Semilla y Belarra elkartea sortu dute Nafarroako O6 nekazarien mugimendutik
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Otsailaren 6an traktoreek eta txaleko horiz jantzitako laborariek Nafarroako errepideak hartu zituzten eta harrez gero, era batera edo bestera, Nafarroako errepideetan eta bereziki Iruñeko kaleetan daude haien aldarrikapenekin.
Tarte horretan, UAGN eta EHNE sindikatuak, eta UCAN elikagaien kooperatiben elkarteak hainbat bilera izan dituzte Nafarroako Gobernuarekin. Adostutakoak Espainiako Gobernura eraman ditu Nafarroako Gobernuak eta datorren astelehenean berriz elkartuko dira egindakoak aztertu eta bide berriak urratzeko.
O6ko nekazariek ere publikoki adierazi izan dute bilera horietan parte hartzeko nahia, baina Aierdi kontseilariak erantzun die edo beste sindikatuen bidez bideratzen dutela parte hartzea edo elkarte gisa eratuta. Bigarren bide honi ekin diote O6-ko nekazariek eta Semilla y Belarra izen elebiduna duen elkartea sortu dute. Hala ere, O6 mugimenduak bere horretan jarraituko du, haren kideek jakinarazi dutenez.
Elkarte berriak, oro har, nekazaritza eta abeltzaintza hobetu eta modernizatu nahi dituela adierazten du bere estatutuetan. Ekoizpen errentagarriak nahi dituzte, elikadura segurua eta kalitatezkoa; nekazari jarduera eta ingurumenaren arteko oreka; eta Nafarroan diren ikerketa eta garapen programekin bat egin nahi dute. Horrekin guztiarekin, landa guneak erakargarri egin nahi dituzte haietako bizilagunek han bizitzen jarrai dezaten.
O6-arekiko susmo eta esamesak
Denetik aipatu izan da O6 mugimenduari buruz, batez ere Voxek eta eskuin muturreko eragileek hura erabiltzeko saioa egiten ari direla. Bestelako iritzietan, mugimenduan era guztietako nekazariak daude. Otsailaren 15ean Iruñean manifestazioa deitu zuen mugimenduak eta milaka lagun bildu zituen egun hotz eta euritsuan.
Sindikatuak ere hasieratik agertu dira uzkur mugimenduarekin. Esaterako, ez zuten deirik egin aipatu manifestaziora joateko eta haien militanteei libre utzi zieten joan ala ez erabakitzea. Ondoren, martxoaren 4an haien arteko lehen bilera ofiziala egin zuten harremana bideratzeko.
Martxoaren 7an O6ko kideetakoek Nafarroako Legebiltzarrera indarrez sartzeko saioa egin zuten. María Chivite lehendakariaren etxe inguruan ere egin izan dituzte protestak eta mugimenduko nekazari batzuk “puta” moduko irain matxistak luzatu zizkioten martxoaren 4an Erriberriko ekitaldi batean. Ondoren mugimenduko bozeramaileek bi egunetako gertaerak arbuiatu dituzte.
Polizia indarrek oro har haiekin izan duten malgutasunak ere elikatu izan ditu susmoak, bestelako mobilizazioen aurrean Poliziaren indar erabilera eta isunen dantza oso bestelakoa izaten baita.
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Esnatze horretan hainbat kausa elkartzen dira, eta lurraldean sakabanatuta dauden herrien erresistentzia-ahalmenak bete-betean erantzuten die. Joan den larunbatean, aldarrikapen horien inguruan manifestazio jendetsua egin zen Gasteizen. Kalean frogatu zen berriro posible dela... [+]
Euskal Herriko Laborantza Ganbarako koordinatzailea mintzatu da Egonarria saioan. Laborantzako eredu talkaz hitz egitean eta traktoreak kalera atera direnean, beti aipatzen da ditxosozko erderazko "PAC"-a, hau da, Europako Nekazaritza Politika Bateratua. Europako... [+]
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]
"Isiltasuna oztopo eta elkartasuna lagun, egungo mundu gordina" kontatzeko erronkari lotu da Axut! antzerki konpainia.
Frantsesenia lizeoa, 70 urtez Ipar Euskal Herria barnealdeko laborarien formatzen.
Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.
Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]
A-8 autobideko ordainlekua 12:00etatik 16:00etara blokeatzeko helburua dute. Traktoreak iritsi dira Bidasoaren bi aldeetatik. Sindikatuen borrokari dagokionez, Arantza Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak hitzordu bat... [+]