Seme-alabei mugikorra erosteko adina atzeratzea adostu dute Udarregi ikastolako gurasoek
Bi amaren kezkak abiatu zuen prozesua Usurbilgo Udarregi ikastolan: zein adinetan erosi smartphonea seme-alabei? Ikastetxeko guraso elkarteak proiektu mamitsua garatu du ordutik, gaiaren inguruan ikasleak eta gurasoak formatzeko. Horrez gain, hiru hilero negoziatzen dute gurasoek: haurrei mugikorra ematea beste hiru hilabetez atzeratzeko moduan gaude? Baietz adostu dute LH 5 eta 6. mailako gurasoek.
Ikastetxeko bi amak jarri zuten kezka mahai gainean. Zarauzko ikastolan gaia lantzen hasiak zirela eta bertan aholkulari aritzen zen Miren Ros adituaren hitzaldia antolatu zuen Udarregiko guraso elkarteak, 2019an. Hitzaldi isolatutik harago, ordea, kostatu zitzaien patata beroari heltzea, norberak bere etxean egiten duenaz aparte gaiari modu kolektiboan eustea. Baina ekin zioten azkenean, Lehen Hezkuntzako ikasgela bakoitzeko guraso ordezkari banarekin talde eragilea sortu eta 2021eko urrirako prest zuten proiektua: eskolako programazio pedagogikoan txertatu dute gaia – Udalaren dirulaguntza bati eta ikastolaren inplikazioari esker–, eta ikasleei formakuntza ematen die Miren Rosek, LHko 4, 5 eta 6. mailan eta DBHko 1 eta 2. mailan, Youtube, Twitch, bideo-jokoak –nagusiki mutilak dira erabiltzaile–, sare sozialak –nagusiki neskak dira erabiltzaile– eta gisakoak kritikotasunez erabiltzeko eta sarean norbere burua babesteko baliabideak garatu ditzaten, besteak beste.
Izan ere, bi helburu ditu proiektuak: mugikorraren erabilera haurren artean ahalik eta gehien atzeratzea batetik, baina behin interneterako eta mugikorretarako sarbidea dutela, eskura dutena ongi erabili dezaten teknologikoki heztea, bestetik.
“Ez dakit lortuko dugun gure haurrek 16 urte bete arte atzeratzea, baina pixkanaka egingo dugu bidea”
Gurasoek ere prestakuntza jasotzen dute Rosekin, eta sortzen diren zalantzez eztabaidatzen dute, elkarri lagunduz, batzuek eta besteek etxean nola jokatzen duten partekatuz. Eta hiru hilero, negoziatu egiten dute: beste hiru hilabetez seme-alabei mugikorra ematea atzeratu dezakegu? LH 5 eta 6. mailako guraso gehienek hala adostu dutela kontatu digu Izaskun de Miguel Udarregiko gurasoak. “Ez dakit lortuko dugun gure haurrek 16 urte bete arte atzeratzea, baina pixkanaka egingo dugu bidea”, dio. Iazko udaran LH 6. mailan zeuden ikasleen gurasoek, adibidez, atzeratzea adostu zuten, baina pasa den abendutik, seme-alabak jada DBH 1. mailan direla, bost ikaslek izan ezik gainerako guztiek mugikorra dute. De Miguelek kontatu digunez, bere inguruan 12 urterekin eman ohi zaie mugikorra haurrei.
Gurasoen batasuna gako inportantea dela dio, gehienek bide bera urratzen badute lortzen dutelako smartphonea ez izatea desoreka eta bazterketa iturri, ikasle gehienek badutelako eta gutxiengo batek ez.
Gurasoen batasuna gako inportantea da, gehienek bide bera urratzen badute lortzen dutelako smartphonea ez izatea desoreka eta bazterketa iturri
Zergatik atzeratu adina?
Izaskun de Miguelek oharra egin du: ez daude teknologiaren kontra, teknologiaz eta haren erabileraz gogoetatzeko beharra jarri nahi dute mahai gainean. Haurren garunak ez daude prestatuta mugikorretako input jarioa behar bezala kudeatzeko eta menpekotasun arazo izugarria sor daiteke –“helduongan ikusten dugu”–. Zenbait erabilera atzeratzea komunikazio bortitza saihesteko modua ere badela dio gure elkarrizketatuak, ikusi baitute Fortnite eta halako bideo-joko bortitzek eragina dutela gero ikasleen arteko harremanetan.
Behin seme-alabari mugikorra ematea erabaki dugunean, opari gisa ez aurkeztea inportantea dela dio de Miguelek, eta ez izatea zerbait pribatua, baizik eta gurasoek sarbidea izatea, etxeko sarreran denen eskura egotea gailua. Horretarako, baina, gurasoek antzera jokatu behar dute, eurak izan behar dute eredu: “Etxean uneoro mugikorrari lotuta bagaude, nola eskatuko diegu kontrakoa seme-alabei? Helduok pantailarekin dugun harremanari erreparatzea da lehenengo urratsa”.
"Helduok pantailarekin dugun harremanari erreparatzea da lehenengo urratsa"
“Ez gara gai honekin bueltaka gabiltzan bakarrak”, nabarmendu digu de Miguelek. Zarauzko ikastolako eredua izan zuten beraiek abiapuntu, eta Zumaiakoei laguntzen ari zaizkie orain. Tolosan, Donostian… ere ari dira gaia lantzen, eta Hernanin herri guztia aintzat hartzen duen ekimena dute esku artean.
Beste artikulu baterako ematen duen aipamena ere egin digu Izaskun de Miguelek: Udarregin talde eragilean inplikatu diren guraso guztiak amak dira, emakumeak.
Gaiari lotuta:
Ikasgelako gurasoen artean adostuko bagenu zein adinetan erosi mugikorra seme-alabei?
Altxa Burua taldeak eskatu du bigarren hezkuntzako EAEko ikastetxeetan kendu ditzatela mugikorrak, debeku bat ezarrita arauz. Aste honetan eskaera eraman dute Eusko Legebiltzarrera, Hezkuntza Sailak ikastetxeak telefono mugikorrik gabeko esparru gisa izendatu ditzan.
Guraso elkartean mugikorren inguruan bigarren hezkuntzarako protokoloa lantzen dabiltzala eta, protokoloaz galdetu dit Bilboko guraso batek.
Jaurlaritzaren webgunean irakurri dudanez, EAEn, 2024ko urtarrilean ikastetxeetan mugikorren erregulazioaren inguruan adierazi zena... [+]
16 urtez azpikoek laster ezingo dute sare sozialik erabili Australian, eta antzeko neurriak ezarri nahi dituzte Espainiako eta Frantziako gobernuek ere. Neurriaren eraginkortasunaz, sare sozialetako eduki eta dinamikez, pribatutasunaz eta plataforma handiek honetan guztian duten... [+]
Datuek erakusten dute joera apurtzea lortzen ari direla etxe (eskola) ugaritan. 11-12 urterekin ia gazte guztiek mugikorra izatetik igaro gara adin horretan smartphonerik ez duten ikasleak gehiengoa izatera hainbat ikastetxetan, guraso taldeen ekimenari esker: Zarauzko ikastolan... [+]
“Pantaila aurrean denbora gutxiago igarotzeko esaten diegu gazteei, eta aldi berean ikastetxean derrigortzen ditugu gailu digitaletara konektatzera”. Eskoletako digitalizazio prozesuei frenoa jartzeko eta teknologiak (ez bakarrik hezkuntzan) gure gain duen kontrolaz... [+]
Ikastetxeak mugikorrik gabeko arnasgune izan daitezen araudia sortzeko eskatu diote Eusko Jaurlaritzari hainbat guraso taldek, gutun bidez eta sinadura bilketa abiatuta. Gaur gaurkoz, eskola bakoitzaren bizkar dago erabakia: mugikorra onartu ala ez eta zein baldintzatan... [+]
Gizakiontzat ez da inoiz erraza izan lasai pentsatzeko denbora tarte luzeak hartzea, bizimodua aurrera ateratzearen ardurarekin bizi gara, bai geurea zein geure ondorengoena. Bizitzeko izan dugun aukera honetan, ahalik eta ongien nahi ditugu gauzak egin. Ardura horiengatik,... [+]
Nerabe batek mugikor, tablet eta pantailei ematen dien erabileran eragin handienetakoa gurasoak direla frogatu du ikerketa batek. Alegia, nahiz eta adin horretan gurasoenganako distantzia bilatu ohi den, pantailekiko garatuko duen harremanean gurasoak oraindik ere eredu direla... [+]
Eskolan adimen artifiziala erabiltzera animatu ditu irakasleak Eusko Jaurlaritzako Hezkuntza sailburuak, eraldaketa digitalaren beldur ez izateko esan die. Ikasgelan mugikorra erabiltzeari buruzko gogoeta prozesu bat ere iragarri du: “Ez dago erabilera horrek duen... [+]
Langileen %80ak ez du ordubete irauten arreta galdu gabe eta %20 inguru hamar minuturo distraitzen da. Kontzentratzeko gaitasun falta ez da soilik mugikorren eta estimulu teknologiko andanaren errua, elikadurak, kutsadurak eta oinarrian gure bizi estiloak ere zerikusi handia... [+]
Haur eta gazteek duten pantaila kontsumoarekiko kezka nagusi den garaiotan, fokua helduongan jarri eta familia guztiarentzako gomendio baliagarriak bidali dituzte Zurriola ikastolatik, pantailek ez ditzaten udako oporrak baldintzatu.
Emakumeak salatu du sexu erasoa egin ziotela Capbretonen (Landetan), larunbat gauean. Erasotzaileek Coco.gg harremanetarako aplikazioa baliatuta antolatu zuten erasoa, France Bleu irratiak iragarri duenez. Asteartean elkarretaratzea egingo dute erasoa salatzeko 19:00etan,... [+]
Telefono mugikorra edukitzeko adina atzeratze aldera, indarrak batu eta dagoeneko 3.000 familiaren babesa duen elkartea sortu dute Nafarroan: Mugikorrik Gabeko Nerabezaroa. 50 establezimenduk aukera emango diete gazteei, behar dutenean bertako telefono finkotik deiak egiteko... [+]