Seigarren barrutian: Peio Dufau Fronte Herritar Berriko hautagai abertzalea garaile
Peio Dufau abertzaleak lehen itzuliko postuari eutsi dio eta Fronte Herritar Berriko hautagaiak irabazi ditu hauteskundeak seigarren barrutian, botoen %37,51 lortuta. Gertu izan du Christian Devèze macronista, botoen %33,62 eskuratuta, eta atzerago geratu da Victor Lastécouères Batasun Nazionaleko hautagaia.
Lapurdiren zati handiena hartzen du seigarren barrutiak. Lehen itzulitik, lehia estua aurreikusten zen, aintzat hartuta Peio Dufau hautagaiak botoen %29,42 lortu zituela eta 1.844 boto eskasera zuela Devèze, %26,92 eskuratuta. Eskuin muturrak ere lortu zuen bigarren itzulira igarotzea, hirugarren postuan: Lastécouères Batasun Nazionaleko hautagaiak botoen %25,29 bereganatu zituen eta eskuineko botoa bien artean zatitzea ekarri du horrek.
Bigarren itzulira pasatzea lortu ez duten hautagaiek ere, aurreko egunetan, bozkatzera animatu dituzte bere jarraitzaileak, alderdi bat edo bestearen alde eginda. Lehenengo itzulian laugarren geratu zen Emmanuelle Brisson Errepublikanoak alderdiko hautagaiak, esaterako, Devèzen aldeko mezua pasa du, eta 8.546 boto lortu zituen Brissonek, lehen itzulian. EAJko Jean Telletxeak berriz, Dufauren alde egin du, eta gogoan hartu behar dugu Telletxeak 3.712 boto eskuratu zituela pasa den martxoaren 30ean.
Kontuak kontu, Dufau izan da garaile, guztira 18.409 boto lortuta. Ensemble alderdiko Devèzek 16.501 boto izan ditu eta eskuin muturrak ere boto ugari jaso ditu seigarren barrutian, bigarren itzuli honetan: 14.170.
2022an, Ensemble garaile
Kolorez aldatu da seigarren barrutia. Izan ere, Frantziako legebiltzarrerako aurreko hauteskundeetan, 2022an, Vincent Bru diputatuak aise irabazi zituen hauteskundeak, Ensemble alderdiarekin: botoen %60,21 eskuratu zituen (guztira 27.994 boto). Aurten ageri ez den alderdiak lortu zuen bigarren postua, Herri Batasun Ekologiko eta Sozial Berria koalizio ezkertiarrak, Tom Dubois-robin buru zuela. Botoen %39,79 izan ziren beretzat (guztira 18.497 boto).
331 diputatuk bozkatu dute ezkerrak aurkezturiko zentsura mozioaren alde. Eskuin muturrak babestu du ezkerraren testua, eta horrek ekarri du gehiengoa lortu izana. Emmanuel Macron presidenteak hitza hartuko du ostegun honetan 20:00etan.
Larunbat honetan aurkeztu du Frantziako gobernu berriaren osaketa Michel Barnier lehen ministroak. Eskuin muturreko RN alderdiak defendaturiko ideiak dituzten hainbat politikari eskuindar jarri ditu gobernuko karguetan. "Legetimitaterik gabeko gobernua" dela salatu du,... [+]
Michel Barnier kontserbadorea ministro ohia da, Europako Batasuneko komisario ohia ere bai eta Brexiteko negoziatzailea izan zen.
Elkarrizketa-sorta hasiko du, beste behin, Macron presidenteak. "Ahalik eta gehiengorik zabalena eta egonkorrena osatzeko" egingo duela lan esan du Macronek, herrialdea ez dadin "blokatuta eta ahulduta" gera.
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Ipar Euskal Herriak dituen militante nekaezin horietarikoa dugu Peio Dufau: ofizioz tren gidaria, CGT sindikatuan buru belarri inplikaturikoa, Bake Bidean dinamikan engaiatua eta alabari Wolfram sindromea izeneko eritasun arraroa atzeman ziotenaz geroztik izen bereko elkartean... [+]
Hirugarren kokatu bada ere, pozik izatekoa badu eskuin muturreko RNk: inoiz baino azkarrago da Frantziako Legebiltzarrean –2017an zortzi diputatu zituen, 2022an 88 eta orain 143–. Bere hauteslegoa azkarki emendatuz doan heinean, anitzez zabalagoa du oinarria:... [+]
Sei hautagai dira Frantziako Legebiltzarrerako presidente izateko lehian –ezkerretik bat, Macronen aldeko bi, eskuinetik bat, eskuin muturretik beste bat eta independente bat–. Horrez gain, dozenaka eragilek deiturik, FHB Fronte Herritar Berriaren garaipenaren... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]
20:00etan atera dira lehen datuak, harridura orokorra eraginez: zundaketa guziek lehen kokatzen zuten eskuin muturreko RN hirugarren atera da eta ezkerreko FHB Fronte Herritar Berria garaile. Gehiengoan edota gehiengo osoan ikusten zen RN Batasun Nazionalarentzat zaplaztekoa... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ezkerrekoa beharko lukete Frantziako Lehen ministroak eta bere gobernuak, jakinik Fronte Herritar Berria garaile atera dela Frantziako Legebiltzarrerako hauteskundeetan. Baina, ezkerraren garaipenaren gainetik pasaz, bestelako gehiengo bat osatu nahian dabil Emmanuel Macron... [+]
