartu duten enpresak sartu ditu Gasteizkoak taldeak, edo militarrentzako produktu espezifikoak garatu dituztenak (ibilgailuak, pinturak, bateriak…). Hego Euskal Herrian sortuak, edo Hego Euskal... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Armagintzaren “moldaketa eraldatzailerako” proposamena publiko egin berri du mugimendu antimilitaristak. Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
José Luis Zapatero Espainiako presidente zela hasi ziren akordioa lantzen 2011n eta 2014an gauzatu zuten Espainiako Mariano Rajoy eta Israelgo Shimon Peres presidenteek. Publico komunikabideak eman du akordio horren berri.
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
