Selektibitatea baldintza duinetan egitea eskatu du hainbat hezkuntza eragilek
Aste batzuk barru egingo dira Hego Euskal Herrian unibertsitatera sartzeko frogak eta hezkuntza eragileek dinamika bat abiatu dute salatzeko administrazioak "aldebakartasunez" hartu dituela erabakiak, eta azterketa "baldintza duinetan" egin dadila galdegiteko. Ostiralean Gasteizen eta Iruñean elkarretaratzeak deitu dituzte.
Ostegun eguerdian egindako agerraldian, hezkuntza arloko hainbat eragilek (Gora Ikasleon Borroka, LAB, Steilas, FeSP UGT, Sortzen, Ikastolen Elkartea eta Euskal Eskola Publikoaren Aldeko Plataforma) selektibitatea dela-eta EAEko zein Nafarroako hezkuntza sailek hartu dituzten erabakien inguruan euren iritzia plazaratu dute.
Eragileek kaleratutako Selektibitatea baldintza duinetan manifestuan diote "ezjakintasun eta informazio falta" izan direla nagusi koronabirusaren krisia hasi zenetik hezkuntza arloan, eta testuinguru horretan kokatu dute unibertsitatera sartzeko frogarekin gertatzen ari dena: "Gaur gaurkoz ere, asko dira aurtengo ikasturtearen eta unibertsitatera sartzeko probaren inguruan dauden zalantzak, egun batetik bestera aldatzen baitituzte hartutako erabakiak", diote.
Eusko Jaurlaritzako Hezkuntza sailak duela aste batzuk iragarri zuen froga uztailean izango zela EAEn; Nafarroako Gobernuak, bere aldetik, ekainaren azkeneko astean egingo duela azaldu du. Aste gutxi falta badira ere, hezkuntza eragileen hitzetan "milaka ikasle zalantzaz lepo" daude oraindik.
"Aldebakartasunez" jokatzea leporatu diote administrazioari eta euren esanetan erabakiak hala hartzeak erakusten du "ez dutela hezkuntza komunitatearekin zubiak eraikitzeko inolako intentziorik". Zentzu horretan, euren ahotsa entzun dadila aldarrikatu dute, hezkuntza sistema eusten duten "oinarria" beraiek direlako.
Eskaera zehatzak: segurtasuna eta aukera berdintasuna
Hainbat eskaera zehaztu dituzte manifestuan: froga modu seguruan egin ahal izatea eta garraio zerbitzu egokia eskaintzea; segurtasun distantziak mantendu ahal izatea eta beharrezko materialak, prozedurak eta desinfekzioak ahalbidetzea; hirugarren ebaluaketan landutakoa azterketan ez sartzea; ariketetan aukeraketa malgua bermatzea; eta azterketen zaintza eta zuzenketetarako irizpideak denboraz zehaztea.
Nolanahi ere, azterketa bera egitea "lekuz kanpo" dagoela iritzi dute, Covid-19ak sortutako egoeraren aurrean curriculumaren edukiak ezin izan direlako behar bezala landu eta eskola telematikoek ikasleen artean desberdintasunak sortu dituztelako.
Iragarri dutenez, herrietan hezkuntza komunitatearen "mahai propioak" sortuko dituzte euren aldarrikapenak egin eta lantzeko. Era berean, dinamikari jarraipena emateko ostiral honetan elkarretaratzeak deitu dituzte 11:30ean Gasteizen eta Iruñean.
Bitartekaritzaren eta pertsonen arteko komunikazio zuzenaren bidez, izaera penaleko gatazka bati konponbidea aurkitzea da Justizia Errestauratiboaren helburua. NUPek eskainiko duen prestakuntza 100 ordukoa izango da eta ikasleei titulazioaren gastuen %90 ordainduko zaie.
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
Modu iraingarri eta mespretxagarrian, komunismoari loturiko ustezko atxikipen-politikoak egozten zizkion, besteak beste, Guillermo Quindós egungo errektoreordeak eta Eva Ferreiraren hautagaitza zerrendan dagoen kideak hauteskundeetara aurkeztuko den beste taldeari,... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Bertsolarien kasua da agerikoena: euskaraz eta erdaraz egiten duten hedabideetan, euskarazko bertsioan soilik dira ezagutarazten. Horrez gain, bistaratu da beste titular interesgarri hau ere: Euskal Herriko 11 hedabideren 2023ko lana aztertuta, Euskal Herrikoa ez den kanpoko... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Urri hasieran kaleratutako EHUko irakaslearen inguruko txosten bat egiteko eskatu dio Fiskaltzak Ertzaintzari. Kasuaren nondik norakoak sakonki ikertzeko eta gorroto deliturik egon den ala ez aztertzeko helburua du, salaketa jartzea erabaki aurretik.
Ikasturte hasieran hauteskundeak izan behar ziren EHUko agenda informatiboko gertaera nagusia. Gizarte eta Komunikazio Zientzien Fakultatean, gainera, hitzordu bikoitza dugu, gure zentroko batzarra ere urrian hautatuko baita. Aukera zabaldu da kudeaketa-eredu ezberdinak ezagutu... [+]
Ezin inoiz jakin zer topatuko duzun ikasturtea hasten denean, irailaren lehenak beti ohi dira tentsio altuko garaiak, hiru ala berrogei urte izan. Motibazio altuko garaia, hizkuntza eskolan eta gimnasioan izena emateko unea. Aurten zeramika ere egingo dut, beti izan da nire... [+]
Egoera juridikoki aztertu ondoren, Euskal Herriko Unibertsitateak erabaki du Zuzenbide Fakultatearen Bizkaiko Ataleko irakaslea lanpostutik kentzeko prozesua martxan jartzea. Irailaren 27an hasi ziren irakaslearen aurkako salaketak. Orduztik ehundaka izan dira auzi honen... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]