La Croix eta France Inter komunikabideek eman dute elkarte horren berri. 2.700 jarraitzaileen artean daude La manif pour tous egitura homofoboko Béatrice Bourges eta eskuin muturreko Caroline de Villiers. Elkarteak egoitza soziala Hazparnen du.
Ezaguna da Marc Aillet Baionako apezpikuak daukan kutsu integrista eta baztertzailea –abortu eskubidearen kontrakoa, gay eta lesbianen kontrakoa, mezak euskaraz baino latinez nahiago izatea, eta beste–. Aldi honetan La Croix eta France Inter komunikabideek dute zabaltzen Alliance des cœurs unis (Bihotz Bateratuen Aliantza) deitu elkarteko kide dela Aillet. Eliza katolikoaren barruko desbideratze sektarioei buruzko batzordean hainbat aldiz seinalatua izandako egitura arraroa da azken hori.
Gaëtane de Lacoste Lareymondie, ezizenez Virginie, dago antolaketa horren sorreran eta ondokoan oinarritzen du berea: Jesusek musukatzeaz gain, hamahiru "bola beltzen" kontra borrokatzeko misioa eman zion, desagerrarazi beharreko bola horien artean dagoela aita santua. Helburuari segi, ondoan dauzkan aktiboen artean dago Baionako apezpikua. Horrez gain, La manif pour tous egitura homofoboko Béatrice Bourges eta eskuin muturreko Caroline de Villiers –MPF Frantziaren Aldeko Mugimenduko Philippe de Villiersen alaba– ere agertzen dira 2.700 kideen artean. Sud Ouest-ek ere egin du bere inkesta eta dioenaz antolaketa horrek hainbat kide dauzka Ipar Euskal Herrian. Are gehiago, egoitza soziala Hazparnen du Alliance des cœurs unis-ek.
Baionako apezpikuaren arabera ezin daiteke adierazi "naturaz gaineko elementurik" dagoenik elkartearen diskurtso eta ikuspegian: "'Erregearen sekretuak' liburuan argitaratutako 'mezuak' ezagutu eta irakurri ondoren, Liburu Santuarekin eta Elizako Irakaspenarekin kontraesanik ez zegoela ziurtaturik, eta ikusirik elkarteak gero eta fededun gehiago zituela, baita apaizak ere, eta horiek benetako fruitu espiritualak jasotzen zituztela egiaztatuta; orduan, laguntzeko misioa onartzea egokia zela iduritu zitzaidan, eta hori, Virginiek Elizari eskatzen zion zainketa bermatzeko eta desbideraketa oro prebenitzeko". Hala ere, komunikabideen inkesta dela eta, kutsu sektarioari buruzko inkesta bat bideratuko duela adierazi du diocese64 webgunean jarritako agirian.
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
Paris, 1845. Frédéric Bastiat (1801-1850) ekonomialari eta politikari lapurtarrak Pétition des fabricants de chandelles (Kandelagileen eskaera) satira idatzi zuen. Protekzionismoaren aurkari sutsua, kandelagileek "bere argia salneurri baxuegitan... [+]
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]
Berria egunkariak eman du salaketen berri, garai hartan bertan egondako ikasle batzuen lekukotasunak ere bilduz. 1960ko hamarkadatik 1990eko hamarkadaren bukaera artean gertaturiko indarkeria fisiko, sexu bortizkeria eta bortxaketei buruzko lekukotasunak bildurik,... [+]
Klaratarrek Urduñako komentua erosteko kontratua sinatu zuten, baina Elizak atzera egin du salerosketan eta mojek testu luzea argitaratu dute, zeinean Pablo de Rojas Sanchez-Francoren diziplinara batu diren. Mario Izeta apezpikuak eskumikatu zuen erlijioso hori 2019an... [+]
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Espainiako Gobernuaren eta ETAren arteko negoziazioetan parte hartu izan zuen hainbat urtez Donostiako gotzain izandako Juan Maria Uriartek. Larunbatean zendu zen Basaurin.
Ondasunak identifikatu ostean, erreklamazio eta berreskuratze prozesua hasiko du aurten, eta udalerriei laguntza eta babesa eskaintzeko bulegoa sortuko dute.
1978tik 2015era bitartean, agintaritza katolikoek 530 ondasun lapurtu zituzten, horietatik 387 Gipuzkoan. Frankismoan immatrikulazio-kanpainari ekin ziotenetik, Elizak milaka eta milaka jabetza jarri ditu bere izenean Espainiako Estatuan, eta lapurreta gehienek indarrean... [+]