Sei ertzain aulkian, sei urte ondoren hasi da Iñigo Cabacasen hilketa argitzeko epaiketa
Iñigo Cabacasen hilketari buruzko auzia hasi da astelehen goizean Bilbon, Bizkaiko Auzitegiko 3. Salan. Sei ertzain epaituko dituzte, egun horretan aginte ardurak zituztelako edo gomazko pilotak jaurti zituztela onartu dutelako. Beste ertzain batzuek ere egin zuten tiro, baina auziaren garapenean oraindik ez da lortu jakitea nortzen diren.
Cabacas gaztea 2012ko apirilaren 5ean zauritu zuten Bilbon, lagunekin Athleticeko partidu bat ikustera joan eta Ertzaintza jende multzo baten aurka oldartu zenean. Ertzaintzaren ustez kale istiluak ziren Indautxu auzoan eta horregatik parte hartu zuten, baina lekuko guztien arabera ez zen halakorik. Ertzaintzak jaurtitako gomazko pilota batek gaztea zauritu zuen buruan eta lau egunera hil zen ospitalean.
Sei urte iragan dira harrez geroztik eta orain arte izan den epaiketa bakarra Ugarteko ertzainburuaren salaketa baten ondorioz izan da, honek Gara-ko zuzendari Iñaki Soto, Iñaki Iriondo kazetaria eta Jone Goirizelaia familiaren abokatuaren aurka jarritako salaketaren ondorioz.
Publikoki entzun ahal izan diren grabaketetan argi entzuten da Ugartekok nola agintzen dien ertzaineI karga dezaten, baina Ugarteko ez dago auziperatua. Grabaketa hauek publiko egin izana eta bere ohorea kaltetzeagatik eraman zituen epaiketara bi kazetariak eta abokatua, baina epaileak errugabetzat jo zituen.
Gora-behera handiak izan dira auzian eta uneren batean artxibatzekotan ere izan zen. Familiak eta lagunek, ordea, temati jarraitu dute auziarekin, eta azkenean astelehen honetan hasiko da berau. Goirizelaiak gogor salatu du familiaren lanari jarritako traba guztiak eta azpimarratu du ez duela inongo laguntzarik izan ez Segurtasun Sailaren ez fiskaltzaren aldetik. Ertzainentzat lau urteko espetxe zigorra eskatzen du akusazio partikularrak eta sei urteko inhabilitazioa. Fiskalak ez du deliturik ikusten eta absoluzioa eskatu du guztientzat.
Behin eta berriz oihukatuko dugu "justizia Iñigorentzat" pic.twitter.com/EkkT39ZNgD
— IñigoJustizia (@InigoJustizia) 2018(e)ko urriaren 14(a)
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.